DANIAL 7:7 - Bawm Common Language Bible Version

⁷ Ka zauh ko liauah sarâng palinâk a hawng lang, thungâi thil a ti kho le, ṭihnung a kâi, a thîr hâ lian tak hen a sa seh tla a sâm dep le, a lamhbêk, a dang tla bang lo tak hen ki parâ a nei.

DANIAL 7:7 ပူးပေါင်းရင်းမြစ်များ

2 SAMUEL 22:43

Ka dêng na le, vûisadip hâwi an hawng si. Khua lâiah valei nêng hâwi hen ka lamh na.

JOB LASUIBU 41:14

A kâ âunih bauh kho hen, a khâ âunih merh kho?

EZEKIEL 40:2

Muhtirnâk ah chun Pathian nih Israel ram ah hawng ka put ving le, tlâng sâng tlûnah hawng ka siah. Ka mâika ah khuapi hâwi hen in sak dul mi ka muh.

DANIAL 2:19

Chu zân lîlâ ah chun Danial nih langhnâk a muh mi lakah lal chu a muh sih le, vân Pathian sawr hen a muh rawh. Danial nih,

DANIAL 7:13

Chu zân ah langhnâk lakah chun, minung hâwi lek mi ka muh, sûm tuam buk hen ka leiah a hawng le, nung kumza mi leikângah a va kal le, a sinah a va a pêk.

DANIAL 7:2

chu zân ah ka mang ah ka muh mi ka rîn mi chu hi tla hi asi: Thli chu mun kip thawk hen a hawng râng le, tisumsumriat chu a hawng sêm.

DANIAL 8:10

Vân ah mi kawrsen tla do kho rê hen a hawng chak le, ârfi tla tiang men zeimaw zat tual ah a thlâk na le, a lamhbêk na.

DANIAL 8:22

A masa mi ki a kiak ving le, ki pali a hawng kho mi chu lalram pali, phun tla ṭhenkhuai hen a um ding mi a zauhtir. A tîr mi lalram hâwi hen a bir lai lo rawh.

ZEKARIA 2:1

Langhnâk dangah mi pakhat nih tahnâk a put mi ka muh.

THUPHUANG 12:3

Chun, thilchê dang vân ah a hawng lang nawlh le, rûlrêu sen lianpi, lû pasarih leh ki parâ a nei mi, lallukhuh pasarih â khuh mi a hawng um.

THUPHUANG 13:1

Chun, sarâng, ki parâ leh lû pasarih a nei mi, tisumsumriat thawk hen a hawng suak mi ka muh le, a ki kip ah lallukhuh a um le, a lû kip ah simsiatnâk min â rîn asi.

THUPHUANG 17:12

“Chun, ki parâ na muh mi tla kha lal parâ ram a nei lo rih mi tla an si le, sikhawmsele, dârkar khat ding cho sarâng hen lal hâwi hen lâi an rêl lai.

THUPHUANG 17:7

Chun, vânmifial nih chun ka sinah, “Zei rangah chê na ti? Nunau leh a phurhtu sarâng, lû pasarih leh ki parâ a nei mi thuthup chu ka nan simh lai.

THUPHUANG 17:8

Sarâng na muh mi kha a hawng um duak le, a um lo nawlh fâwn, khurtawdawnglo thawk hen a hawng suak lai le, veih depnâk ah a kal lai. Chun, tual ah an um mi tla, tual umtîr thawk hen nungnâk lasuibu ah min â rîn lo mi tla nih chun sarâng chu an muh tikah, a hawng um duak le, a um lo nawlh fâwn mi, a hawng lang awt nawlh mi chu chê an ti lai.