DANIAL 8:2 - Bawm Common Language Bible Version

² Keimah khawm Elam ram ṭhen Susa khuapi kulh mi khuapi sungah um hen ka theih sawm. Ulai Tiva kapah ka dîr le,

DANIAL 8:2 ပူးပေါင်းရင်းမြစ်များ

GENESIS 10:22

Sem fapa tla chu: Elam, Asur, Arpaksad, Lud leh Aram an ti. Chu tla chu thlâktu min puttu tla chu an si.

GENESIS 14:1

Lalchem pali, Babulon ah mi Shinar lalchem Amraphel, Ellasar lalchem Ariok, Elam lalchem Kedorlamer, Goim lalchem Tidal

NEHEMIAH 1:1

Hi hi Hakaliah fapa Nehemiah nih rianṭuan a lîmnâk thu asi. Persia lal lianchem Artakzerzes a lalnâk kum kul a tlingnâk Kislev thla ah Susa khuapi ah ka um.

ESTHER 2:8

Lal nih nungâk tam tak Susa ah hawng put na ding hen thu thar a suah le, chu nungâk lakah Esther khawm â tel bâk. Anih khawm chu lal in ah nunau siahnâk Harem bulsântu Hegai, vêngnâk ah siah asi bâk.

ESTHER 3:15

Lal thupêk hen chu thu chu Susa khuapi ah siam asi, lasui ṭhentu tla nih ram ṭhen kip ah an kalpi rawh. Susa khuapi a lawksawng liau chun lal leh Haman chu din leh ei hen an um.

ESTHER 7:6

Esther nih a sâng le, “Kan mêlma, hawng kan nehsawhtu chu hi misual Haman hi asi!” a ti. Haman nih lal leh lalnu chu ṭih bû hen a zauh na rawh.

ESTHER 8:15

Mordekai chu lal thuam, a pâwl mi leh a ngo mi thuam hen, kawrfual senduk, ngûn lukhuh rokual tak khuh bû hen lal in thawk hen a suak rawh. Churawhchun, Susa khuapi chu lawmhnâk leh chawnglawmhnâk hâu hen a tlirhkhâwng.

ESTHER 9:11

Chu ni ah chun Susa khuapi ah an thah mi minung zat chu lal sinah an sim.

ESTHER 9:15

Susa mi Juda tla nih Adar thla a ni leili thla ah a dang mi zathum khuapi ah an thah nawlh. Sikhawmsele chu liau khawm râllâk sum chu an lâk lo.

ISAI 11:11

Chu ni a hawng tlung tikah chun Lalpa nih Asiria ram ah leh Aigupta ram ah um rih mi tla, Pathros, Sudan, Elam, Babulon, Hamat ram ah um mi leh tiva kapah um mi leh tikulh lakah um mi tla, kîrpi nawlh na ding hen a thiltikhonâk veikhat a mang nawlh lai.

ISAI 21:2

Thil ṭhalo tak a hawng tlung ding mi langhnâk ka muh le, tleihnâk leh siat leh râwknâk ding mi asi. Elam kawrsen tla, do u! Media kawrsen tla, khuapi tla chu hual u! Babulon nih tuarnâk a tlungtir mi chu Pathian nih a dawnghnâk a siam awt rawh.

EZEKIEL 1:1

Kum sâwmthumnâk a thla linâk ninga ni ah kei, bâwlpu Ezekiel, Buzi fapa leh Juda saltâng tla hen Babulon ah Kebar tiva kiangah kan um. Vân â awng le, Pathian muhtirnâk ka muh.

EZEKIEL 32:24

“Elam chu chunah a kawrsen tla thlân nâwngah a um. Râltuknâk ah thah hep an si le, fêmtan lo hen laikulh thihnâk ah an kal. An dam liauah ningṭih punghtu an si, sikhawmsele tu chun an mualpho rawh.

DANIAL 10:4

Chu kum thla masa chem ni kul leh ni li ni ah Tigris Tiva lian tak kapah ka dîr le,

DANIAL 7:15

Langhnâk ka muh mi nih ka thinlung a purh khit le, ka thinlung a nawk thlo.

DANIAL 7:2

chu zân ah ka mang ah ka muh mi ka rîn mi chu hi tla hi asi: Thli chu mun kip thawk hen a hawng râng le, tisumsumriat chu a hawng sêm.

DANIAL 8:1

Lalchem Belsazar a lalnâk kum thumnâk ah langhnâk a veinihnâk ka muh.

DANIAL 8:3

chu tiva kapah chun dawrâ chal ka muh le, chu dawrâ chal nih ki sâu tak panih a nei, pakhat chu pakhat dang ngâk hen a sâu dauh hen a thar dauh.

NUMBER 12:6

churawhchun LALPA nih, “Thu ka sim ding mi hi ngâi u, nan sinah khuavâng an um liauah an sinah Keimah tak ka langh le, mang leiah an sinah thu ka sim.

HEBRAI 1:1

A lânah Pathian nih kan thlâktu tla sinah vei tam tak leh kâng tam tak hen khuavâng tla mang hen thu a sim le,

THUPHUANG 9:17

Chun, muhtirnâk ah chun, rang leh a tlûnah anna chuan mi ka muh le, mei leh saphir leh kât eng hâwi mi phaw an nei le, rang lû tla chu chakeibaknei lû hâwi asi le, an kâ thawk hen mei leh meikhû leh kât tla a hawng suak.