DANIAL 4:6 - Bawm Common Language Bible Version

⁶ Babulon ram sungah lal krai pêktu tla zawzawng ka mang umzia simhfiang ding hen ka sinah hawngpi na ding hen thu ka suah.

DANIAL 4:6 ပူးပေါင်းရင်းမြစ်များ

EXODUS 7:11

Churawhchun, lalchem nih mi fing leh dâwithiam tla a kawh na le, an dâwithiamnâk hen chu hâwitê hen an ti bâk.

ISAI 8:19

Sikhawmsele, mi nih chamchawh thiam leh mithi sawnhtu, chamchawh hen âwn salamtu rangah thu deih ding hen a nan simh lai. Annih nih, “Zeizawng nûnah mi tla nih a nung mi ruangrûl ah thlarau leh mithi sawnhtu rangah thu an deih ding asi,” an ti lai.

DANIAL 1:17

Pathian nih tlangvâl pali tla chu theihnâk leh lasui thiamnâk leh finghnâk tla a pêk na. Chu lâwng khawm silo hen Danial rangah mang leh muhnâk simhfiang khonâk a pêk sap rih.

DANIAL 2:2

churawhchun chamchawh thiam tla, mitdâwi thiam tla, dâwi thiam tla, thilchê thiam mi tla chu a mang simhfiangtu ding hen a kawh na. An hawng le, lal mâika ah an dîr rawh chun,

DANIAL 2:48

Churawhchun, Danial chu mun sâng tak a pêk le, thil ṭha tatak a pêk le, Babulon ram ṭhen lakah hotu ah a siam le, lal krai pêktu zawzawng tlûnah hotu ah a siam.

DANIAL 4:15

Sikhawmsele a kûng bul chu thîr leh dâr hen banh ule, phâisen ah bua nâwngah siah thlap u. “Chu minung chu dâm nih tlâk nawh sele, ramsa leh belh lakah um seh.

DANIAL 5:11

Na ram sungah pathian thenhlimh tla thlarau nei mi pakhat a um, na pa dam liau khawm chu minung nih finghnâk ṭha, theihthiamnâk, pathian tla finghnâk hâwi mi a muhtir. Churawhchun, na pa lal Nebukadnezar nih chamchawh thiam tla, mitdâwi thiam tla, dâwithiam tla leh vân leikâng theihtu tla tlûnah anih chu a siah.

DANIAL 5:7

Dâwithiam tla, mitdâwi thiam tla, vân lei theihtu tla kawh na ding hen mi a fial chawlh na, an hawng lût rawh chun lal nih an sinah, “Âuzawng hi lasuirîn rêl khotu leh simhfiang khotu chu lal thuam puan senduk mi hen thuamh asi lai le, zahkâinâk ngûn chikchîn a ngâwng ah awih hen lalram sungah thuneih lakah pathumnâk asi lai,” a ti.