DANIAL 7:9 - Bawm Common Language Bible Version

⁹ Ka zauh ko liauah laltophah a hawng toh, laltophah tlûnah um kumza mi chu a to, a nipuan chu vûr hâwi a vâr le, a sam chu samul thiang mi hâwi asi. A laltophah chu mei kari chângpah tlûnah toh hen a um le, meialh lian tak asi le,

DANIAL 7:9 ပူးပေါင်းရင်းမြစ်များ

1 Lal 22:19

Mikaiah nih a sim vima le, “Tuah LALPA thusim hi ngâinik, LALPA chu vân ah a laltophah ah to hen a kiangkam ah vânmifial tla zawzawng hen dîr mi ka muh.

2 CHRONICLES 18:18

Mikaiah nih a sim vima le: “LALPA nih thu a sim mi hi tuah ngâi! LALPA chu vân ah a laltophah tlûnah to hen, a kiangah vânmifial tla dîr mi zawzawng ka muh.

SAM 45:8

Murrah leh aloe rimthâw hen na nipuan a nam. Sâi hâ hen thawmh mi lal in chu thil riphung tumtu tla nih an lawmh.

SAM 90:2

Laikulh leh tlâng tla na siam lân khawm ah nang chu zungzâl Pathian leh um kumza mi Pathian na si.

SAM 93:2

LALPA, na laltophah chu a tîr thawk hen birhtir asi le, tik dawmh asi lânah nang chu na um chia rawh asi.

ISAI 6:1

Lalchem Uziah thih kum ah LALPA ka muh. Laltophah ah a to le, sâng tak ah chungnungtir hen a um le, a kawrfual nih Biakin pumpi a khattir.

ISAI 9:6

Kan lakah ngâksia a hawng suak! Fapa pêk hen kan um! Anih chu kan lâirêltu asi lai. “Remruattu Che,” “Pathian chak,” “Zungzâl Pa,” “Remnâk Lal” an ti lai.

JEREMIA 49:38

An lalchem tla leh an ruitu tla ka veih na lai le, chunah chun ka laltophah ka toh lai.

EZEKIEL 1:26

Chu lûm tlûnlei chun saphir lung hen siam mi laltophah hâwi a um le, a tlûnah chun minung hâwi hen mi a to.

DANIAL 7:13

Chu zân ah langhnâk lakah chun, minung hâwi lek mi ka muh, sûm tuam buk hen ka leiah a hawng le, nung kumza mi leikângah a va kal le, a sinah a va a pêk.

DANIAL 7:22

A nung kumza mi chu a hawng le, Pathian mi tla sunhsaknâk ruangah lâirêlnâk thu a hawng sim. Pathian mi tla nih lal thiltikhonâk anna ting ding mi tik a hawng tlung rawh.

MIKAH 5:2

LALPA nih, “Bethlehem, Eprathah, Juda ram khuapi ah a mêchem mi na si, sikhawmsele nangmah thawk hen Israel tla lâirêltu ding a lânah mi a dâwngsung hâwitê si nawlh ding mi ka hawng suaktir awt!

HABAKUK 1:12

LALPA, nang chu a tîr thawk hen Pathian na si. Nang chu zungzâl ka Pathian thenhlimh na si. LALPA, ka Pathian leh hawng ka humtu, Babulon mi tla chu hawng kan rêp ding hen na thîm le, chak tak hen na siam.

MATHAI 17:2

An mâika ah chun a mêl umzia chu a hawng a dang rawh. A mêl chu nî hâwi hen a hawng chêu le, a nipuan tla chu chêu hâwi hen a hawng vâr rawh.

MATHAI 28:3

A mêl umzia chu mîmthlalek hâwi asi le, a nipuan tla chu vûr hâwi hen a vâr.

MARK 9:3

Chun, a nipuan tla chu tual ah puan suktu nih an suk vâr kho lo rê tiang a vâr tîk hen a lek zur rawh.

THILTI 2:30

Anih chu khuavâng asi le, Pathian nih David thlâk tla âumawh a tophah tlûnah a totir awt ti siatsirh hen a sim ti a theih le;

THILTI 2:33

Pathian vawrhlei ah chawnglawmh hen a um le, Thlarau Thenhlimh tiamh mi chu Pa sinah thawk hen a tawng le, nan muh leh nan theih mi hi a hawng tawih asi hi.

PHILIPI 3:9

Krist ka ting khonâk ding leh mah repnâk (Dân lakah repnâk chu) nei lo hen, Krist lung ruangah repnâk (Lung ruangah Pathian lakah repnâk chu) nei dauh hen, amah lakah um kasi khonâk ding hen;

1 TIMOTHE 6:16

Amah cho nih thih kholonâk a nei, chêu naih kho lo rê ah a um le, amah chu âukhawm nih an muh dahlo, muh khawm an muh kho ber lo, amah sinah zungzâl chawnglawmhnâk leh thiltikhonâk um seh. Amen.

1 JOHAN 1:5

Chun, thuchah a Fapa sin thawk hen kan theih le, nan sinah kan simh na mi chu hi hi asi: Pathian chu chêu asi, amah lakah chun mûi rerêng a um lo.

THUPHUANG 1:14

Chun, a lû leh a sam chu vûr hen â bang mi samul hâwi hen a vâr, a mit tla chu meialh hâwi asi le;

THUPHUANG 19:18

“Lal sa tla, kawrsen hotu sa tla, mi chak sa tla, rang leh a tlûnah chuantu tla, mi zawzawng, to-aw leh to-aw lo, mi lian leh mi mê tla sa nan ei khonâk ding hen, Pathian puai rokual tak tuahnâk ah hawng a pum u,” ti hen a âu.

THUPHUANG 20:4

Chun, laltophah tla ka muh le, a tlûnah mi an to le, an sinah lâirêlnâk an pêk na le, chun, Jisu theihtirnâk thu ruangah leh Pathian thu ruangah lû tan hen an thi mi thlarau tla leh sarâng leh a lem mâimûk lo hen, an chal ah mawh, an kut ah mawh singsiahnâk neilotu tla thlarau khawm ka muh le, chubang tla chu an nung le, Jisu Krist hen kum sâng khat lâi an rêl.

THUPHUANG 4:2

Chun, lâkkhat ko ah Thlarau hen ka hawng um sawm le, ngâinik, vân ah chun laltophah ah chun âumawh a to.