DANIAL 7:1 - Bawm Common Language Bible Version

¹ Babulon lalchem Belsazar a lal kum a kum khatnâk ah zân ah langhnâk ka muh,

DANIAL 7:1 ပူးပေါင်းရင်းမြစ်များ

GENESIS 15:1

Chu nûn chun, Abram nih langhnâk a muh le, LALPA nih a sawnh mi a theih, “Abram, ṭih rîlmâl lah, vânduainâk ah mi ka nan hum lai le, lâwmman rokual tak ka nan pêk lai,” a ti.

GENESIS 46:2

Pathian chu zân ah a sinah â langh le, “Jakob, Jokob!” ti hen a auh. “Hinah ka um,” ti hen a sâng.

JOB LASUIBU 4:13

Zân ah ka it mi hawng ka nawktir.

ISAI 30:8

Pathian nih mi tla chu zei hâwi an si lasuibu lakah rîn ding hawng ka simh le, zei hâwi tluk an sual ti singsiah kumzanâk ding hen.

ISAI 8:1

LALPA nih ka sinah, “Rînnâk ding ah a rua lian ual lâk le, lasuiṭial lianpi hen a tlûnah rîn: ‘Râwk sawm le, Rang tak hen rûn.’

JEREMIA 23:28

Khuavâng mang nei mi chu mang rarâu ko asi ti hen a sim ding asi, sikhawmsele ka thu theihtu khuavâng lam chu thuchah zumhkâi tak hen a phuang lai. Fapawn leh fâng tahkhiat hen zei mi a ṭha dauh?

JEREMIA 27:7

A phun tlûknâk tik a tlung lânlo chu phun zawzawng tla nih amah leh a fapa leh a tupa rian an ṭuan lai. Churawhchun, a phun nih phun thiltikho tak leh lalchem rokual tak tla rian an ṭuan lai.

JEREMIA 36:32

Churawhchun, lasuibuzual dang chu ka lâk le, ka lasuirîntu Baruk rangah ka pêk le, anih nih thil ka ap mi chu a rîn hep. A lânah mi lasuibuzual lakah a um mi zawzawng leh a sinah ka ap mi hâwitê hen a rîn.

JEREMIA 36:4

Churawhchun, Neriah fapa Baruk chu ka kawh le, LALPA nih ka sinah thu a sim mi zawzawng chu a sinah ka ap rawh. Chun, Baruk nih lasuibuzual lakah a rîn hep.

EZEKIEL 1:1

Kum sâwmthumnâk a thla linâk ninga ni ah kei, bâwlpu Ezekiel, Buzi fapa leh Juda saltâng tla hen Babulon ah Kebar tiva kiangah kan um. Vân â awng le, Pathian muhtirnâk ka muh.

EZEKIEL 40:2

Muhtirnâk ah chun Pathian nih Israel ram ah hawng ka put ving le, tlâng sâng tlûnah hawng ka siah. Ka mâika ah khuapi hâwi hen in sak dul mi ka muh.

DANIAL 1:17

Pathian nih tlangvâl pali tla chu theihnâk leh lasui thiamnâk leh finghnâk tla a pêk na. Chu lâwng khawm silo hen Danial rangah mang leh muhnâk simhfiang khonâk a pêk sap rih.

DANIAL 2:1

Nebukadnezar chu a lal mi, a kum nihnâk ah mang a nei. Chu nih chun a lawk a sawngtir le, a it kho lo le,

DANIAL 2:26

Lal nih chun Danial, (Beltesazar an ti mi) sinah, “Mang ka manh mi leh a simhfiangnâk na sim kho lai ma?” a ti.

DANIAL 4:13

“Chu langhnâk thu ka dawn liau chirah vânmifial râlring leh tîm chia zet hen vân thawk hen a hawng ṭum mi ka muh.

DANIAL 4:5

Sikhawmsele ka it karah mang ṭihnungkâi leh langhnâk ṭihnungkâi ka muh.

DANIAL 5:1

Zân khat chu Belsazar nih a milian sâng khat puai rokual tak munkhat dûm ding hen a sâwm na le, munkhat hen uain an din.

DANIAL 5:22

“Sikhawmsele nang, a fapa nih, hi thu zawzawng na theih khawm ah nâunâk thinlung na nei lo.

DANIAL 5:30

Chu zân takah chun Belsazar, Babulon lalchem chu thah hen a um le,

DANIAL 7:13

Chu zân ah langhnâk lakah chun, minung hâwi lek mi ka muh, sûm tuam buk hen ka leiah a hawng le, nung kumza mi leikângah a va kal le, a sinah a va a pêk.

DANIAL 7:15

Langhnâk ka muh mi nih ka thinlung a purh khit le, ka thinlung a nawk thlo.

DANIAL 7:7

Ka zauh ko liauah sarâng palinâk a hawng lang, thungâi thil a ti kho le, ṭihnung a kâi, a thîr hâ lian tak hen a sa seh tla a sâm dep le, a lamhbêk, a dang tla bang lo tak hen ki parâ a nei.

DANIAL 8:1

Lalchem Belsazar a lalnâk kum thumnâk ah langhnâk a veinihnâk ka muh.

JOEL 2:28

“Chu nûn chun mikip sinah ka thlarau ka tawih na lai le, nan fapa leh nan fanu nih ka thuchah an phuang lai; nan tarpa tla nih mang an manh lai le, nan tlangvâl tla nih langhnâk an muh lai.

AMOS 3:7

LALPA Zahkâi nih a thiltum a to-aw khuavâng sinah langh tâ lo hen zei thil khawm a ti dahlo.

HABAKUK 2:2

LALPA nih hi hâwi hen hawng ka sâng: “Sunhtlung valei tlêp lakah fiang tak thu ka nan simh mi rîn le, zauh vuak khawm ah rêl kho ding hen.

NUMBER 12:6

churawhchun LALPA nih, “Thu ka sim ding mi hi ngâi u, nan sinah khuavâng an um liauah an sinah Keimah tak ka langh le, mang leiah an sinah thu ka sim.

ROM 15:4

Pathian lasui thu ah felfênâk leh lungngamnâk tawng hen lungumnâk kan nei khonâk ding hen, tuan liauah rîn mi tla chu kanmah hawng kan sîntirnâk ding asi ruangah.

2 KORIN 12:1

Ka putso ding rerêng asi. Ṭha lam chu a ṭhalo, sikhawmsele Pathian sinah mi langhnâk leh theihtirnâk thu ka sim sih vima lai.

THUPHUANG 1:19

Chuvachun, na thil muh rawh mi tla leh thil um liau leh thil hawng um ding mi thu tla chu rîn rawh;

THUPHUANG 10:4

Chun, khuarît pasarih tla nih an aw-hâu an suah kâ hen, ka rîn awt le, sikhawmsele, “Khuarît pasarih thusim tla kha pheh thlir, rîn lah” ti hen vân thawk hen aw-hâu ka theih rawh.