DANIAL 11:2 - Bawm Common Language Bible Version

² Ka nan simh ding mi thu hi a dik asi,” a ti. Vânmifial nih, “Persia ram ah lal lâirêltu a dang pathum nih lâi an rêl lai le, a palinâk chu a dang tla zawzawng ngâk hen a nei dauh lai. A thiltikhonâk a sâng mi leh a neihnâk ruangah Greek ram chu a zuam lai.

DANIAL 11:2 ပူးပေါင်းရင်းမြစ်များ

Ezra lasuibu 4:24

Biakin sak chu an bâng le, Persia lal lianchem Darias lâirêl kum nihnâk tiang hen anna dîn.

Ezra lasuibu 4:7

Persia lal lianchem Artakzerzes a lâirêl liauah Bislam, Mithredath, Tabeel leh an hâwi murui tla nih lal sinah lasuikuat an rîn fâwn. Chu lasuikuat chu Aramaik hawlh hen rîn asi le, rêl tikah lehsawm ding hen.

ESTHER 1:1

Persia lalchem Zerzes nih a khuapi Susa thawk hen ram 127 lakah lâi a rêl le, India ram thawk hen Sudan ram tiang a uap hep.

THUFING LASUIBU 22:21

Chu nih thudik chu zei tak asi, a nan sîntir lai. Na hâwl chun sângnâk dik na tawng lai.

DANIAL 10:1

Kirus, Persia lal a sinâk a kum thumnak ah, Danial, Beltesazar an ti mi sinah thuchah a hawng tlung. Thuchah chu a dik le, sikhawmsele theihthiam ding hen thungâi a har, langhnâk lakah a sinah simhfiang hen a um.

DANIAL 11:25

“Kawrsen tam tak a pumh na lai le, Aigupta lal a kawrsen tam tak leh thiltikho tak amah do ding tumtu chu do a tum. Sikhawmsele Aigupta lal chu perpet hen a um lai le, a neh lai lo.

DANIAL 7:5

Sarâng panihnâk chu vawm hâwi asi le, a dunglei kê hen a dîr. A hâ karah nâkruh pathum a um, aw-hâu nih a sinah, “Kal le, sa na chelh rî hen ei,” a ti.

DANIAL 8:21

Kêl chal na muh mi nih chun Greek lalram zauhtirnâk asi le, a mit karah fawng vat mi ki chu lal masa chem asi.

DANIAL 8:26

Zînglei leh zânlei bâwlnâk langhnâk ah na muh mi thu chu na sinah simhfiang hen a um mi chu a hawng tlung ngelchel lai. Sikhawmsele hun sâwt ual tikah a hawng tlung ding mi asi ruangah na thinlung ah a thuptê hen kil ziar ko,” a ti.

DANIAL 8:4

Ka zauh ko le, a ki hen thlanglei, marlei leh simlei a suk, zeitin mi ramsa khawm nih a thiltikhonâk lakah mi chu an do kho hen an suak kho lo. A duh duh hen a um le, a lung a khungtir dadauh.

AMOS 3:7

LALPA Zahkâi nih a thiltum a to-aw khuavâng sinah langh tâ lo hen zei thil khawm a ti dahlo.

JOHAN 10:35

Pathian lasui thu nih a sim mi chu zungzâl rangah a dik asi ti kan theih; chun Pathian thupêk hen an um mi tla chu Pathian nih pathian tla a ti na.

THUPHUANG 21:5

Chun, laltophah ah a to mi nih chun, “Ngâinik, thil zawzawng ka siam thar rawh,” a ti. Chun, ka sinah, “Rîn rawh, hi bang thu hi a dik hen zumh a kâi asi,” a ti.