AMOS 8:9 - Bawm Common Language Bible Version

⁹ Sûn chirah nî ka tlâktir ding mi leh sûn chirah tual ka mûitir ding tik a tlung awt rawh. Kei, LALPA Zahkâi nih chu chu ka sim mi asi.

AMOS 8:9 ပူးပေါင်းရင်းမြစ်များ

JOB LASUIBU 5:14

Sûn nî tang khawm ah mûi lakah dap mi hâwi an si.

ISAI 13:10

Ârfi zawzawng leh firuk tla khawm an chêu lai lo le; nî khawm a hawng suak tikah a mûi lai le, thlâ khawm a chêu lai lo.

JEREMIA 13:16

LALPA nan Pathian nih, mûinâk a tlungtir lânah leh tlâng tlûnah nan tlû lânah, chêu nan lungum mi chu mûinâk sah chem asi lânah amah chu zah u.

JEREMIA 15:9

A fa pasarih nih an veitâk mi nu chu a uai tlek le, a thâw men a suah kho lo. A rangah sûn chu zân ah â chang rawh; ningzak saih hen a um le, a thinlung a fâk. Nan dam rih mi tla khawm nan mêlma tla kan thahtir na awt. Kei, LALPA nih ka sim asi,” a ti.

EZEKIEL 32:7

Ka nan veih tik chun vân tla ka khuh lai le, ârfi tla ka nâwt dep lai. Nî chu vândâwm pîn leiah â thup lai le, thlâ a chêu lai lo rawh.

AMOS 4:13

Pathian chu tlâng tla leh thli siamtu asi. A thinlung tum chu minung rang a theihtir le, sûn chu zân ah a changtir. Tual mun sâng tlûnah a kâi. Hi hi a min chu: LALPA Pathian, Zeizawng tikho chu asi!

AMOS 5:8

LALPA nih ârfi tla, Firuk leh Lîkûk chân thum tla a siam na. Mûi chu sûn ah a changtir le, sûn chu zân ah a changtir. Tipi mi tî tla chu a kawh na le, tual tlûnah a thlêt. A min chu LALPA asi.

MIKAH 3:6

“Khuavâng tla, nan ni a dawng awt rawh; nî nih an tlâk khumh na awt. Ka mi tla mahlo leiah nan kalpi na ruangah langhnâk thu nan sim lai lo rawh le, zei thil simkannâk khawm nan nei kho lai lo rawh,” a ti.

ZEKARIA 14:7

mûinâk rerêng a um lai lo. Zân khawm ah a chêu kumza lai rawh. Chu a hawng tlung ding chu LALPA sin cho ah theih asi.

MATHAI 24:29

“Sikhawmsele, chubang hamhnâk ni tla nûntê ah, ‘Nî mûitir hen a um lai, thlâ a chêu lai lo rawh le, vân thawk hen ârfi tla an tlâ lai le, vân thiltikhonâk tla chu ninh asi lai.

MATHAI 27:45

Chun, dâr leinih thawk hen dâr thum tiang hen laikulh a hawng mûi ver rawh.

MARK 15:33

Chun, sûn dâr leinihnâk liau chirah chun sûnnilei dâr thum tiang hen laikulh a hawng thim ver.

LUK 23:44

Chun, dâr leinih thawk hen zânlei dâr thum tiang hen laikulh a mûi ver le,

THUPHUANG 6:12

Chun, Dawrâ Fa nih singsiahnâk paruknâk chu a samh mi ka zauh le, chun lî thungâi a hawng a nîn le, nî chu samul puandum hâwi hen a hawng dum le, thlâ khawm thisen hâwi hen a hawng sen.

THUPHUANG 8:12

Chun, vânmifial panihnâk nih chun a tum le, nî mun thum ṭhen hen mun khat leh thlâ mun thum ṭhen hen mun khat leh ârfi tla khawm mun thum ṭhen hen mun khat chu â râwk hep rawh; an chêunâk tla leh sûn khawm mun thum ṭhen hen mun khat a tlâu le, zân khawm chu hâwi ber hen a um.