AMOS 7:8 - Bawm Common Language Bible Version

⁸ Anih nih, “Amos, zei na muh?” ti hen hawng ka deih. Kei nih ka sâng le, “Tahnâk rî,” ka ti. Churawhchun, anih nih “Rî hen tahlo mi vâm an sizia langhtir ding ka tum mi asi. Anmah ka rêp na awt mi thinlung ka lêt awtlo.

AMOS 7:8 ပူးပေါင်းရင်းမြစ်များ

2 Lal 21:13

Samaria ka rêp hâwi hen Jerusalem ka rêp lai, Israel lalchem Ahab leh a thlâk tla ka rêp hâwi hen Jerusalem chu a mi tla ka nâwt thiang lai, khêng chu nâwt leh khuh tlek hâwi hen.

ISAI 28:17

Diknâk chu lungphûm rangah tahnâk asi lai le, zumhkâinâk chu a thûk zia tahnâk asi,” a ti. Thli leh ruah lakah mi rial nih nanna ngauhsan âwkrâwl tla chu a hûi peng lai le, nanna humnâk chu tîlian nih a veih lai.

ISAI 34:11

Sûmbuh leh langâk tla nih ram chu an luah lai. LALPA nih lâwngtleng hen a siam nawlh lai le, thilsiam um lân mi hâwi hen.

JEREMIA 15:6

Nannih zapi tla nih nan ka duh lo hen dunglei nan hawng ka sît. Churuangah ka thinthawknâk ka sûm châwklo le, ka bân ka phar le, ka nan veih na rawh.

LUNGFÂKNÂK 2:8

LALPA nih Zion kulh chu râwk ding a tum rerêng; Râwk dep ding hen a tahtimh zet mi rawh. A kulh leh a insâng tla khawm tu chun râwk dep hen a um rawh.

HOSEA 1:6

Gomer nih fa panihnâk a nei le, chu chu nunau asi, LALPA nih Hosea sinah, “Israel mi tla rangah ka dâwtnâk ka langh lo hen ka ngaihdam na awtlo rawh ruangah, a min ah ‘’Lo-ruhamai’’ (Dâwtlo) ti hen sak.

AMOS 7:7

LALPA sinah mi langhnâk ka nei le, chunah chun vâm pakhat tahnâk rî hen sak mi kiangah tahnâk rî a kut ah put hen dîr mi ka muh.

AMOS 8:2

LALPA nih, “Amos, zei na muh?” hawng ka ti. “Theirah bâwm khat,” ti hen ka sâng. LALPA nih ka sinah, “Ka mi Israel rangah a dawnghnâk a hawng tlung. Ka rêp na ding mi lakah ka lêt ding asi lo.

MIKAH 7:18

LALPA, nang hâwi mi pathian dang âukhawm an um lo; a thibang um rih mi sualnâk tla na ngaihdam na, nang chu na thin a thawk kumza lo le, sikhawmsele chu hâwi ngâk hen na lâwm hen zângfah dawnglo na kan muhtir.

ZEKARIA 4:10

Mâilei fûknâk tâwmtê asi ruangah an lung a dawng, sikhawmsele Zerubabel nih Biakin a sak vima mi chu an muh lai le, anna lâwm lai rawh,” a ti. Vânmifial nih ka sinah, “Khâwnvâr pasarih chu LALPA mit pasarih, laikulh zawzawng muhtu chu asi,” a ti. 10bVânmifial nih ka sinah, “Khâwnvâr pasarih chu LALPA mit pasarih, laikulh zawzawng muhtu chu asi,” a ti.

ZEKARIA 4:2

“Zei na muh?” ti hen hawng ka deih. Kei nih ka sâng le, “Khâwnvâr ngûn hen siam mi, a pâr ah a hâng siahnâk khêng um mi, khâwnvâr pasarih a mun pasarih seng siah mi,

ZEKARIA 5:2

Vânmifial nih zei na muh ti hen hawng ka deih. Kei nih ka sâng le, “Vân leiah lasuibuzual a sâu lei feet sâwmthum a lianh lei feet leinga a zuang mi ka muh,” ka ti.