DANIAL 8:4 - Bawm Common Language Bible Version

⁴ Ka zauh ko le, a ki hen thlanglei, marlei leh simlei a suk, zeitin mi ramsa khawm nih a thiltikhonâk lakah mi chu an do kho hen an suak kho lo. A duh duh hen a um le, a lung a khungtir dadauh.

DANIAL 8:4 ပူးပေါင်းရင်းမြစ်များ

1 Lal 22:11

Kenaanah fapa Zedekiah nih thîr hen ki a siam le, “Hi hi LALPA thusim chu asi, ‘Hi hi tla hen Siria tla na do na lai le, na neh na lai,’ ” a ti.

JOB LASUIBU 10:7

Ka palh lo ti na theih le, na lakah mi chu âukhawm nih an ka hum kho lo.

SAM 44:5

nangmah thiltikhonâk hen kan mêlma tla kan neh.

SAM 50:22

“Nang, mi lungkhung, hi hi ngâi; chu lo chun ka nan veih awt, âukhawm a nan humtu ding a um lai loh.

SAM 7:2

Chu lo chun, âukhawm sanhtu umlonâk ah chakeibaknei hâwi hen an ka put ving lai le, an ka sâm dip lai.

EZEKIEL 34:21

A nganfâk mi chu khatlei kângah nan eng le, a rual lakah mi chu nan tul ving.

DANIAL 11:16

Anmah rûntu Siria mi nih a duh duh hen a ti na lai. Ram tiam ah chun a dîr lai le, amah thiltikhonâk hen â ting hep lai.

DANIAL 11:36

“Siria lal nih amah thu thu hen thil a ti lai. Zei pathian zawng, Pathian rokual chem khawm, Pathian rokual tak ngâk khawm hen lian dauh a ruat hen â khâwng lai. Pathian nih a rêpnâk tik a tlung lânlo chu, chubang chu a tikho lai. Pathian nih a thiltum mi hâwitê a ti lai.

DANIAL 5:19

A rokual tuktarâi ruangah phun zawzawng leh zât zawzawng leh hawlh zawzawng nih an ṭih le, an thîr. Thah ding a duh mi chu a thah na, nungtir ding a duh mi chu a nunh na. A duh mi zawng zahkâi hen khawm a tuah, ningzak khawm a saih na.

DANIAL 5:30

Chu zân takah chun Belsazar, Babulon lalchem chu thah hen a um le,

DANIAL 7:5

Sarâng panihnâk chu vawm hâwi asi le, a dunglei kê hen a dîr. A hâ karah nâkruh pathum a um, aw-hâu nih a sinah, “Kal le, sa na chelh rî hen ei,” a ti.

DANIAL 8:7

chu dawrâ chal a suk mi chu ka zauh ko, a thinthawk tuk le, a hawng suk chiam le, a ki panih a khiak piak ving. Dawrâ chal nih do ding hen chaknâk a nei lo rawh. Tual ah a rilh thlo le, a chîl dep le, âukhawm amah humtu ding pakhat khawm an um lo.

MIKAH 5:8

Phun lakah a um rih mi tla chu chakeibaknei thing mun ah ei ding a hâwl mi hâwi mawh an tlawngnâk ah â sawk mi hâwi asi lai le, a nam na le, a sâm dip na le, sanh kho an silo rawh mi hâwi an si lai.

DEUTERONOMY 33:17

Josef nih chun chawchal chaknâk, Ram chawchal ki a nei. A ki tla chu Manaseh phun sâng khat leh Efraim phun sâng râ an si. Chu tla hen chun phun tla chu a suk na le, Kâwlkil tiang hen a nâwr na,” a ti.