AMOS 9:9 - Bawm Common Language Bible Version

⁹ “Israel minung tla chu thu ka pêk lai le, ṭawlâwn ah fâng an khei mi hâwi hen anna nîn lai. Mi rualo tla zawzawng chu phun tla nâwngah ka ninh na lai le, ka lawnh ving na awt.

AMOS 9:9 ပူးပေါင်းရင်းမြစ်များ

ISAI 27:12

Chu ni ah chun, LALPA nih a mi tla chu Eufretis tiva thawk hen Aigupta ramri tiang hen, pakhat khat hen a pumh na lai le, âunih mawh a fâng leh a hî a thlei mi hâwi hen.

ISAI 28:28

Fâng chu vei salam ding hen bâng lo thlo hen an chîl lo le, kari chu fângmal mân lo ding hen a khalh liau khawm ah chîl ding dân chu an theih ko.

ISAI 30:28

A mâilei ah thli a fial le, tîlian nih thil a fenh hep mi hâwi asi. Siatnâk ah phun tla chu a phiat dep na le, thilsual an tum mi chu a dawnghtir.

JEREMIA 31:36

Laikulh thupêk a um kar zawng chu Israel phun khawm a um lai ti hen thu a tiamh.

JEREMIA 46:28

Nan sinah ka hawng lai le, ruang ka nan suah na lai. Ka nan rekrâwi na nâk phun tla chu ka veih na lai le, nannih chu kan veih na lai loh. Rêp lo hen kan siah na awt lo; sikhawmsele, kan rêp na tikah chun ṭhat ka lawh lai. Kei, LALPA nih ka sim asi,” a ti.

JEREMIA 49:36

Munkip thawk hen Elam tlûnah thli ka rângtir lai le, an tek mi minung tla ram kip ah an kal lonâk ram umlo rê hen ka rekrâwitir na lai.

EZEKIEL 20:38

Nan lakah mi hel mang leh misual zawzawng chu ka lâk peng na awt. Tuah an umnâk ram ah mi ka lâk na lai le, sikhawmsele Israel ram leiah lam chun ka kîrtir na awtlo. Chu tikah kei, LALPA kasi ti nan theih lai,” a ti.

EZEKIEL 36:19

An umdân leh an thilti lakah ka mawhtir le, ramdang minung ram ah ka rekrâwitir na.

EZEKIEL 39:28

Churawhchun, ka mi tla nih kei an Pathian kasi ti an theih lai rawh. Sal ah ka kaltir na hen tuah pakhat khawm relhlo hen an ram ah ka pumh nawlh na ruangah hi hi an theih lai.

EZEKIEL 5:10

A hawng um ding mi chu, Jerusalem ah an nu leh pa nih an fa tla an ei lai le, fa tla nih an nu leh an pa an ei lai. A dam lem mi tla chu mun kip ah ka rek na lai le, ka rêp na lai.

EZEKIEL 5:12

Na mi tla anrang thum lakah anrang khat chu khuapi sungah damlo leh sungvâng hen an thi lai le; anrang thum ṭhen hen anrang khat chu khuapi lênglei ah nâmsâu hen thah an si lai; anrang khat a dawnghnâk ah mi chu thli lakah ka thektham lai le, nâmsâu hen ka ṭhâwl na lai.

LEVITICUS 26:33

Nan tlûnah râltuknâk ka hawng tlungtir lai le, ramdang leiah nanna thektham ver lai. Nan ram tla a karo hen a um lai le, nan khuapi tla râwk hen a um lai.

LUK 22:31

“Simon, Simon, ngâinik, Setan nih fâng khei hâwi hen an khei khonâk ding hen nannih tla hi a nan deih na asi.

DEUTERONOMY 28:64

“LALPA nih phun zawzawng nâwng ah tual dawnghnâk khatlei thawk hen khatlei kâng a dawnghnâk tiang an rekrâwi tir na lai le, chunah chun lung leh thing hen siam mi pathian, a nan thlâk natu leh nanmah khawm nih a lânah nan sawnh dahlo mi rian nan ṭuan lai.