DANIAL 7:8 - Bawm Common Language Bible Version

⁸ Chu ki tla chu ka ngiat liauah, chu ki tla thawk hen a kitê a hawng chawrh, chu ki tla lakah mi ki thum chu a khiak rel, chu ki nih chun minung mit leh kâ a nei le, puar tak hen â khâwng.

DANIAL 7:8 ပူးပေါင်းရင်းမြစ်များ

SAM 12:3

LALPA! sawr telenâk kâ chu bângtir le, khâwngnâk kâ tla chu phih piak na.

DANIAL 11:36

“Siria lal nih amah thu thu hen thil a ti lai. Zei pathian zawng, Pathian rokual chem khawm, Pathian rokual tak ngâk khawm hen lian dauh a ruat hen â khâwng lai. Pathian nih a rêpnâk tik a tlung lânlo chu, chubang chu a tikho lai. Pathian nih a thiltum mi hâwitê a ti lai.

DANIAL 7:19

Churawhchun, sarâng palinâk a dang tla hen â bang lo mi sarâng ṭihnungkâi tak, dâr tin leh thîr hâ a nei mi hen a sa seh a sâm le, a lamhbêk mi thu tla chu tam dauh theih ding ka duh.

2 THESALONIKA 2:4

anih nih chun Pathian an ti mi leh an sawnh mi zawzawng do hen, an tlûnah um ding tum hen thang a ṭhattir lai: chun Pathian Biakin ah to hen Pathian hâwi rê hen â phuang lai.

2 TIMOTHE 3:2

Mi, mah â zângfah mi tla, tangka sunhsaktu tla, â khâwng mi tla, â zûm mi tla, Pathian simsiattu tla, nu leh pa thu ngâilo tla, lâwm dân theih lotu tla, thenhlimh lo tla,

2 PETER 2:18

Diklonâk ah an um mi tla thawk hen an suak rawh mi tla chu tlûktir na ding hen taksa duhnâk sual leh hurnâk an mang tâwn.

JUD 1:16

Chubang tla chu chipchiartu leh mi simsâwitu tla an si le, anmah duhnâk hâwi vima hen an um le, an kâ hen khâwngnâk thu dawh lo tak an sim le, anmah siremnâk cho tawng ding hen mi an sunhsak na tâwn.

THUPHUANG 13:1

Chun, sarâng, ki parâ leh lû pasarih a nei mi, tisumsumriat thawk hen a hawng suak mi ka muh le, a ki kip ah lallukhuh a um le, a lû kip ah simsiatnâk min â rîn asi.

THUPHUANG 9:7

Chun, khâubawk tla umdân chu rang tla râltuk ding hen anna tîm zet mi hâwi an si; ngûn lallukhuh hâwi anna khuh le, an mêl khawm minung mêl hâwi asi.

1 SAMUEL 2:3

Na puarsanhnâk kha bâng le, puar thâu tak hen thu na sim mi khawm bâng rawh. LALPA chu mi zawzawng thilti lakah lâirêltu leh theihtu Pathian asi ruangah.