DANIAL 2:5 - Bawm Common Language Bible Version

⁵ Lal nih an sinah, “Ka thinlung ah ka ruat dân hen mang ka manh mi leh a umzia nan hawng ka simhfiang ding asi. Nan simhfiang kho lo asi chun, nan kut kê ka thlêk ver lai le, nan in tla khawm nâwmpawng ah ka siam awt.

DANIAL 2:5 ပူးပေါင်းရင်းမြစ်များ

2 Lal 10:27

Chun, an zarh lungphun leh biakin chu an râwk le, êk in ah an siam; tusûn ni tiang hen a um rih.

Ezra lasuibu 6:11

Ka thupêk chu âuzawng nih a ngâilo chun, a in kân lawnh piak asi lai le, khatlei pâr chu zumh hen amah sunhnâk ah mang asi lai, a in chu nâwm pawngnâk ah siam asi lai.

SAM 50:22

“Nang, mi lungkhung, hi hi ngâi; chu lo chun ka nan veih awt, âukhawm a nan humtu ding a um lai loh.

SAM 58:7

Tî a dat ving mi hâwi hen an lang lonâk ding hen leh lampi ah belh a uai mi hâwi hen um na seh.

DANIAL 2:12

Churawhchun, lal chu a thinthawk tuktarâi le, Babulon ram ah krai pêktu zawzawng tla chu thah hep ding hen thu a pêk.

DANIAL 3:29

Tuah âuzawng zei phun leh zei chi zawng, hawlh kip tla khawm nih Sadrak, Mesak leh Abednego Pathian zahlotu chu, an kut kê thlêk ver hen, a in chu nâwmpawng ah siam asi lai, hi hâwi hen ruangsuahtu dang a um lo,” a ti.

DANIAL 4:9

Beltesazar, chamchawh thiam lakah a lû chem, pathian tla thlarau thenhlimh na sinah a um ti ka theih. Thuthup zawzawng theihtu na si, hi hi ka mang chu asi: A umzia hawng ka simh rawh.

DEUTERONOMY 13:16

Chunah mi tla neih-le-siah tla chu munkhat ah pawng ver ule, kil li hen pawng u. LALPA sinah thil ap rang ding ah thil zeizawng a khua hen duah hep u. Râwk dep hen siah asi lai le, zeiliau khawm sak nawlh asi lai lo rawh.

JOSUA 6:26

Chu liau chun Josua nih fawrhnâk thu a sim le: “Âuzawng Jeriko khua sak nawlh ding tumtu chu LALPA siatbarh hen um seh! Âuzawng nih a lungphûm phûmtu chu a fapa upachem nih tlâu tâk seh. Âuzawng a kulh kawtkâ siamtu nih chun a fapa a tlum chem mi nih tlâu tâk seh,” a ti.

1 SAMUEL 15:33

Na nâmsâu nih nu tam tak fa lo hen a siam na mi hâwi hen tuah na nu khawm fa nei lo hen a um lai,” a ti le, Agag chu Gilgal ah mi mâichâm kiangah a tuk dip.