AMOS 8:4 - Bawm Common Language Bible Version

⁴ Nannih mipâm lamhbêktu leh ram lakah mipâm veih ding tumtu tla, hi hi ngâi u.

AMOS 8:4 ပူးပေါင်းရင်းမြစ်များ

1 Lal 22:19

Mikaiah nih a sim vima le, “Tuah LALPA thusim hi ngâinik, LALPA chu vân ah a laltophah ah to hen a kiangkam ah vânmifial tla zawzawng hen dîr mi ka muh.

JOB LASUIBU 24:4

Mipâm tla chu thuneihnâk zeikhawm an neitir lo le, ṭangpi herh mi tla chu tek hen an thuptir na.

SAM 10:7

A kâ chu siatbarhnâk tla, âwkrâwl tla, thihnâk tla hen a khat; Thusual leh huatnâk sim a mawhlah.

SAM 12:5

Sikhawmsele LALPA nih chun, “Ṭangpi ngâi tla nehsawh an si mi leh nehsawh si mi tla nganfâk tuar hen an rûm mi ruangah tuah ka hawng lai le, an duhzia hen himnâk ka pêk na lai,” a ti.

SAM 14:4

“Thilsual titu tla nih an theih lo masi? Ka mi tla chu an rawk le; Ka sin khawm thla an cham lo,” LALPA nih a ti.

SAM 140:12

LALPA mipâm le mi dik ṭangpi herh tla chu na hum na ti ka theih.

SAM 56:1

Pathian, tuknâk ah ka um ruangah ka lakah khuaruat le; ka mêlma tla nih zeiliau zawng ah an ka nehsawh.

THUFING LASUIBU 30:14

A zeimaw mi nih mipâm leh ṭangpi herh lakah ṭhalo tak hen thil an ti; chu hâwi hen ei muhnâk ding ah an mang.

ISAI 1:10

Jerusalem, na lâirêltu leh na minung tla chu Sodom leh Gomorah ah um mi tla hâwi an si rawh. LALPA nih na sinah thu a nan simh mi hi ngâi rawh. Kan Pathian nih a nan sîntirnâk ah hin ngâi set rawh.

ISAI 28:14

Tuah nannih mi zauhnawmh mang, Jerusalem ah hi bang mi tla tlûnah lâirêltu tla, LALPA thusim ngâi u.

JEREMIA 28:15

Churawhchun, Hananiah chu hi hi ka simh le, “Hananiah, ngâinik! LALPA nih a nan fial mi asi lo, hi zapi minung rangah âwkrâwl thu na lungtir na mi asi.

JEREMIA 5:21

Nannih mi â leh mi lungkhung, mit nei ko hen muh kholotu leh nâ nei ko hen theih kholotu tla, ngâi u.

EZEKIEL 22:12

Na mi lakah a zeimaw mi nih a man lâk hen mi an thah. A zeimaw mi nih mah hâwi Israel mi lakah pûk an pêk mi lakah a pung an lâk, anmah lakah dingchangnâk lâk hen neihnâk an tawng. An hawng ka philh rawh,” a ti. LALPA Zahkâi nih a sim.

EZEKIEL 45:10

“Mikip nih tahnâk dik tak leh khinghnâk dik tak nan mang ding asi.

AMOS 5:11

Mipâm tla nehsawhtu leh an fâng tla lâk piaktu nan si. Churuang chun lungin ṭha tak nan sak mi sungah nan um lai lo le, nan dam sungah mi grep dawh tak nan phun mi hâng khawm nan din lai lo.

AMOS 5:12

Sual ṭihnungkâi tatak nan ti mi leh dân tam tak nan buar mi tla ka theih, mi ṭha tla nan nehsawh na le, nawhnâk nan lâk, mipâm tla khawm lâirêlnâk ah an dik mi khawm diklo hen nan tuah na.

AMOS 7:16

Churuangah tuah LALPA thusim chu ngâi rawh, ka thusim leh Israel tla tlûnah thinthawknâk chu bâng ding lam na hawng ka simh rih.

MIKAH 2:2

Phâisen an duh mi tla an lâk piak na le, in an duh mi zawng an lâk piak na.

MIKAH 3:3

Ka mi tla nan ei hep le, an vûn nan lîk na le, an ruh tla nan khiak piak na le, an sa tla bêl sungah suang ding mi hâwi hen nan chan dip.

ZEKARIA 5:6

Kei nih, “Zei me?” ti hen ka deih. Anih nih a sâng le, “Bâwm asi le, ram pumpi sual ruangah a um mi asi,” a ti.

MATHAI 23:13

“Nannih Dân sîntirtu leh Farisai perpê tla, nan tlûn a pit! Vân Ram lampi chu midang tla nan khâr piak na tâwn. Nannih tâ nih nan lût lai lo, mi lût ding tla khawm nan siang fâwn lo.

JEM 5:6

Mi rep chu nan mawhtir le, nan thah, chun anih nih chun an do na lo.