DANIAL 9:3 - Bawm Common Language Bible Version

³ Buh ngei hen salâpuan aih hen, vachâm lakah ka to le, LALPA Pathian sinah ṭhanem semsê ngâi tak a ngiar bû hen thla ka cham.

DANIAL 9:3 ပူးပေါင်းရင်းမြစ်များ

2 SAMUEL 12:16

David nih chu ngâksia dam ding hen Pathian sinah thla a cham. Zân siar hen a in kardang ah a lût le, ṭuang ah zân khuadei a rîl ko.

Ezra lasuibu 10:6

Churawhchun, Pathian Biakin tualmâi ah mi chu Eliasib fapa Jehohanan umnâk ah a va kal le, chunah chun saltâng tla zumhkâilonâk thu ah lungfâk tak hen chunah zân khat a va riak.

Ezra lasuibu 8:21

Tî lampi chawhnâk mun Ahaviah ah, kan Pathian mâika ah thinlung nâu tak a buh ngei ding hen leh kan kalnâk ding lampi tluan hen kan neih leh kan fa tla hawng kan kilkâwi ding hen Pathian sinah ngiarnâk thu ka suah.

Ezra lasuibu 9:5

Zânlei kâng bâwlnâk tik asi rawh chun, ngaihsia tak hen ka um mi mun thawk hen ka thawk le, ka nipuan thlêk mi ruk bû hen bân phar hen ka siksidîr le, LALPA Pathian sinah thla ka cham.

NEHEMIAH 9:1

Chu thla lîlâ ni kul leh ni li ni ah Israel tla chu an sual anna sîr ti theihnâk ding hen buhngei hen anna pûm.

ESTHER 4:16

“Juda zawzawng Susa ah pumh ver na le, ka rangah buh ngei hen thlacham u. Ni thum leh zân thum chu buh ei leh tî dinlo hen um u. Ka to-aw nungâk leh kei khawm nih chu hâwi kan ti bâk lai. Chu tikah dân si lah khawmsele lal sinah ka va kal lai, churuangah thi ding asi âwk le, ka thi ko lai,” a ti.

JOB LASUIBU 42:6

Churawhchun, thu ka sim mi zawng ruangah thungâi ka ning a zak le, vachâm leh valeidip lakah ka rim rawh,” a ti.

SAM 35:13

An damlo zâwnah lungkham tak hen puan ka aih, buh ei lo hen ka um; ka lû kûn hen thla ka cham,

ISAI 22:12

LAPA zahkâi, Zeizawng tikho nih chun, ṭap ding leh ulh ding hen nan lû mêt ding leh salâpuan aih ding hen a nan kawh na.

JEREMIA 33:3

“Hawng ka auh ule, ka nan sâng na lai, nan theih dahlo mi thilchê tak ka nan simh na lai.

EZEKIEL 36:37

LALPA Zahkâi nih, “Israel mi tla nih ṭangpi an hawng ka ngiar nawlh lai le, kei nih dawrâ rual hâwi hen ka zantir nawlh na lai.

DANIAL 6:10

Churawhchun, lal nih a min a rîn rawh ti Danial nih a theih rawh chun in leiah a lâwi le, a umnâk in chawnh tlûnah Jerusalem hawi hen langawtkawt a um, chunah chun a ti kumza hâwi hen nisiar ni khat lâi ah veithum vima thla a cham.

DANIAL 9:2

A lal kum a kum khatnâk ah khuavâng Jeremia rangah LALPA nih a simh mi hâwi hen kum sâwmsarih ah Jerusalem a râwk ding mi thu lasuibu ah mi chu ka rêl.

DANIAL 9:20

Thla ka cham vima le, keimah sualnâk leh Israel mi tla sualnâk thutluang ka vâwr le, LALPA, ka Pathian sinah Biakin dirh nawlh ding hen ka ngiar.

DANIAL 9:4

LALPA, ka Pathian sinah thla ka cham le, ka mi tla sualnâk thutluang ka vâwr. “LALPA, Pathian, nang chu na rokual le, ka nan zah asi. Nang chu na thutiam lakah zumh na kâi le, a nan dâwttu leh na thupêk hâwi hen thil titu tla sinah chun na dâwtnâk dawnglo na zauhtir na.

JOEL 1:13

Nannih bâwlpu, mâichâm rianṭuantu tla, salâpuan a aih ule, ṭap u. Nan Pathian sinah ap ding hen fâng leh uain a um lo rawh.

JOEL 2:12

LALPA nih, “Tu khawm ah, zumhkâi tak hen rim ule, ṭap bû leh lungfâk tak hen buhngei hen ka sinah hawng kîr u.

JONA 3:5

Ninevi khua mi tla nih Pathian thuchah chu an lung rawh. Churawhchun, mikip nih buh ngei ding hen thu an thlûk le, mi zawzawng a lianchem thawk hen a mêchem tiang nih an rim ti theihnâk ding hen salâpuan anna aih.

MATHAI 17:21

nan rangah ti kho lo zeikhawm a um lai loh,” a ti.

LUK 2:37

chun, chu nûnah kum sâwmriat leh kum li asi tiang â mei. Anih nih chun Pathian Biakin kaltâk lo hen a sûn a zân a buh ngei leh thlacham hen Pathian a sawnh tâwn.

THILTI 10:30

Chun, Kornelia nih chun, “Ni li asi rawh, tu tik ding chirah hin ka in ah zânlei dâr thum ah thla ka cham le, minung pakhat puan chêu tak aih hen ka mâika ah a dîr le,