DANIAL 1:2 - Bawm Common Language Bible Version

² Lalpa nih lal Jehoiakim chu a tleihtir le, Biakin ah mi thil-le-rî zeimaw mi a lâk. A mi tleih tla chu Babulon ah mi a pathian biakin tla leiah a put na le, a thil lâk tla chu biakin ah thil siahnâk ah a siah.

DANIAL 1:2 ပူးပေါင်းရင်းမြစ်များ

GENESIS 10:10

A tîr chun a ram chu Babulon, Erek leh Akad, an pathum hen Babulon ram an si.

GENESIS 11:2

Saklei kângah an va kal le, Babulon ramsung Shinar phâi ah an um.

2 Lal 24:1

Jehoiakim a lal liauah Babulon lalchem Nebukadnezar nih Juda a rûn le, kum thum kar a sinah a pêk hen amah lâirêlnâk tangah Jehoiakim chu a umtir le, a nehnûn chun a hel rawh.

2 CHRONICLES 36:5

Jehoiakim chu Juda lal asi liauah kum kul leh kum nga asi le, Jerusalem ah kum leikhat lâi a rêl. LALPA a Pathian lakah thilsual a ti.

2 CHRONICLES 36:7

Nebukadnezar nih Biakin ah mi thil tla a lâk le, a Babulon ah a lal in ah a siah.

Ezra lasuibu 1:7

Lal lianchem Kirus nih lalchem Nebukadnezar nih Jerusalem Biakin ah mi khêng leh hâi a lâk le, a pathian tla biakin ah a siah mi tla chu Juda tla sinah a khirh nawlh na.

ISAI 11:11

Chu ni a hawng tlung tikah chun Lalpa nih Asiria ram ah leh Aigupta ram ah um rih mi tla, Pathros, Sudan, Elam, Babulon, Hamat ram ah um mi leh tiva kapah um mi leh tikulh lakah um mi tla, kîrpi nawlh na ding hen a thiltikhonâk veikhat a mang nawlh lai.

ISAI 42:24

Âunih me Israel chu râwktu tla sinah a pêk? Amah tlûnah thilsual kan ti mi LALPA tak asi! Um ding hawng kan duh mi dân hâwi hen kan um lo le, sîntirnâk hawng kan pêk mi khawm kan zûl lo.

JEREMIA 25:1

Juda lalchem Josiah fapa Jehoiakim a lal mi a kum linâkah, Juda mi thu ah LALPA thawk hen thuchah ka tawng. (Chu chu Babulon lalchem Nebukadnezar a lal tîr kum asi.)

JEREMIA 27:16

Churawhchun, zapi minung leh bâwlpu tla chu LALPA thusim chu ka simh na: “Biakin ah mi thil-le-rî Babulon ah mi chu an hawng kîrpi tuan lai ti hen simtu khuavâng tla thu chu ngâi lah u. Nan sinah âwkrâwl thu an sim mi asi.

JEREMIA 28:3

Kum nih sungah lalchem Nebukadnezar nih Biakin ah mi thil-le-rî Babulon ah a put mi chu a ektê hen hi mun ah ka hawng kîrpi nawlh lai.

JEREMIA 35:11

Sikhawmsele, lalchem Nebukadnezar nih ram a rûn liauah Babulon mi leh Siria kawrsen lakah mi suak hen Jerusalem ah hawng ding kan tum. Churuangah Jerusalem ah kan um mi asi,” an ti.

JEREMIA 50:2

“Phun tla chu thâwngthâng simh na u! Phuang u! Singsiahnâk pêk ule, thâwngthâng phuang u! A thuptê hen kil ko lah u! Babulon chu a tlû rawh! A pathian Marduk khawm râwk dep asi rawh! Babulon milem chu ningzak saih asi le, a milem fihnungkâi tla khawm â râwk rawh.

JEREMIA 51:44

Babulon mi tla pathian Bel an ti mi chu ka rêp lai le, a thil fîr tla chu ka mâktir rel lai le; phun tla nih amah an sawnh lai lo rawh. “Babulon khua kulh chu a chim rawh.

DANIAL 5:13

Danial chu mawhsareh hen lal sinah an hawngpi le, lal nih a sinah, ‘Nang hi ma Danial, Juda mi saltâng, Juda ram thawk hen ka pa nih hinah an put mi ma na si?

DANIAL 5:18

“Pathian rokual nih na pa Nebukadnezar chu lal rokual takah a siam le, zahkâinâk leh lalnâk a pêk.

HABAKUK 1:16

An lên tla chu an sawnh le, bâwlnâk an ap. An lên tla nih thil ṭha chem a pêk na ruangah.

ZEKARIA 5:11

Anih nih a sâng le, “Anmah rangah Biakin an saknâk ding Babulon ram leiah an kalpi, chu Biakin chu an sak dih chun chu bâwm chu sawnh ding hen chunah chun an siah lai,” a ti.

DEUTERONOMY 32:30

Zei ruangah minung pakhat nih minung sâng khat a neh na hen, Minung panih nih sâng râ an neh na zia? LALPA an Pathian nih a kaltâk na le; an Pathian chak nih anmah rangah a pêk na ruangah asi.

LÂIRÊL 2:14

Churawhchun, LALPA chu Israel tlûnah a thinthawk le, rûntu tla chu a dotir na hen a râwktir na. An kiangkam ah mi an mêlma zawzawng chu anmah ngâk hen thiltikho hen a siam na le, Israel tla chu anmah anna hum kho lo rawh.

LÂIRÊL 3:8

Churawhchun, LALPA chu Israel lakah a thin a thawk le, Mesopotamia ram ah mi lalchem Kusan Risathaim chu a nehtir na le, an tlûnah kum riat lâi a rêl.

LÂIRÊL 4:2

Kanaan lalchem Hazor khuapi ah lâirêltu Jabin chu anmah nehtu ah a siam. A kawrsen hotu chem chu Sisera Jentel tla khua Haroseth ah um mi asi.

1 SAMUEL 5:2

An pathian Dagon in ah an lûtpi le, chu milem kiangah an siah.