AMOS 9:1 - Bawm Common Language Bible Version

¹ Mâichâm kiangah LALPA a dîr mi ka muh, thu a pêk le; “Biakin tung tlûnlei vuak le, a sârbûk zawzawng â nîn hep lai. Râwk dep le, mi zapi lû tlûnah thlâk, a thibang chu râltuknâk ah ka thah na lai. Pakhat khawm an suak lai lo.

AMOS 9:1 ပူးပေါင်းရင်းမြစ်များ

2 CHRONICLES 18:18

Mikaiah nih a sim vima le: “LALPA nih thu a sim mi hi tuah ngâi! LALPA chu vân ah a laltophah tlûnah to hen, a kiangah vânmifial tla dîr mi zawzawng ka muh.

SAM 68:21

Pathian nih a mêlma sualnâk leikâng ti vimatu tla lû chu a khuai piak na lai.

SAM 68:22

LALPA nih chun, “Basan thawk hen na mêlma tla chu ka hawngpi na lai le; tisumsumriat thûk tak thawk hen ka hawng kîrpi na lai,

ISAI 30:16

Chu hâwi um ding ngangâk hen nan mêlma lakah him ding hen rang chak tak tlûnah chuan ding lam nan tum. Nan dik ngâk, suak ding chu nan tum ding rerêng! Nan rang tla chu chak tâwk ual ding hen nan ruat le, sikhawmsele a nan ṭhâwl natu chu a chak dauh lai.

ISAI 6:1

Lalchem Uziah thih kum ah LALPA ka muh. Laltophah ah a to le, sâng tak ah chungnungtir hen a um le, a kawrfual nih Biakin pumpi a khattir.

JEREMIA 11:11

Churuang chun, tuah, Kei, LALPA nih, an lakah siatnâk ka tlungtir awt mi ka simhkan na le, an âwl rîlmâl lai lo. Ka sinah ṭangpi hawng ngiar na khawmsele, ka ngâi piak na ding asi lo.

JEREMIA 42:16

râltuk nan ṭih mi nih a nan tanh na lai le, sungvâng nan ṭih mi nih a nan zûl na lai le, Aigupta ram ah nan thi lai.

JEREMIA 48:44

Ningṭihnâk thawk hen suak tumtu tla chu khur lakah an tlâ lai le, âuzawng khur lakah mi suak tum hen kâitu tla chu thang nih a awh lai, Moab râwknâk tik LALPA nih a ruat rawh mi asi ruangah.

EZEKIEL 1:28

Chu chêu mitser rê mi nih chun LALPA a um mi a zauhtir.

EZEKIEL 10:4

LALPA chêu mit ser rê mi chu thilnung tla lakah mi a thawk le, Biakin tualmâi leiah â ṭhial. Churawhchun, Biakin chu sûm hen a khat le, a kulh tla chu a chêu pup.

EZEKIEL 15:7

Mei lakah mi veikhat chu an âwl le, sikhawmsele tuah mi mei nih a khangh na lai. Ka rêp na tikah LALPA kasi zia nan theih lai.

EZEKIEL 9:2

Mawhsareh hen minung paruk chu Biakin marlei kâng a mi kulh kawtkâ thawk hen riamnâm put chiau hen an hawng. An lakah minung pakhat puannêm aih mi a um le, anih nih rînnâk ding thil zeimawh a put. An ektê hen an hawng le, dâr mâichâm kiangah an dîr.

AMOS 3:14

Israel mi tla an sual ruangah ka rêp na ni ah chun Bethel ah mi mâichâm chu ka râwk lai, mâichâm ki kip tla chu â râwk dip lai le, tual ah a tlû lai.

AMOS 7:17

Churuangah Amaziah, LALPA nih thu a nan simh asi, ‘Na nupi chu khualâi tlângah â zuar mi asi lai, na fa tla chu râltuknâk ah thah hen an um lai. Na ram chu an ṭhen phin lai le, midang tla sinah pêk hen a um lai le, nangmah khawm lunglotu ram ah na thi lai. Israel mi tla chu an ram ah mi sal ah put an si lai,” a ti.

AMOS 7:9

Isak thlâk tla nih an sawnhnâk mun tla chu râwk asi lai. Israel tla mun thenhlimh chu râwk hen a um lai. Jeroboam lal sinâk chu ka dawnghtir lai,” a ti.

HABAKUK 3:13

Na mi le tla ruangsuah na ding leh na lal thîm ruangsuah ding hen na suak rawh. Misual tla ruitu chu na thlûk le, a hâwi zûltu tla khawm na veih hep na.

ZEPHANIAH 1:12

“Chu tikah chun khâwnvâr ka lâk lai le, Jerusalem ka hâwl awt. Mah khim lâwng dawn hen â zûm mi tla, an thinlung hen ‘Zei tin kâng hen khawm LALPA nih thil a ti lai lo, ti tu tla chu ka rêp na awt.

ZEPHANIAH 2:14

Ranrual tla, ran tla, ramsa chi kip an bawk lai. Chu râwknâk mun ah chun sûmbuh tla an um lai le, langawtkawt lakah an âwn lai. Kawtkâ kâinâk bak ah langâk tla an âwn lai. Sidar thing hen sak mi in tla chu râwk dep hen a um lai.

JOHAN 1:18

Âukhawm nih Pathian an muh dahlo, Fapa neihlem, Pa kiangah um mi tak nih khan, amah a theihtir rawh asi.

JOHAN 1:32

Chun, Johan nih a theihtir le, a sim le, “Thlarau chu vaṭhu hâwi hen vân thawk hen hawng ṭum ka muh le, a tlûnah a fû ko.

THILTI 26:13

Aw Lalchem, ka kal liauah nî sûn liau chirah vân thawk hen chêu zeimawh nî ngâk hen chêu dauh, keimah leh ka kalpi mi tla kiangah chêu ka muh.

JOSUA 10:18

Anih nih, “Pûk kâ ah lung lian pipî rilh ule, chunah vêngtu siah na u,

THUPHUANG 1:17

Chun, amah chu ka muh kâ hen mithi hâwi bang hen a kê bul ah ka tlû rawh. Chun, anih nih chun a kut vawrhlei chu ka tlûnah a thâng le, ka sinah, “Ṭih lah, kei masa chem leh madung chem leh,

THUPHUANG 8:3

Chun, vânmifial dang a hawng le, ngûn rimthâw duahnâk bâwm put hen mâichâm kiangah a dîr. Chun, laltophah mâika ah ngûn mâichâm tlûnah mi thenhlimh zawzawng thlachamnâk tla sapsuannâk ding hen zeilo rimthâw tam tak a sinah an pêk.