DANIAL 9:2 - Bawm Common Language Bible Version

² A lal kum a kum khatnâk ah khuavâng Jeremia rangah LALPA nih a simh mi hâwi hen kum sâwmsarih ah Jerusalem a râwk ding mi thu lasuibu ah mi chu ka rêl.

DANIAL 9:2 ပူးပေါင်းရင်းမြစ်များ

2 CHRONICLES 36:21

Jeremia mang hen LALPA nih a sim mi kha a hawng tlung taktê rawh asi: “Dinhni manglo hen kum sâwmsarih kar ram chu lâwng tleng hen a um lai,” ti thu hâwi khan.

Ezra lasuibu 1:1

Kirus chu Persia lal lianchem a sinâk a kum khatnâk ah LALPA nih Jeremia mang hen thu a sim mi chu a tlung taktê rawh. Kirus nih rîn hen a ram sung mun kip ah kuat hen hâu fakpi a rêl ding hen a thinlung a thawktir.

SAM 119:24

Na sîntirnâk nih hawng ka lawmhtir le; krai hawng ka pêktu asi.

ISAI 64:10

Na khuapi thenhlimh tla chu a karo hen a um: Jerusalem chu râwk dep hen a um,

JEREMIA 1:1

Hi lasuibu hi Hilkiah fapa Jeremia, Benjamin ram ah Anathoth khua mi bâwlpu tla lakah pakhat nih a sim mi thâwngthâng asi.

JEREMIA 25:18

Jerusalem leh Juda khuapi zawzawng tla an lalchem tla leh ruitu tla hen chu lakah mi chu dintir an si, siat leh râwk hen ṭihnungkâi leh lâu rê ding leh an thilti liau mi min put hen mi nih siatbarh mi tla an tinâk ding hen.

JEREMIA 26:18

“Hezekiah Juda lalchem asi liauah, Moreseth ah mi khuavâng Mikah nih LALPA Zeizawng tikho thusim chu zapi tla sinah a sim, ‘Zion chu phâisen nâwn mi hâwi asi lai le, Jerusalem chu thilsia pawng mi asi lai le, Biakin tlâng chu thingmun asi lai,’ a ti.

JEREMIA 26:6

Ka thu nan ngâilo nget mi asi chun, hi Biakin hi Siloh ah ka ti mi hâwi hen ka ti lai le, laikulh phun zawzawng nih a min ah siatbarh mi khuapi an ti lai,” a ti.

JEREMIA 27:7

A phun tlûknâk tik a tlung lânlo chu phun zawzawng tla nih amah leh a fapa leh a tupa rian an ṭuan lai. Churawhchun, a phun nih phun thiltikho tak leh lalchem rokual tak tla rian an ṭuan lai.

JEREMIA 29:10

“LALPA nih, ‘Babulon ah tângnâk kum sâwmsarih a tling rawh chun, ka nan ruat na mi ka langh lai le, in leiah an kîrpi na ding hen thu ka tiam mi ka theihkumza lai.

JEREMIA 7:34

Ram khawm a karo hen a um lai. Juda khuapi tla ah leh Jerusalem khua lâi ah nuam chenh hâu leh nupa umhnâk puai lawmh hâu tla ka dawngtir lai rawh.

LUNGFÂKNÂK 1:1

Jerusalem, veikhat chu minung khat dul hen A um mi a king rawh chiam e! Veikhat chu laikulh pumpi nih zah hen a um mi Tu chun numei hâwi cho asi rawh. Khuapi lianchem chu sal asi ving rawh.

EZEKIEL 29:11

Chu ram ah chun minung leh ramsa zeikhawm â vel mi a um lai lo. Kum sâwmli sung chu chunah zeikhawm a um lai lo.

DANIAL 9:3

Buh ngei hen salâpuan aih hen, vachâm lakah ka to le, LALPA Pathian sinah ṭhanem semsê ngâi tak a ngiar bû hen thla ka cham.

MIKAH 3:12

Churuang chun Zion chu nangmah ruangah phâisen hâwi hen nâwn asi lai le, Jerusalem chu nâwm pawngnâk asi lai, Biakin tlâng chu tumun asi lai.

ZEKARIA 1:12

Churawhchun, vânmifial nih, “LALPA, Zeizawng tikho, tuah Jerusalem leh Juda khuapi lakah na thinrun mi chu kum sâwmsarih asi rawh. Khuaruatnâk nei lo hen zeitiang riamruam me na siah awt? ” a ti.

ZEKARIA 7:5

“Ram lakah mi tla leh bâwlpu tla nih kum sâwmsarih sungah thla nganâk leh thla sarihnâk sungah buh an ngei mi chu keimah sunhsaknâk ruangah asi lo,

MATHAI 24:15

“Chuvachun, Ṭhiautu Fihnungkâi khuavâng Danial sim mi kha, mun thenhlimh ah dîr hen nan muh tikah (a rêl mi zawng nih a umzia theih seh),

MARK 13:14

“Sikhawmsele, ‘Ṭhiautu Fihnungkâi’ chu a dîr lonâk ding mun ah dîr nan muh tikah, (a rêltu zawng nih a umzia theih seh), chu tikah chun Judai ram ah um tla chu tlâng ah tek seh.

THILTI 8:34

Chun, tilkhei nih chun Philip a sawnh le, a sinah, “Khuavâng nih hi thu tla hi âu thu me a sim, amah thu ma, midang thu? Ka nan deih,” a ti.

1 TIMOTHE 4:13

Ka hawng kal lânlo chu, Pathian thu rêl leikâng tla leh, thusim leh sîntirnâk leikâng tla ah teiririal tak hen a mang rawh.

THUPHUANG 1:3

Hi simhkannâk thu rêltu leh ngâitu leh a sungah thu â rîn mi pawmtu tla chu an thaw a suak. Hi zawng thil a hawng um ding mi tik chu a nâi rawh ruangah.