AMOS 8:8 - Bawm Common Language Bible Version

⁸ Churuangah tual â nîn lai le, ram lakah minung tla hamh tak hen an um lai. Ram pumpi â nîn lai le, Nile Tiva tî hâwi hen a thawk thulh a tlû thulh lai.

AMOS 8:8 ပူးပေါင်းရင်းမြစ်များ

SAM 18:7

Pathian a thinrun ruangah tual chu a thir le, â nîn; tlâng tla chu â vâm le, â ṭhen.

ISAI 5:25

LALPA chu a mi le lakah a thinrun le, anmah rêp ding hen a kut a zangh. Tlâng tla â nîn lai le, a thi mi ruak tla chu nâwm pawng hâwi hen khua lâi ah mâk asi lai. Chu khawm ah LALPA thinthawknâk chu a bâng lai lo rih le, anmah rêp ding hen a kut chu a zangh nget lai rih.

JEREMIA 12:4

Zei tiang riamruam me kan ram tla hi a châr hen phâisen kip ah belh tla hi a uai awt? Kan mi tla sual ruangah leh mi nih “Kan thilti Pathian nih a muh an ti ruangah ramsa leh va tla chu an thi rawh,” a ti.

JEREMIA 46:7

Nile tiva hâwi hen a hawng lian mi leh tiva a kâwr khat phak hen a lian mi hâwi chu âu me si?

JEREMIA 46:8

Nile tiva a lian mi hâwi leh, tiva a kâwr khat phak hen lian mi hâwi chu Aigupta asi. Aigupta nih, ‘Ka thawk lai le, laikulh ka khat lai; khuapi leh a sungah mi minung ka veih dep lai.

JEREMIA 51:29

Babulon ram chu âukhawm umlo ding hen LALPA nih a karo hen siam a tum ruangah tual chu â nîn hen a thir rawh.

DANIAL 9:26

Chu chu hun dawngh ah chun Pathian nih ruitu a thîm mi chu diklo tak hen thah hen a um lai. Lâirêltu thiltikho tak rûntu kawrsen tla nih khuapi leh Biakin khawm an râwk lai. A dawnghnâk chu tîlian hâwi hen Pathian nih a timhtuah mi râltuk leh siatnâk a hawng tlung lai.

HOSEA 10:5

Samaria khuapi ah um mi tla chu an lâu lai le, Bethel ah an ngûn chawchal lem an thlâu mi ruangah lungfâknâk an nei lai. Anmah leh milem sawnhtu bâwlpu tla nih an ṭappi lai. An ngûn milem rokual chu a vei tikah thungâi an lungfâkpi lai.

HOSEA 4:3

Churuangah ram chu a châr lai le, a tlûnah um mi thil zawzawng a thi lai. Ran zawzawng leh va tla, nga tiang an thi lai,” a ti.

AMOS 8:10

Nan kût ni tla chu mithi vûi ni ah ka changtir lai le, nanna lâwmnâk la chu ngaihsia hen âunâk ah ka changtir lai. Nan lû ka mêt lai le, salâpuan kan aihtir na lai. Nu leh pa nih an fapa an neihlem mi thihnâk ruangah an lungfâk mi hâwi asi lai. Chu ni chu khâtîk hen a dawng lai.

AMOS 9:5

LALPA Zahkâi, Zeizawng tikho nih tual a tawngh le, â nîn le, a sungah um mi zawzawng chu an lawksawng. Nile Tiva tî hâwi hen laikulh pumpi chu a thawk le a tlû.

NAHUM 1:8

Tîlian rokual tak a luang mi hâwi hen a mêlma tla chu a veih phin na le; amah dotu tla chu an thihnâk leiah a kaltir na.

MATHAI 24:30

Chu tik ah chun Minung Fapa singsiahnâk chu vândum ah a lang lai. Chu tik ah chun tual ah chi kip nih an ir an chumh lai le, chun Minung Fapa hi thiltikhonâk leh rokualnâk fâk tak hen vân sûm tlûnah a hawng kal mi an muh lai.