DANIAL 8:9 - Bawm Common Language Bible Version

⁹ Chu ki pali tla lakah ki metê a hawng kho le, a thiltikhonâk nih simlei, saklei leh ram tiam leikâng a dêng khet.

DANIAL 8:9 ပူးပေါင်းရင်းမြစ်များ

SAM 105:24

LALPA nih a mi tla chu tê leh fa tam tak a pêk na le, an mêlma tla ngâk hen chak dauh hen a siam na.

SAM 48:2

Zion, Pathian tlâng chu a sâng hen â dawh le, Lal rokual khuapi nih chun laikulh zawzawngah lâwmnâk a tlungtir.

JEREMIA 3:19

LALPA nih, “Israel, ka fapa hâwi hen an nei ding ka nan duh le, Ram duhkâi tak, laikulh pumpi ah ram dawh chem ka nan pêk. Ka sinah mi kâng dangah a hawi lo rawh ding hen Pa ah na ka ruat ding hen ka nan duh.

EZEKIEL 20:15

Churawhchun, anmah rangah ka pêk na mi neihnâk leh ram ṭha, ram zawzawngah ram ṭha chem leiah kalpi na lo ding hen ramkaro ah thu ka tiam.

EZEKIEL 20:6

Churawhchun, Aigupta ram ah mi suah na hen neihnâk ram leh ram ningno, ram zawzawngah ram ṭha chem anmah rangah ka thîm piak na mi leiah kalpi na ding hen thu ka tiamh na.

DANIAL 11:16

Anmah rûntu Siria mi nih a duh duh hen a ti na lai. Ram tiam ah chun a dîr lai le, amah thiltikhonâk hen â ting hep lai.

DANIAL 11:21

Vânmifial nih a simhfiang vima le: “Siria lal a hawng um nawlh ding mi chu misual tak asi lai le, lal silo ding mi lakah ruat lo tak hen a hawng si le, perpet hen thiltikhonâk â ting.

DANIAL 7:8

Chu ki tla chu ka ngiat liauah, chu ki tla thawk hen a kitê a hawng chawrh, chu ki tla lakah mi ki thum chu a khiak rel, chu ki nih chun minung mit leh kâ a nei le, puar tak hen â khâwng.

ZEKARIA 7:14

Thlipi hâwi hen ramdang ah um ding hen ka sêm phin na. Hi ram ṭha tak hi a luahtu pakhat khawm umlo hen mâk hen a um.