AMOS 7:2 - Bawm Common Language Bible Version

² Chu langhnâk ka nei mi lakah chun khâubawk nih thil ring ram lakah mi a ei hep mi ka muh le, churawhchun kei nih, “LALPA Zahkâi, na mi tla ngaihdam na rawh, zeitin an him kho zia lai? An tâwm hen an chak lo thlo mi!” ka ti.

AMOS 7:2 ပူးပေါင်းရင်းမြစ်များ

SAM 12:1

LALPA! hawng ka ṭangpi! Mi ṭha rerêng an um lo, mi dik rêng tawng kho asi lo.

EXODUS 10:15

Tual dum chuk rê hen an khat zit, chu tla nih chun rial nih a relh mi tla thil zeizawng thing rah tla an ei hep. Aigupta ram zawzawngah thing leh thlâi a ring mi pakhat khawm an zuah lo.

EXODUS 34:9

“LALPA nangmah lawmhkâng mi kasi chun kan sinah hawng ding hen ka nan ngiar, hi minung tla hi an lung a khung le, sikhawmsele, kan palhnâk leh kan sual tla hawng kan ngaihdam le, nangmah mi takah hawng kan ruat rawh,” a ti.

ISAI 37:4

Asiria lal lianchem nih a milian chu Pathian nung simsiat ding hen a hawng fial. LALPA na Pathian nih hi bang simsiatnâk hi theih sele, chu hâwi hen thusimtu tla chu rêp na seh. Churuangah a thibang kan mi le tla rangah Pathian sinah thlacham rawh,” an ti.

ISAI 51:19

Siatnâk letnih na tlûnah a hawng tlung: Tuknâk nih na ram chu a râwk hep le na mi tla nih ei ding an nei lo. Nang rangah lungkhamtu pakhat khawm an um lo.

JEREMIA 14:7

Ka mi tla nih an ka auh le, ‘LALPA, kan sual nih hawng kan mawhtir khawmsele, thu nâ tiam mi hâwi hen hawng kan ṭangpi rawh.’ Vei tam tak kâng dang leiah kan hawitâk le, na tlûnah thilsual kan ti.

JEREMIA 42:2

“Zângfahtê hen kan deih mi chu hawng kan ti piak! LALPA, kan Pathian sinah thla hawng kan cham piak. A vei bang tla zawzawng rangah thla hawng kan cham piak. Na kan muh mi hâwi hen veikhat rangah chun tam tak kan si le, tu lam chu tâwmtê cho kan si rawh.

EZEKIEL 11:13

Thu ka sim liau chirah Pelatiah chu a tlâ le, a thi thlo. Kei khawm tual ah bawkbukhup hen ka bawk le, “LALPA Zahkâi, hi hâwi ding asi lo! Israel ram ah um lem mi tla chu na thah awt ver na maw?” ti hen ka âu.

EZEKIEL 9:8

An thah na liauah chunah chun keimah lâwng hen ka um. Tual ah bawkbukhup hen ka tlû le, “LALPA Zahkâi, Jerusalem lakah chu tluk hen na thinthawk na maw, Israel ram ah a um lem mi chu na thah awt êu?” ti hen ka âu.

DANIAL 9:19

LALPA, hawng kan ngâi rawh, LALPA, hawng kan ngaihdam rawh, LALPA, hawng kan ngâi le, thil ti rawh! Pathian na si zia mikip nih theih ding hen, tlâi lo hen ti rawh! Hi khuapi leh minung tla hi na tâ an si,” ka ti.

JOEL 2:17

Bâwlpu tla nih mâichâm leh LALPA Biakin kawtkâ karah LALPA rianṭuan na sele, ṭap hen thlacham na seh: “LALPA, na mi tla hi lungkham na rawh. Phundang tla nih zauhnawmh ding leh nehsawh hen, ‘Nan Pathian zeiah?’ hawng kan ti ding hen hawng kan siang lah,” ti na seh.

AMOS 4:9

“Nan thlâi ka chârtir ding hen thli lum ka hawng lêngtir. Khâubawk tla nih nan dûm ah mi grep dûm tla, oliv leh theipi tla an ei hep. Chu khawm ah ka sinah nan hawng kîr lo nget rih.

AMOS 7:5

Churawhchun, kei nih, “LALPA Pathian, ti lah râu rawh! Zeitin na mi tla an dam kho lai? Anmah tâ nih an tâwm hen an chak lo mi!” ka ti.

ZEKARIA 4:10

Mâilei fûknâk tâwmtê asi ruangah an lung a dawng, sikhawmsele Zerubabel nih Biakin a sak vima mi chu an muh lai le, anna lâwm lai rawh,” a ti. Vânmifial nih ka sinah, “Khâwnvâr pasarih chu LALPA mit pasarih, laikulh zawzawng muhtu chu asi,” a ti. 10bVânmifial nih ka sinah, “Khâwnvâr pasarih chu LALPA mit pasarih, laikulh zawzawng muhtu chu asi,” a ti.

THUPHUANG 9:4

Chun, an chal ah Pathian singsiahnâk a nei lo mi minung tla cho lo chu, tual ah belh tla, thing tla leh thlâi rerêng râwk lo ding hen simh an si.