DANIAL 10:1 - Bawm Common Language Bible Version

¹ Kirus, Persia lal a sinâk a kum thumnak ah, Danial, Beltesazar an ti mi sinah thuchah a hawng tlung. Thuchah chu a dik le, sikhawmsele theihthiam ding hen thungâi a har, langhnâk lakah a sinah simhfiang hen a um.

DANIAL 10:1 ပူးပေါင်းရင်းမြစ်များ

GENESIS 41:32

Mang na manh nawlh mi chu Pathian ruat chia sâwtlotê ah a hawng tlung ding mi chu asi,” a ti.

2 CHRONICLES 36:22

Persia lal lianchem Kirus a lal tîr kum ah LALPA nih Jeremia mang hen thu a sim mi kha a dik ti a lang. Hi bang thupêk tla hi khulrang tak hen a ram sung zawzawngah rêl ding hen lasuirîn a kuat hep:

Ezra lasuibu 3:7

Mi tla nih lung leiah rianṭuantu leh thing leiah rianṭuantu rangah tangka pêk ding asi, din ding, ei ding leh oliv sariak tla Tura khuapi leh Sidon khuapi ah Lebanon tlângah sidar thing, Jopa khua leiah tipi ah hawng lawngh ding mi thlengnâk ding hen kuat asi. Chubang zawng tla chu Persia lal lianchem Kirus thu hen ti mi hep asi.

Ezra lasuibu 4:3

Zerubabel, Josua leh chi lakah lukhâi dauh tla nih an sinah, “LALPA kan Pathian Biakin sak ding hen nan hawng kan ṭangpi kan herh loh. Persia lal lianchem Kirus nih thu hawng kan pêk hâwi hen kanmah nih kan sak awt,” an ti.

Ezra lasuibu 4:5

Persia sawrkar rianṭuantu tla khawm an rianṭuan kalh na ding hen an nawh na. Chu hâwi hen Kirus lâirêl kar zawzawng leh Darias lal kar zawzawngah an ti.

Ezra lasuibu 6:14

Juda ruitu tla chu an Biakin sak mavuak tak hen an ṭuan le, khuavâng Hagai leh Zekariah nih an fawrh na. Israel Pathian leh Persia lal lianchem Kirus, Darias, Artakzerzes nih thu an pêk na mi hâwi hen Biakin chu an sak dih rawh.

Ezra lasuibu 6:3

“Lal lianchem Kirus lâirêl a kum khatnâk ah thu a pêk mi chu bâwlnâk duahnâk mun Jerusalem Biakin sak nawlh ding mi chu asi. Biakin sânglei chu feet sâwmkua ding asi, a kauh lei feet sâwmkua asi ding asi.

ISAI 44:28

Kirus sinah, ‘Nang chu lâi hawng ka rêl piaktu na si lai ti ding ka nan duh mi chu na ti lai: Jerusalem sak nawlh ding hen leh Biakin lungphûm tla chu phûm ding hen thu na pêk lai,” a ti.

DANIAL 1:17

Pathian nih tlangvâl pali tla chu theihnâk leh lasui thiamnâk leh finghnâk tla a pêk na. Chu lâwng khawm silo hen Danial rangah mang leh muhnâk simhfiang khonâk a pêk sap rih.

DANIAL 1:21

Danial chu Persia ram lalchem Kirus nih Babulon ram a neh tiang hen lal lâirêlnâk in ah a um.

DANIAL 1:7

Chu lal rianṭuantu lian nih chun min thar a sak na: Beltesazar, Sadrak, Mesak leh Abednego.

DANIAL 10:14

Hi nûnthâi ah na mi le tla lakah thil a hawng tlung ding mi an theihthiam tir ding hen hawng kal mi kasi, hi hi mâilei a hawng um ding mi thu ah langhnâk asi,” a ti.

DANIAL 11:2

Ka nan simh ding mi thu hi a dik asi,” a ti. Vânmifial nih, “Persia ram ah lal lâirêltu a dang pathum nih lâi an rêl lai le, a palinâk chu a dang tla zawzawng ngâk hen a nei dauh lai. A thiltikhonâk a sâng mi leh a neihnâk ruangah Greek ram chu a zuam lai.

DANIAL 12:4

Anih nih chun ka sinah, “Tuah, Danial, lasuibu kha zual le, laikulh dawngh tiang hen singsiahnâk siam. Chu liau chir chun mi tam tak nih thil hawng um mi theih ding hen anna ṭang lai le, sikhawmsele anna ṭangnâk chu a thawt asi lai,” a ti.

DANIAL 12:9

Anih nih hawng ka sâng le, “Danial, hi thu tla a thuptê hen kil hen, laikulh dawnghnâk a hawng tlung lânlo chu thuh thlir ding asi ruangah tu chun kal ko rih.

DANIAL 2:21

Tik-le-rî tla a duh duh hen a siam le; lal tla a thu thu hen a siam hen a lawnh, finghnâk leh theihthiamnâk pêktu chu asi.

DANIAL 4:8

Churawhchun, Danial a hawng rawh, (anih chu ka pathian min put hen Beltesazar ti hen sak asi) pathian tla thenhlimh thlarau a lakah a um le, zei mang ka manh ti hen ka deih le, a sinah:

DANIAL 5:12

Mi ngâk hen a lei hen thiltikhonâk nei mi asi le, a fing hen mang simhfiang a thiam le, theihfiang khonâk leh thuthup a simhfiang kho; chu minung chu Danial lal nih a min ah Beltesazar an ti mi chu va kawhtir na le, anih nih chubang umzia chu a nan simhfiang lai,” a ti.

DANIAL 5:17

Danial nih a sâng le, “Na lâwmman pêk ding chu na rangah a siah le, a si lo leh midang rangah pêk le, nangmah lal rangah ka nan rêl piak lai le, zeise â rîn a umzia zei asi, kan simhfiang lai.

DANIAL 6:28

Danial chu Darias leh Kirus Persia mi nih lâi an rêl kar zawng chu a sul-le-lam a tluang vima.

DANIAL 8:16

Ulai Tiva tlûnlei ah chun aw-hâu ka theih le, “Gabriel, kha minung nih a muh mi kha simhfiang,” a ti.

DANIAL 8:26

Zînglei leh zânlei bâwlnâk langhnâk ah na muh mi thu chu na sinah simhfiang hen a um mi chu a hawng tlung ngelchel lai. Sikhawmsele hun sâwt ual tikah a hawng tlung ding mi asi ruangah na thinlung ah a thuptê hen kil ziar ko,” a ti.

LUK 1:20

Ngâi rawh, ka thusim tla a tik takah a hawng tlung ding mi na lunglo ruangah chubang thil chu a hawng tlung lânlo chu na dâisip lai le, hawlh khawm na hawlh kho lai loh,” a ti.

THUPHUANG 19:9

Chun, vânmifial nih ka sinah, “Dawrâ Fa nupi neihnâk puai ah an sâwm mi tla chu an thaw a suak, ti hen rîn rawh,” a hawng ka ti. Chun, vânmifial ber nih, ‘Hi bang thu hi Pathian thudik chu asi,’ a ti nawlh.