AMOS 8:2 - Bawm Common Language Bible Version

² LALPA nih, “Amos, zei na muh?” hawng ka ti. “Theirah bâwm khat,” ti hen ka sâng. LALPA nih ka sinah, “Ka mi Israel rangah a dawnghnâk a hawng tlung. Ka rêp na ding mi lakah ka lêt ding asi lo.

AMOS 8:2 ပူးပေါင်းရင်းမြစ်များ

GENESIS 6:13

Pathian nih Noa sinah, “Minung hi dawngtir thlo ding ka tum. Zângnâwr thiltinâk hen laikulh hi an khattir ruangah ka veih dep na awt.

ISAI 28:4

Chubang mizûm ruitu tla rokualnâk vei ding mi chu theipi a tikah min masa chem mi tla ei sawm vima mi hâwi hen an vei lai.

JEREMIA 40:10

Keimah ngelchel khawm Mizpah ah ka um lai le, hinah Babulon mi tla an hawng tikah nanmah ruangrûl ka um lai. Sikhawmsele nan luah mi khua tla ah nan um lai le, uain tla, theirah tla leh oliv sariak tla nan pumh lai le, munkhat kâ ah nan siah lai,” a ti.

JEREMIA 5:31

khuavâng tla nih âwkrâwl thu lo chu zeikhawm an sim lo; khuavâng tla thupêk hâwi hen bâwlpu tla nih lâi an rêl le, ka mi tla nih êlnâk an nei lo. Sikhawmsele a dawnghnâk a hawng tlung tikah zeitin an ti awt rawh?” a ti.

LUNGFÂKNÂK 4:18

Kan mêlma tla nih hawng kan vêng rêt le, khua lâi khawm ah kanna sawk kho lo. Kan ni tla khawm a lan rawh; a dawnghnâk a tlung rawh.

EZEKIEL 12:23

Kei LALPA Zahkâi nih, chu leikâng thu ka sim mi chu tuah simh na. Chu thufing chu ka dawngtir awt. Israel lakah chu thu chu an sim lai lo rawh. Chu hâwi ding ngangâk hen tik a hawng tlung, simkannâk tla khawm a dik vima ti simh na.

EZEKIEL 29:8

Churawhchun, tuah, kei, LALPA Zahkâi nih nâmsâu hen a nan dotu ding minung tla ka hâwl lai le, na mi tla leh ran tla an thah lai ti ka nan simh asi.

EZEKIEL 3:10

Pathian nih a sim vima le, “Thikho mi minung, nâi tek hen hawng ngâi le, thil zeizawng ka nan simh mi theihkumza rawh.

EZEKIEL 3:7

Sikhawmsele, Israel mi tla lakah aûkhawm nih na thu an ngâi piak duh lai lo; kei thu khawm an ngâi ding asi lo. An ektê hen an lungkhung hen zeikhawm an siarlo.

EZEKIEL 7:6

A ektê hen a lîm ver rawh. Hi hi a dawnghnâk asi. Na lîm rawh.

EZEKIEL 8:12

Pathian nih, “Thikho mi minung, Israel ruitu tla nih a thup hen thil an ti mi na muh ma? In kardang khat zat mi milem tla an sawnh. Anna phelhsawlhnâk chu: ‘LALPA nih a hawng kan muh lo! Ram a kaltâk ving rawh an ti,’ ” a hawng ka ti.

EZEKIEL 8:17

LALPA nih ka sinah, “Thikho mi minung, kha kha na muh ma? Hi Juda mi tla nih hin ah thil fihnungkâi zawzawng ti hen na muh na hen ram pumpi ah siat leh râwknâk an zanh. Chu lâwng khawm silo hen, ka Biakin sung khawm an hawng lai le, ka thinthawknâk an zualtir khun lai. An hawng ka zauhnawmh hen sual kho rirî an sual mi hi zauhnik!

EZEKIEL 8:6

Pathian nih ka sinah, “Thikho mi minung, thil a hawng tlung mi na muh ma? Thil fihnungkâi hinah Israel mi tla nih an ti mi hi zauhnik, ka mun thenhlimh lakah mi lât dadauh hen an hawng ka nar. Hi ngâk hen thil ningzakkâi tam dauh na muh lai,” a ti.

HOSEA 9:7

Rêpnâk ding ni chu a hawng tlung rawh. Mi nih an tawng ding mi an sual man chu an tawng rawh chu chu a tlung tikah Israel nih a theih lai. Hi “Khuavâng hi a â mi asi, hi thu theihtu minung hi a â mi asi,” nan ti. Nannih tla nih chun nan sual a fâk tuktarâi ruangah thungâi nan hawng ka hua.

AMOS 7:8

Anih nih, “Amos, zei na muh?” ti hen hawng ka deih. Kei nih ka sâng le, “Tahnâk rî,” ka ti. Churawhchun, anih nih “Rî hen tahlo mi vâm an sizia langhtir ding ka tum mi asi. Anmah ka rêp na awt mi thinlung ka lêt awtlo.

AMOS 8:1

LALPA Zahkâi sinah mi langhnâk ka nei nawlh. Chunah chun theirah bâwm ka muh.

MIKAH 7:1

Lungdawng a kâi thlo, mi sungvâng nih thing lakah rah a tawng lo mi leh grep zûn lakah a rah tawng lo mi hâwi kasi. Grep zawzawng leh theipi thaw zawzawng kawih hen an um rawh.

ZEKARIA 5:2

Vânmifial nih zei na muh ti hen hawng ka deih. Kei nih ka sâng le, “Vân leiah lasuibuzual a sâu lei feet sâwmthum a lianh lei feet leinga a zuang mi ka muh,” ka ti.