DANIAL 9:9 - Bawm Common Language Bible Version

⁹ Na lakah hel menza khawmsele, kan lakah khua na ruat hen na kan ngaihdam.

DANIAL 9:9 ပူးပေါင်းရင်းမြစ်များ

2 SAMUEL 24:14

David nih, “Dîrmun ṭhalo tak ah ka um rawh asi! Sikhawmsele minung rêp chu ka duh lo. Hawng ka rêp ding hen amah LALPA si dauh seh, anih chu khuaruat khotu asi ruangah,” a ti.

1 Lal 8:30

Kei leh na mi tla nih hi mun lei hawi hen thla kan cham chun hawng kan ngâi piak. Na umnâk vân in thawk hen hawng kan ngâi le, hawng kan ngaihdam.

NEHEMIAH 9:31

Chu khawm ah khua na ruat nget rih le, na kaltâk hen na veih dep na lo, nang chu Pathian vêlnei leh khuaruat mi na si!

SAM 130:4

Sikhawmsele nangnih na kan ngaihdam le, zah tak hen kan zûl khonâk ding hen.

SAM 130:7

Israel, LALPA chu zumh, hum ding hen a nan duh kumza ruangah leh a dâwtnâk chu a dawnglo ruangah.

SAM 62:12

LALPA, nangmah ngelchel nih, mikip an thilti hâwi vima hen lâwmman pêk na.

SAM 86:15

Sikhawmsele, LALPA nang lam chu, khuaruat mang leh dâwttu Pathian na si; dawnh kho kumza leh vâlnei leh zumhkâi na si.

SAM 86:5

Nang chu kan lakah na ṭha hen na kan ngaihdam, na sinah thlachamtu chu dâwtnâk dawnglo na pêk.

ISAI 55:7

Misual tla nih an umdân sual tla bângtâk na sele, an thinlung dawn lêt na seh. LALPA kan Pathian leiah hawng a hawi na seh; anih chu mi khuaruat leh ngaihdam sawmtu asi.

ISAI 63:7

LALPA dâwtnâk tlawlh dahlo ka sim lai le; Kan rangah thil a ti mi zawzawng ruangah amah chu ka sawr lai. A dâwtnâk leh khuaruatnâk dawnglo ruangah Israel mi tla chu cherkhet hen mal a sâwm na.

JEREMIA 14:7

Ka mi tla nih an ka auh le, ‘LALPA, kan sual nih hawng kan mawhtir khawmsele, thu nâ tiam mi hâwi hen hawng kan ṭangpi rawh.’ Vei tam tak kâng dang leiah kan hawitâk le, na tlûnah thilsual kan ti.

EZEKIEL 20:13

Sikhawmsele ramkaro ah an ka siarlo. A zûltu âuzawng rangah nungnâk ding mi dân leh thupêk tla chu an buar le an duh lo. Dinhni tla an nawmh dep. Ramkaro ah anmah tla chu ka thinthawknâk fâk tak theihtir leh veih dep na ding hen ka tîm rawh.

DANIAL 9:5

“Thilsual kan ti le, thil diklo kan ti. Thu na kan pêk mi tla chu ti ding kan duh lo le, thil dik na hawng kan muhtir mi chu kan hertâk.

DANIAL 9:6

Na to-aw khuavâng tla nih na min hen kan lal tla leh lâirêltu tla, hawng kan thlâktu tla leh kan phun zawzawng tla sinah thu an sim mi chu an ngâi duh lo.

DANIAL 9:7

LALPA, nang lam chu thil dik na ti kumza le, sikhawmsele kannih chu kanmah karo ningzak kanna saih kumza. Na lakah kan diklo rawh ruangah, Israel tla ram nâi leh ram lât ah na rekrâwi tir mi zawzawng tla leh Judai ram leh Jerusalem ah um mi zawzawng tla chu kanna bang hep.

DANIAL 9:8

LALPA, kan lal tla, kan lâirêltu tla leh hawng kan thlâktu tla nih na lakah ningzakkâi tak hen thilsual an ti asi.

JONA 4:2

Churawhchun, thla a cham le, “LALPA, in thawk hen ka suak lânah chu hâwi hen na ti lai kan ti mi hâwi kha asi taktê lo ma? Hi ruangah asi Spain ram ah tek ding ka tum mi kha. Nang chu mi dâwttu leh khuaruattu Pathian na si ti ka theih, na dawnh kho kumza, vêl na nei kumza, rêplo hen thinlung lêt tum kumza mi na si ti ka theih.