DANIAL 3:1 - Bawm Common Language Bible Version

¹ Lalchem Nebukadnezar nih ngûn milem a nei le, a sânglei feet 20, a lianh lei feet 9 tling dêng asi. Babulon ram ṭhen Dura phâi ah a siah.

DANIAL 3:1 ပူးပေါင်းရင်းမြစ်များ

1 Lal 12:28

Chu hâwi hen a ruat thluh rawh chun, ngûn hen chawchal lem a siam le, a mi tla sinah, “Jerusalem ah Pathian sawnh hen nan kal ding khawm a lât thlo; Israel mi tla, hi hi Aigupta thawk hen an suakpi natu pathian tla an si!” a ti.

ESTHER 1:1

Persia lalchem Zerzes nih a khuapi Susa thawk hen ram 127 lakah lâi a rêl le, India ram thawk hen Sudan ram tiang a uap hep.

SAM 135:15

Phun pathian tla chu ngûn leh tangka hen siam an si le; minung kut hen siam mi tla an si.

EXODUS 20:23

Keimah nûnah pathian dang tla nan sawnh ding ah ngûn leh tangka hen nan siam ding asi lo.

EXODUS 32:31

Mosi chu LALPA sinah a kal nawlh le, a sinah, “Hi mi zapi tla nih sual ṭihnungkâi tak an ti rawh. Ngûn hen pathian an siam le, an sawnh rawh.

ISAI 2:20

Chu ni a hawng tlung tik chun, an siam mi ngûn leh tangka milem tla chu an lawnh ving lai le, zabui leh balâk tla sinah an mâk lai.

ISAI 30:22

Nan milem tla tangka hen nan luanh mi leh ngûn hen nan luanh mi chu nâwmtâm hâwi hen nan lawnh ving lai le, “Ka mitmuh ah um lah!” nan ti lai.

ISAI 46:6

Mi tla nih an tangka sâwngkhâwi an awng le, ngûn an thlêt le tangkasa tla khing hen an khingh. Ngûn dêngtu tla chu pathian lem siam ding hen an lâk, churawhchun an mâimûk le an sawnh!

JEREMIA 10:9

An milem tla Spain ram ah mi tangkasa hen an luanh, Uphaz ram ah mi ngûn hen an luanh, chubang zawzawng chu thilsiam thiamtu tla rianṭuan ver asi; puan senduk leh dumpâwl, puan tah thiam mi tla nih an tah mi hen an thuamh na.

JEREMIA 16:20

Mi nih amah rangah pathian tla a siam kho mazei? Siam kho lo e, siam menza khawmsele pathian tak an si lai lo,” an ti lai.

DANIAL 2:48

Churawhchun, Danial chu mun sâng tak a pêk le, thil ṭha tatak a pêk le, Babulon ram ṭhen lakah hotu ah a siam le, lal krai pêktu zawzawng tlûnah hotu ah a siam.

DANIAL 2:49

Danial nih a ngiar mi hâwi hen lal nih Sadrak, Mesak, leh Abednego khawm Babulon ram ṭhen zawzawngah zauhkhenhtu an si, Danial chu zeiliau zawng ah lal lâirêlnâk ah a um kumza.

DANIAL 3:14

An sinah, “Sadrak, Mesak leh Abednego, ngûn milem ka siah mi sawnh hen nan mâimûk duh lo an ti mi hi a dik ma?

DANIAL 3:30

Churawhchun, lal nih Sadrak, Mesak leh Abednego chu Babulon ram ṭhen ah sâng dauh ah a siah na.

DANIAL 5:23

Vân ah mi Lalpa duh lo kâng hen thil na ti le, a Biakin ah mi hâi leh khêng tla na lâk, nang, na milian tla, na nupi tla, na nupisûn tla hen uain dinnâk ah nan mang le, pathian tla, ngûn, tangka, dâr, thîr, thing leh lung hen siam mi muh kho lo mi, zeikhawm theihlo mi pathian tla nan sawr. Sikhawmsele, na thih leh na dam thu ah thuneitu leh thil na ti mi zeizawng lakah thuneitu Pathian chu na zah lo.

DANIAL 5:4

pathian tla, ngûn, tangka, thîr thing leh lung tla hen siam mi chu an sawr na.

HOSEA 2:8

Buh, uain, oliv sariak leh tangka leh ngûn tla Baal sawnhnâk rangah a mang mi pêktu kei chu hawng ka theih rerêng lo.

HOSEA 8:4

“Ka mi tla nih lal an thîm le, sikhawmsele mah kawngkâ cho an ruat. Keimah rem tinâk silo hen ruitu tla an thîm. Anmah siat leh râwktu ding ah an tangka leh ngûn chu an milem ah an siam.

HABAKUK 2:19

Thing pheltê sinah, “Meng” mawh, thing tan sinah, “Thawk!” na ti mi ruangah na vânduai rawh! Milem nih zei thil me a langh? Tangkasa leh ngûn hen luanh mi sikhawmsele, amah lakah nungnâk a um lêm lo.

THILTI 17:29

Chun, Pathian thlâk tla kan si rawh chun Pathian chu ngûn, tangka, lung mawh minung zungthiam leh thilthiam siam mi hâwi hen kan ruat ding asi loh.

THILTI 19:26

hinah Ephesi khua cho silo hen, Asia ram pumpi ding dêng khawm, hi Pawl nih hin, ‘Kut hen siam mi pathian tla hi chu pathian asi lo,’ ti hen, mi cherkhet a lêm na le, anna pêk ver rawh asi ti nannih ngelchel khawm nih nan muh hen nan theih.

DEUTERONOMY 7:25

An milem tla chu duah u. Tangka leh ngûn hen siam an si mi kha ngarh lah u, nanmah rang ding hen a lâk lah u. Nan ti bâk chun nan thi phah lai, Pathian nih milem chu a hua ruangah.

THUPHUANG 9:20

Chun, chubang rêpnâk nih a thah bang minung tla nih chun, an thil siam sawnhnâk tla chu bângtâk lo hen, khuri tla leh ngûn milem tla, tangka milem tla, dâr milem tla, lung milem tla, thing milem tla, zeikhawm muh kho lo, theih kho lo, kal kho lo tla chu an sawnh le an rim lêm lo.