DEUTERONOMY 1:10 - Bawm Common Language Bible Version

¹⁰ LALPA, nan Pathian nih chun vân ah ârfi zat hen an tamtir na rawh.

DEUTERONOMY 1:10 ပူးပေါင်းရင်းမြစ်များ

GENESIS 15:5

LALPA nih lênglei ah a suakpi le, a sinah, “Vân lei khi zauh le, ârfi tla khi rêl nik, khi zat khin na thlâk tla chu tam tak an um lai,” a ti.

GENESIS 22:17

na thlâk tla chu vân ah ârfi zat leh tipi kapah sep zat hen kan pêk lai. Na thlâk tla nih an mêlma tla an neh lai.

GENESIS 28:14

Na thlâk tla chu tual ah valeidip zat hen an zan lai. Mun kip ah an ram an kauh vima lai le, nang leh na thlâk tla ruangah phun zawzawng mal ka sâwm na lai.

1 CHRONICLES 27:23

Lalchem David nih minung kum kul tanglei mi chu a rêl na lo, LALPA nih Israel fa tla chu vân ah ârfi zat hen ka tamtir na lai a ti ruangah.

NEHEMIAH 9:23

Vân ah ârfi zat hen fa tla na pêk na le, anmah thlâktu tla rangah pêk ding hen na tiamh mi ram na nehtir na hen a sungah na umtir na.

SAM 107:38

A mi tla chu mal a sâwm na le, fa tam tak an nei, an ranrual a vei ding mi chu a hum piak na.

EXODUS 12:37

Israel tla chu Rameses thawk hen Sukot lei kal ding hen an suak rawh. Nunau leh ngâksia rêl lo hen mipa vial nuai ruk ding an si.

EXODUS 32:13

Na to-aw tla, Abraham, Isak leh Jakob theihkumza na rawh. An sinah na thutiam vân ah ârfi zat siding leh zungzâl hen an thlâk tla nih luah ding hen ram na tiamh mi tla theihkumza rawh,” a ti.

ISAI 51:2

Nan thlâktu, Abraham leh Sari thawk hen thlâk nan si mi kha dawn u. Abraham ka kawh liauah fa nei lo hen a um le, sikhawmsele mal ka sâwm le, fa tla ka pêk; thlâk tam tak nei hen ka siam.

EZEKIEL 16:7

Thil keuh no lap mi hâwi hen kan ṭhangtir. Na hawng ṭhang le, na hawng sâng le, nungâk na hawng si. Na nûk a bawm le, na sam tla a sâu le, sikhawmsele takkaro hen na um.

NUMBER 10:36

 dîn kip ah, “LALPA, Israel mi sâng tam tak dâwngsung sinah hawng kîr rawh,” a ti ding asi.

DEUTERONOMY 1:11

LALPA, nan thlâktu tla Pathian nih chun, thu a tiamh mi hâwi hen a let sâng hen an pungtir na sele, nan sul-le-lam an tluangtir na seh!

DEUTERONOMY 10:22

Aigupta ram ah a nan thlâk natu tla an kal liau chun sâwmsarih cho an tling. Tu lam chun LALPA nan Pathian nih vân ah ârfi zat an pungtir na rawh.

DEUTERONOMY 26:5

Churawhchun, LALPA mâika ah hi bang thu tla hi nan sim ding asi: ‘Hawng ka thlâktu chu Aramean mi mivâi asi le, ramdang minung dawrnâk nei lo mi asi, um ding hen a dâwngsung tla Aigupta ram ah kalpitu asi. An kal liauah chun minung tâwmtê an si, sikhawmsele, phun rokual leh thiltikho tak an hawng si rawh.

DEUTERONOMY 28:62

Vân ah ârfi zat hen tam khawm ule, a leifuan chu tâwmtê cho nan si lai, LALPA nan Pathian thu nan ngâilo ruangah.

DEUTERONOMY 7:7

“LALPA nih phundang ngâk hen nan tam ruangah an dâwt na hen an thîm na mi asi lo; tual tlûnah phun mêchem nan si.