DANIAL 3:6 - Bawm Common Language Bible Version

⁶ Âuzawng mâimûk hen sawnhlotu chu meihum lakah lawnh sawm asi lai,” ti hen an phuang.

DANIAL 3:6 ပူးပေါင်းရင်းမြစ်များ

GENESIS 19:28

Sodom leh Gomorah leh tivakuam zawzawng chu a chuanh le, chu ram thawk hen meikhû meialh fâk tak thawk hen a hawng suak mi hâwi hen a muh.

EXODUS 20:5

Zei ruk khawm sawnh hen kûn lah u, Kei, LALPA nan Pathian kasi, helnâk rêng ka sâithiam lo. Hawng ka huatu tla chu an thlâk tla tusîn fapâr tiang ka rêp na awt.

ISAI 44:17

Thing a lei mi vial chu milem ah a siam le, churawhchun a kûn le, a sawnh. A sinah thla a cham le, “Ka pathian na si, hawng ka hum,” a ti.

JEREMIA 29:22

Jerusalem a mi Babulon leiah sal ah put hen um mi tla nih âu tlûnah mawh siatbarh an duh lai le, ‘Babulon lal nih a nung hen a rawh na mi Zedekiah leh Ahab hâwi hen LALPA nih an ti na seh an ti lai!’

DANIAL 2:5

Lal nih an sinah, “Ka thinlung ah ka ruat dân hen mang ka manh mi leh a umzia nan hawng ka simhfiang ding asi. Nan simhfiang kho lo asi chun, nan kut kê ka thlêk ver lai le, nan in tla khawm nâwmpawng ah ka siam awt.

DANIAL 3:11

Chu lakah kûn hen mâimûk duhlotu vial chu meipi lakah lawnh ding an si ti hen thu na suah.

DANIAL 3:15

Tuah, thil tumphung, theikhang, rirâwt, ṭingṭang, harmoniam hâu leh tumphung dang rihâu theih asi kâ hen milem mâimûk ule, sawnh u, nan tilo mi asi chun meihum lakah lawnh sawm nan si lai, nanmah sanhtu pathian um hen ma nan ruat?” a ti.

DANIAL 3:21

Churawhchun, an nipuan thuamhnâk kawrdawh, lukhuh tla hen an ṭêm na le, meihum lakah an lawnh na rawh.

DANIAL 3:7

Churawhchun, tumphung hâu an theih kâ hen, phun zawzawng, chi zawzawng leh hawlh kip hawlhtu tla nih Nebukadnezar nih a siah mi ngûn milem chu an mâimûk le, an sawnh.

DANIAL 5:19

A rokual tuktarâi ruangah phun zawzawng leh zât zawzawng leh hawlh zawzawng nih an ṭih le, an thîr. Thah ding a duh mi chu a thah na, nungtir ding a duh mi chu a nunh na. A duh mi zawng zahkâi hen khawm a tuah, ningzak khawm a saih na.

DANIAL 6:7

Na ram sungah um mi zawzawng nih zauhdiktu tla, governor tla, lieutenant governor tla leh rianṭuantu zawzawng nih khauh tak hen thu na suah ding hen rem kan ti, ni sâwmthum kar chu âukhawm zei pathian sin khawm ah mawh zei minung sin khawm ah, nangmah lal sin cho lo chu zei thil khawm deih lo ding hen thu suah. Chu lakah âuzawng buartu chu chakeibaknei pûk ah lawnh ding hen thu suah.

MATHAI 13:42

meipi ah an lawnh na lai; chunah chun ṭap leh hachang rial chu a um lai.

MATHAI 13:50

meipi lakah an lawnh lai; chunah chun ṭap leh hachang rial chu a um lai,” a ti.

MATHAI 4:9

Chun, a sinah, “Bawkbukhup hen hawng ka sawnh le, hi bang zawzawng hi ka nan pêk ver lai,” a ti.

MARK 6:27

Chun, lalchem nih chun a vêngtu kawrsen pakhat a fial sawm le, a lû hawng put ding thu a pêk. Chun, anih chu rêngin ah a va lût le, a lû a va tan le,

THUPHUANG 14:11

Chu minung tla rêpnâk meikhû chu zungzâl hen a kâi lai le, sarâng leh a lem mâimûktu tla, a min singsiahnâk neitu tla vial chu anmah rêpnâk, a sûn a zân hen dinh ni an nei lai lo,” ti hen a âu.

THUPHUANG 9:2

Chun, anih nih chun khurtawdawnglo chu a awng le, chun khurtawdawnglo thawk hen meialh fâk tak khû hâwi a hawng suak le, chu mei khû ruang chun nî leh boruak chu a hawng mûitir rawh.