DANIAL 5:2 - Bawm Common Language Bible Version

² An din liau chun Belsazar nih a pa Nebukadnezar nih Jerusalem Biakin thawk hen a lâk mi ngûn leh tangka hâi leh khêng tla va lâk ding hen thu a suah. Lal nih a lâktir na mi chu amah leh a milian tla, a nupi leh a nupisûn tla nih dinnâk ah mang ding hen.

DANIAL 5:2 ပူးပေါင်းရင်းမြစ်များ

2 SAMUEL 9:7

David nih, “Lâu lah, na pa Jonathan ruangah na tlûnah ka vêlneihnâk ka suah awt. Na pu Saul ram zawzawng nangmah ka nan pêk nawlh lai le, ka buh kheng lakah ei ding hen ka nan sâwm kumza lai,” a ti.

2 Lal 24:13

LALPA nih a simkan rawh hâwi hen lalchem Solomon nih Biakin ah mang mi ngûn khêng-le-bêl a siam mi zawzawng Nebukadnezar nih a râwk hep.

2 Lal 25:15

Thil zeizawng ngûn mawh tangka hen siam mi tla, khêngkûmtê, khêng ngiang nei, meiṭil putnâk tla khawm an lâk hep.

2 CHRONICLES 11:20

A nehnûnah Absalom fanu Maakah a umpi le, fapa pali an nei: Abijah, Atai, Ziza leh Selomith an si.

2 CHRONICLES 15:16

Lalchem Asa nih a pi Maakah lalnu a sinâk chu pathiannu Aserah lem ṭihnungkâi tak a siam ruangah lalnu a sinâk a bângtir. Asa nih milem chu a hâu le, a phel dip le, a neknâwi chu Kidron Vakuam ah a duah hep.

2 CHRONICLES 36:10

Tifûr a tlâk rawh chun Jehoiakin chu Nebukadnezar nih Babulon ah sal ah a put ving le, Biakin ah mi thil-le-rî khawm a kalpi hep. Nebukadnezar nih Jehoiakin patê Zedekiah chu Jerusalem leh Juda lal ah a siam.

2 CHRONICLES 36:18

Babulon lal nih Biakin ah mi sum-le-pâi, lal neih-le-siah, a rianṭuantu tla thilneih zawzawng chu Babulon leiah a put hep.

Ezra lasuibu 5:14

Biakin ah mi ngûn leh tangka, bêl leh khêng Nebukadnezar nih Jerusalem Biakin ah mi a lâk le, Babulon ram biakin ah a siah mi chu hawng kan pêk nawlh. Chubang thil-le-rî tla chu Kirus nih Juda ram lâirêltu ah a siah mi a min Sesbazar kut ah a ap.

JEREMIA 27:7

A phun tlûknâk tik a tlung lânlo chu phun zawzawng tla nih amah leh a fapa leh a tupa rian an ṭuan lai. Churawhchun, a phun nih phun thiltikho tak leh lalchem rokual tak tla rian an ṭuan lai.

JEREMIA 50:35

LALPA nih, “Babulon mi tla rangah thihnâk! A mi tla, a lâirêltu tla, a mi fing tla tlûnah thihnâk!

JEREMIA 52:19

Ngûn leh tangka hen siam mi thil zawzawng: Khêngkûmtê, meiṭil sâwknâk ah mang mi khêng, bâwlnâk thisen dawnhnâk khêng, vachâm khawngnâk, khâwnvâr tung, rimthâw duahnâk khêngkûm, uain ap mi thlêtnâk khêng tla an put hep.

DANIAL 1:2

Lalpa nih lal Jehoiakim chu a tleihtir le, Biakin ah mi thil-le-rî zeimaw mi a lâk. A mi tleih tla chu Babulon ah mi a pathian biakin tla leiah a put na le, a thil lâk tla chu biakin ah thil siahnâk ah a siah.

DANIAL 5:11

Na ram sungah pathian thenhlimh tla thlarau nei mi pakhat a um, na pa dam liau khawm chu minung nih finghnâk ṭha, theihthiamnâk, pathian tla finghnâk hâwi mi a muhtir. Churawhchun, na pa lal Nebukadnezar nih chamchawh thiam tla, mitdâwi thiam tla, dâwithiam tla leh vân leikâng theihtu tla tlûnah anih chu a siah.

DANIAL 5:13

Danial chu mawhsareh hen lal sinah an hawngpi le, lal nih a sinah, ‘Nang hi ma Danial, Juda mi saltâng, Juda ram thawk hen ka pa nih hinah an put mi ma na si?

DANIAL 5:18

“Pathian rokual nih na pa Nebukadnezar chu lal rokual takah a siam le, zahkâinâk leh lalnâk a pêk.

DANIAL 5:23

Vân ah mi Lalpa duh lo kâng hen thil na ti le, a Biakin ah mi hâi leh khêng tla na lâk, nang, na milian tla, na nupi tla, na nupisûn tla hen uain dinnâk ah nan mang le, pathian tla, ngûn, tangka, dâr, thîr, thing leh lung hen siam mi muh kho lo mi, zeikhawm theihlo mi pathian tla nan sawr. Sikhawmsele, na thih leh na dam thu ah thuneitu leh thil na ti mi zeizawng lakah thuneitu Pathian chu na zah lo.

DANIAL 5:3

Ngûn leh khêng tla an hawng lûtpi kâ hen, chu hen chun uain tla an din le,

DANIAL 5:30

Chu zân takah chun Belsazar, Babulon lalchem chu thah hen a um le,

DANIAL 5:4

pathian tla, ngûn, tangka, thîr thing leh lung tla hen siam mi chu an sawr na.