DANIAL 2:2 - Bawm Common Language Bible Version

² churawhchun chamchawh thiam tla, mitdâwi thiam tla, dâwi thiam tla, thilchê thiam mi tla chu a mang simhfiangtu ding hen a kawh na. An hawng le, lal mâika ah an dîr rawh chun,

DANIAL 2:2 ပူးပေါင်းရင်းမြစ်များ

GENESIS 41:8

A thâituan ah chun a thinlung a lawksawng thlo; churawhchun, dâwithiam tla leh mifing Aigupta mi zawng tla chu a kawhtir na. A mang tla chu a simh na le, sikhawmsele pakhat khawm nih an simhfiang kho lo.

ESTHER 1:13

Lal nih krai a khâinâk thilti ding dân theihtu tla sinah an ngaihdân deih chu lal ti dân asi.

EXODUS 7:11

Churawhchun, lalchem nih mi fing leh dâwithiam tla a kawh na le, an dâwithiamnâk hen chu hâwitê hen an ti bâk.

ISAI 19:3

Aigupta thiltum chu ka râwk lai le, an thinlung ah an dawn mi khawm ka râwk lai. Ṭangpi ding hen an milem tla an ngiar lai le, an va kal lai le, mithi thlarau kawhtu an simh lai le, mithi thlarau rangah thu an deih lai.

ISAI 8:19

Sikhawmsele, mi nih chamchawh thiam leh mithi sawnhtu, chamchawh hen âwn salamtu rangah thu deih ding hen a nan simh lai. Annih nih, “Zeizawng nûnah mi tla nih a nung mi ruangrûl ah thlarau leh mithi sawnhtu rangah thu an deih ding asi,” an ti lai.

DANIAL 1:20

Lal nih thu a deih na mi mawh thil theih har tak a siam mi chu hi minung pali tla nih a lalram pumpi ah thu simkantu tla mawh dâwithiam tla mawh ngâk hen a let râ hen an theih dauh.

DANIAL 1:4

Chubang tla chu mi mêlṭha, mifing, sîn rawh mi, mi thil theihthiam sawm kho mi, taksa lei khawm sâwinâk umlo mi, an siding asi le, lal lâirêlnâk in ah thiam tak hen an ṭuan khonâk ding hen. Aspenaz nih Babulon hawlh chu rêl leh rîn a sîntir na ding asi.

DANIAL 2:10

Krai pêktu tla nih an sâng le, “Lal nih theih ding na duh mi chu sim khotu ding hi tual tlûnah pakhat khawm a um lo, zei lal leh mi lianchem leh thiltikho chem tla khawm nih, chamchawh thiam tla, mitdâwi thiam leh dâwithiam tla rangah chu hâwi hen an ngiar dahlo.

DANIAL 2:27

Danial nih a sâng le, “Bâwipa, nang rangah simh khotu ding hen mifing mitdâwi thiam, chamchawh thiam mawh vânlei thil theih khotu mawh âukhawm an um lo.

DANIAL 3:8

Churawhchun, Babulon mi tla nih Juda mi tla sâwinâk ding hen tik ṭha an tawng rawh.

DANIAL 4:3

“Pathian nih thilchê hawng kan muhtir mi chu a rokaul châwk a! A thilchê ti tla chu a fâk a! Pathian chu lal asi kumza lai le, zeiliau zawng ah lâi a rêl kumza lai.”

DANIAL 4:6

Babulon ram sungah lal krai pêktu tla zawzawng ka mang umzia simhfiang ding hen ka sinah hawngpi na ding hen thu ka suah.

DANIAL 5:7

Dâwithiam tla, mitdâwi thiam tla, vân lei theihtu tla kawh na ding hen mi a fial chawlh na, an hawng lût rawh chun lal nih an sinah, “Âuzawng hi lasuirîn rêl khotu leh simhfiang khotu chu lal thuam puan senduk mi hen thuamh asi lai le, zahkâinâk ngûn chikchîn a ngâwng ah awih hen lalram sungah thuneih lakah pathumnâk asi lai,” a ti.

1 SAMUEL 6:2

mi tla nih chun bâwlpu leh dâwithiam tla an kawh na le, “LALPA Thudântuk Bâwm hi zeitin kan ti awt?” ti hen an deih na.