DANIAL 4:3 - Bawm Common Language Bible Version

³ “Pathian nih thilchê hawng kan muhtir mi chu a rokaul châwk a! A thilchê ti tla chu a fâk a! Pathian chu lal asi kumza lai le, zeiliau zawng ah lâi a rêl kumza lai.”

DANIAL 4:3 ပူးပေါင်းရင်းမြစ်များ

SAM 104:24

LALPA, thil tam tak na siam! An ektê hen fing tak hen na siam na. Na thilsiam hen tual a khat.

SAM 105:27

Pathian thiltikhonâk an va ti le, Aigupta ah chun thilchê tla an ti.

SAM 145:13

Na dân chu zungzâl asi le, nang khawm zungzâl lal na si. LALPA chu a thutiam ah zumh a kâi le, thil a ti mi zawng chu a ṭha.

SAM 66:7

A thiltikhonâk hen zungzâl lâi a rêl le; phun tla chu a zauh kumza na. âukhawm a lakah an hel lo.

SAM 72:18

LALPA, Israel Pathian chu sawr u, hi bang thilchê tla hi amah cho nih a ti.

SAM 77:19

Tî tlingtlawk lakah na kal le; tipi thûk tak na tan. Sikhawmsele na keneh chu muh kho asi lo.

SAM 86:10

Nang chu na chak le, thilchê tak tla na ti; nang cho hi Pathian na si.

SAM 92:5

LALPA! na thilti chu a rokual hen, na thinlung dawn chu a thûk a!

ISAI 25:1

LALPA, nang chu ka Pathian na si; ka nan zah hen na min ka sawr lai. Thilchê tla na ti le; a lân thawk hen na thiltum chu zumhkâi tak hen na ti vima.

ISAI 28:29

Chubang finghnâk zawzawng chu LALPA Zeizawng tikho thawk hen mi asi. Pathian thiltum chu finghnâk asi le, anna dingchang kumza asi.

ISAI 9:7

A lal thiltikhonâk chu a lian dadauh lai le; a lalram ah chun remnâk a um kumza lai. Lalchem David ruangrûl ah lâi a rêl lai le, a thiltikhonâk chu dik tak leh rep tak hen tu thawk hen tik dawngh tiang a um lai. LALPA Zeizawng tikho nih hi zawzawng ti ding a tum asi.

JEREMIA 10:10

Sikhawmsele, LALPA, nang lam chu Pathian dik tak, Pathian nung, Zungzâl lalchem na si. Na thin a thawk liauah laikulh a thir, phun tla nih na thinthawknâk an tuar lo.

DANIAL 2:2

churawhchun chamchawh thiam tla, mitdâwi thiam tla, dâwi thiam tla, thilchê thiam mi tla chu a mang simhfiangtu ding hen a kawh na. An hawng le, lal mâika ah an dîr rawh chun,

DANIAL 2:44

Chu liau lâirêltu san ah vân Pathian nih ram a hawng dirh lai. Dawngh ti a um lai lo rawh, neh hen a um lai lo rawh le, lalram zawzawng râwk hep hen a um lai le, zungzâl hen a um kumza lai rawh.

DANIAL 4:17

Chu chu vânmifial tîm chia zet leh râlring zet mi thu suah asi. Chu tikah mun kip ah mi tla nih Pathian rokual nih minung lalram tlûnah thu a nei mi leh âutal mi mêchem khawm a herh hen a thîm mi chu a pêk na kho ti an theih lai rawh.”

DANIAL 7:14

Phun zawzawng leh chi zawzawng leh hawlh zawzawng nih a rian an ṭuannâk ding hen a sinah thuneihnâk leh lal thiltikhonâk an pêk, a thuneihnâk leh a ram chu zungzâl tiang hen dawngh a nei lai lo.

DANIAL 7:27

Tual tlûnah lalram zawzawng rokualnâk leh thiltikhonâk chu Pathian mi rokual tla sinah pêk asi lai rawh. Lal thiltikhonâk anna ting mi chu a dawng lai lo rawh le, tual tlûnah lâirêltu zawzawng nih an rian an ṭuan piak na hen an thu an ngâi lai rawh,” a ti.

ROM 11:33

Pathian finghnâk leh theihnâk tam zia chu a thûk a! A lâirêlnâk tla chu theih kho lo leh a lampi tla chu zâwt kho mi zât asi lo chiam e!

DEUTERONOMY 4:34

Aigupta ram ah LALPA nan Pathian nih a nan ti piak na mi hâwi hen phun dang lakah um mi suah ding hen kal ngamtu leh amah minung ah siam natu pathian rerêng nan nei mazei? Nan mitmuh ngelchel hen a thiltikhonâk rokual leh a chaknâk mang hen râi leh râltuknâk a tlungtir, thilchê a ti le, thilchê a umtir, thil ṭihnungkai tla a tlungtir.

1 TIMOTHE 1:17

Lalchem, zungzâl hen um mi, râwk kho lo, muh kho lo, Pathian tak cho chu zungzâl chawnglawmh leh rokual hen um seh! Amen.

HEBRAI 1:8

Fapa leikâng thu ah lam chun Pathian nih, “Aw Pathian, na laltophah chu zungzâl hen a um ding hen asi, diknâk hen na ram tlûnah lâi na rêl.

HEBRAI 2:4

Pathian khawm nih singsiahnâk tla leh thilchê tla leh thiltikhonâk zeizawng theihpi na hen, amah duhzia hen Thlarau Thenhlimh thilpêk tla chu a ṭhen tâwn.

1 PETER 4:11

Mi âuzawng nih thu a sim chun Pathian thu sim seh; mi âuzawng nih rian a ṭuan chun Pathian nih chaknâk a pêk hâwi vima hen ṭuan seh. Churawhchun, Jisu Krist zârah Pathian chu thil zeizawng ah chawnglawmh hen a um kho lai. Rokualnâk leh thiltikhonâk chu zungzâl hen amah tâ asi. Amen.

THUPHUANG 11:15

Chun, vânmifial pasarihnâk nih chun a tâwtawrâwt chu a tum le, “Laikulh ram chu kan Lalpa leh Mesia ram a hawng si rawh, anih nih chun zungzâl hen lâi a rêl lai,” ti hen vân thawk hen aw-hâu a hawng suak.