DANIAL 11:7 - Bawm Common Language Bible Version

⁷ Chu nehnûn sâwtlotê ah chu nunau ṭapa chu lal a hawng si lai. Siria lal kawrsen tla a do lai le, an kulh sungah a lût khumh na lai le, a neh na lai.

DANIAL 11:7 ပူးပေါင်းရင်းမြစ်များ

JOB LASUIBU 14:7

Thing chu hâu rawh menza khawmsele lungum a kâi rih. A nung hen a hawng chawrh nawlh kho.

SAM 109:8

A san chu dawng tuan seh; midang nih a rianṭuan mun luah seh!

SAM 55:23

Sikhawmsele, Pathian, nangnih mi thahtu leh mi âwkrâwl tla chu an san lâikhing khawm asi lânah an thlân ah na kaltir na lai. Kei lam chu nangmah ka nan rinhsanh lai.

ISAI 11:1

David thlâk lal chi chu thing hâu mi hâwi asi le; sikhawmsele a kûng bul lakah ṭeng thar tla a chawrh mi hâwi hen David thlâk tla thawk hen lal thar a hawng suak lai.

ISAI 9:14

Ni khat sungah LALPA nih Israel ruitu tla leh a mi tla chu a rêp na lai le, an lû leh an mei a tan piak rel na lai.

JEREMIA 12:2

Na phun na le, ram an thlâk; an ṭhang le, rah an suah. Ṭha hen a nan sim kumza le; sikhawmsele, nangmah sunhsaknâk tatak an nei lo.

EZEKIEL 17:18

A thutiam leh siat tleih a buar rawh. Hi bang thil zawzawng hi a ti rawh le, tu chun a suak lai lo rawh,” a ti.

DANIAL 11:40

“Siria lal dawnghnâk chu a hawng tlung dêng rawh le, Aigupta lal nih amah chu a do lai le, Siria lal khawm nih a kari tla, a rang tla, a meilawng tla mang hen a do bâk lai. Ram tam tak chu tîlian tlung mi hâwi hen a do na lai.

DANIAL 11:6

Kum tam tak nûnah Aigupta lal leh Siria lal chu tlâinâk an nei lai le, a fanu umpi tir ding hen a pêk lai. Sikhawmsele anna tlâinâk chu tam a sâwt lai lo, chu nunau, a pasal, a fa leh to-aw tla a sinah kaltu tla an ektê hen thah hep an si lai.

MALAKI 4:1

LALPA Zeizawng tikho nih, “Mi zûm tla leh misual tla fabû hâwi hen an kâng ding ni a hawng tlung awt rawh. Chu ni ah chun pakhat khawm âklo hen an kâng hep lai.

LUK 12:20

Sikhawmsele, Pathian nih a sinah, Mi â, tuzân hin na thlarau an lâk piak awt asi; na thil timhtuah tla kha âu tâ me si lai rawh ne?’ a ti.