DANIAL 1:4 - Bawm Common Language Bible Version

⁴ Chubang tla chu mi mêlṭha, mifing, sîn rawh mi, mi thil theihthiam sawm kho mi, taksa lei khawm sâwinâk umlo mi, an siding asi le, lal lâirêlnâk in ah thiam tak hen an ṭuan khonâk ding hen. Aspenaz nih Babulon hawlh chu rêl leh rîn a sîntir na ding asi.

DANIAL 1:4 ပူးပေါင်းရင်းမြစ်များ

2 SAMUEL 14:25

Israel ram zawzawngah Absalom hâwi hen a mêlṭha minthang pakhat khawm an um lo, a lû thawk hen a kezaphah tiang zei khawm sâwinâk a um lo.

THUFING LASUIBU 22:29

Rian ṭha ṭuantu minung chu hawng ka muhtir le, kei khawm nih lal hâwikawmh rangah tlâk mi ṭha chem ngâk a ṭha dauh mi minung ka nan muhtir lai.

THUSIMTU 7:19

Lâirêltu parâ nih khuapi rangah an tikho mi ngâk hen finghnâk nih minung rangah a ti mi a tam dauh.

ISAI 36:11

Churawhchun, Eliakim, Sebna leh Joah nih milian sinah, “Arab hawlh hen thu hawng kan simh le, kan theihthiam lai. Hebrai hawlh hen thusim lah; kulh tlûnah mi zawzawng nih an ngâi ko,” an ti.

JEREMIA 5:15

Israel mi tla, nangmah do ding hen LALPA nih ram lât tak a thawk hen phun a hawng put. A lânah mi phun chak tak, an hawlh na theih lo mi phun asi.

DANIAL 2:10

Krai pêktu tla nih an sâng le, “Lal nih theih ding na duh mi chu sim khotu ding hi tual tlûnah pakhat khawm a um lo, zei lal leh mi lianchem leh thiltikho chem tla khawm nih, chamchawh thiam tla, mitdâwi thiam leh dâwithiam tla rangah chu hâwi hen an ngiar dahlo.

DANIAL 2:2

churawhchun chamchawh thiam tla, mitdâwi thiam tla, dâwi thiam tla, thilchê thiam mi tla chu a mang simhfiangtu ding hen a kawh na. An hawng le, lal mâika ah an dîr rawh chun,

DANIAL 3:8

Churawhchun, Babulon mi tla nih Juda mi tla sâwinâk ding hen tik ṭha an tawng rawh.

DANIAL 4:7

Churawhchun, chamchawh thiam tla, mitdâwi thiam tla, dâwithiam tla, vân leikâng theihtu tla chu an hawng le, ka mang ka simh na, sikhawmsele an hawng ka simhfiang kho lo.

DANIAL 5:11

Na ram sungah pathian thenhlimh tla thlarau nei mi pakhat a um, na pa dam liau khawm chu minung nih finghnâk ṭha, theihthiamnâk, pathian tla finghnâk hâwi mi a muhtir. Churawhchun, na pa lal Nebukadnezar nih chamchawh thiam tla, mitdâwi thiam tla, dâwithiam tla leh vân leikâng theihtu tla tlûnah anih chu a siah.

DANIAL 5:7

Dâwithiam tla, mitdâwi thiam tla, vân lei theihtu tla kawh na ding hen mi a fial chawlh na, an hawng lût rawh chun lal nih an sinah, “Âuzawng hi lasuirîn rêl khotu leh simhfiang khotu chu lal thuam puan senduk mi hen thuamh asi lai le, zahkâinâk ngûn chikchîn a ngâwng ah awih hen lalram sungah thuneih lakah pathumnâk asi lai,” a ti.

DANIAL 9:1

Mede mi Darias, Zerzes fapa nih Babulon ram tlûnah lâi a rêl.

ZEKARIA 2:4

A masa dauh nih a dang sinah, “Tek le, tahnâk puttu chu minung leh ranrual Jerusalem ah a tam thlo ruangah kulhnei ding hen a lian tuk lai,” ti hen va simh.

THILTI 7:20

Chu liauah chun Mosi a hawng suak le, a mêl thungâi a ṭha. A pa in ah thla thum an châwm;

THILTI 7:22

Chun, Mosi chu Aigupta ram mi tla finghnâk zawzawng a sîntir le, a thu lakah leh a thilti lakah thungâi a rokual.

EPHESI 5:27

chun, kawhmi tla chu nâwm kawplo leh thurh lo leh chu hâwi thu rerêng put lo hen, thenhlimh leh simsâwi kawplo a um dauh hen amah sinah kawhmi tla rokual tak hen â pêk chawlh kho lai.

LÂIRÊL 8:18

Churawhchun, Gideon nih Zebah leh Zalmuna chu thu a deih na le, “Tabor khua ah nan thah na mi thu kha zei hâwi mesi?” a ti na. Annih nih an sâng le, “Nangmah hâwi hen lalchem fapa an bangh hep,” an ti.