DEUTERONOMY 1:16 - Bawm Common Language Bible Version

¹⁶ “Chu tikah chun ka sîntir na lai le, ‘Nan lakah thunawk tla chu nanmah lakah mi minung mawh ramdang mi nan sinah um mi tla thunawk tla chu ṭha tak hen rêl u.

DEUTERONOMY 1:16 ပူးပေါင်းရင်းမြစ်များ

GENESIS 18:25

Sual nei lo mi chu sual nei mi hen bang cho hen na thah rîlmâl lai lo. Chu chu ti kho asi lo! Na thah duh rerêng lai lo. Na hei ti bâk chun, sual nei lo mi chu sual nei mi tla hen munkhat hen rêp an si awt, chu hâwi chu ti kho asi lo. Tual tlûn zawzawngah lâirêltu nih rep tak hen ti ding asi ruangah,” a ti.

2 SAMUEL 23:3

Israel Pathian nih a sim; Israel vêngtu nih ka sinah, “Diknâk hen lâirêltu lal nih chun Pathian lakah ê-aw ngâi hen a rêl mi chu;

SAM 58:1

Nannih lâirêltu tla, dik tak hen thu nan thlûk tâwn ma? Nannih lâirêltu tla, mi zawzawng lâi ṭha tak hen nan rêl ma?

EXODUS 22:21

“Ramdang mi minung nehsawh hen nauneh lah; Aigupta ram ah ramdang mi nan si mi kha theihkumza u.

THUFING LASUIBU 31:9

An rangah thu sim le, rep tak hen lâirêltu si rawh. Ṭangpi herh leh mipâm tla chu hum na rawh.

LEVITICUS 19:15

“Dân lakah thu na thlûk mi lakah zumhkâi rawh. Mi pâm rang khawm ah sunhsak khun lah le, minei khawm ṭih khun lêm lah.

LEVITICUS 24:22

Hi dân hi nan lakah Israel mi khawm ramdang minung nan sinah um mi khawm nih a mang ding asi, Kei, LALPA nan Pathian kasi ruangah,” a ti.

NUMBER 27:19

Bâwlpu Eleazar leh mi zapi mâika ah dîrtir le, chunah chun an ektê mâika ah nangmah ruangrûl ah ruat mi asi ti phuang.

JOHAN 7:24

Mitmâi zauh hen thu thlûk lah ule, rep tak hen thlûk dauh u,” a ti.

DEUTERONOMY 1:15

Churawhchun, phun kip lakah mi mifing leh ti dân thiam tla nan thîm na mi chu ka put na lai le, nan hotu rang ding ah ka siam na lai. A zeimaw mi sâng tlûnah mawhphurhtu ding hen, a zeimaw mi zâ tlûnah, a zeimaw mi sâwmnga tlûnah, a zeimaw mi parâ tlûnah mawhphurhtu tla ka ruat na.

DEUTERONOMY 24:14

“Mi ngâkṭah leh mipâm to-aw ah na siah mi perpet lah, Israel mawh, nan khua ah ramdang minung a hawng um mi mawh khawm si seh.

DEUTERONOMY 25:1

“Israel mi panih an thunawk sim ding hen lâirêlnâk mun ah va kal sele, pakhat chu sual lo hen, pakhat chu sual hen ngaih asi lai.

DEUTERONOMY 27:11

Churawhchun, Mosi nih Israel mi tla sinah,

DEUTERONOMY 31:14

Churawhchun, LALPA nih Mosi sinah, “Tam na dam lai lo rawh. Josua kawh le, Puanin ah hawngpi, chu tikah sîntirnâk ka pêk kho ding hen,” a ti. Mosi leh Josua chu Puanin ah an va kal le,

1 THESALONIKA 2:11

Amah ram leh rokualnâk ah an kawh natu Pathian mi si tlâk a nan um khonâk ding hen, pa nih a fa tla tlûnah a ti hâwi hen, fawrh leh lungngamh leh an theihtir na hen nanmah lak chiauah kan ti chiau na zia nan theih kha.

1 TIMOTHE 5:21

Hi bang thu hi duh bîk nei lo hen thliar le dang nei lo hen Pathian leh Krist Jisu leh vânmifial thîm mi tla mitmuh ah zâwt ding hen semsêngâi tak hen ka nan theihtir.

1 TIMOTHE 6:17

Hi laikulh minei tla hi a zûm lo ding leh neihnâk zumhkâilo ah an lungumnâk ngauh lo hen, thil zawzawng lâwmnâk ding ah hawng kan pêktu Pathian sinah ngauh ding hen nunsimh na rawh.