DANIAL 3:5 - Bawm Common Language Bible Version

⁵ Tâwtawrâwt hâu nan theih lai le, theikhang, rîrâwt, ṭingṭang, harmoniam tla nih a zûl lai le, churawhchun tumphung dang tla nih a zûl lai; chu hâwi tumphung tla an hawng dawmh kâ hen Nebukadnezar nih ngûn milem a siah mi chu nan mâimûk hen nan sawnh ding asi.

DANIAL 3:5 ပူးပေါင်းရင်းမြစ်များ

SAM 115:4

An pathian tla chu ngûn leh tangkasa minung kut hen siam mi an si.

DANIAL 2:46

Churawhchun, lal Nebukadnezar chu tual ah a buk le, Danial sinah bâwlnâk leh thil ap pêk ding hen thu a pêk.

DANIAL 3:10

Nang lal nih tumphung rihâu theih asi kâ hen, mikip nih ngûn milem chu mâimûk hen sawnh ding asi,

DANIAL 3:15

Tuah, thil tumphung, theikhang, rirâwt, ṭingṭang, harmoniam hâu leh tumphung dang rihâu theih asi kâ hen milem mâimûk ule, sawnh u, nan tilo mi asi chun meihum lakah lawnh sawm nan si lai, nanmah sanhtu pathian um hen ma nan ruat?” a ti.

DANIAL 3:7

Churawhchun, tumphung hâu an theih kâ hen, phun zawzawng, chi zawzawng leh hawlh kip hawlhtu tla nih Nebukadnezar nih a siah mi ngûn milem chu an mâimûk le, an sawnh.