AMOS 7:12 - Bawm Common Language Bible Version

¹² Churawhchun, Amaziah nih Amos sinah, “Khuavâng, â tâwk rawh! Juda ram leiah kîr le, chunah va sim, na sim mi man an pêk seh.

AMOS 7:12 ပူးပေါင်းရင်းမြစ်များ

2 CHRONICLES 16:10

Hi thusim nih Asa chu khuavâng tlûnah a thin a run le, rêng a thlâk rawh. Chu liau chun midang tla khawm Asa nih thungâi a nehsawh na.

ISAI 30:10

Khuavâng tla chu dâisip um ding hen an simh na. “Thudik rerêng kan sinah sim lah u. Kanmah ngâi duh mi hawng kan simh u. Kan perpetnâk hi kan thlah ding asi lo.

ISAI 56:11

Annih chu ui hamkah tâwk ti nei lo mi hâwi an si. Hi bang ruitu tla nih theihthiamnâk zeikhawm an nei lo. An ektê hen mah duhzia zia hen thil an ti le, anmah rangah ṭhatnâk cho an hâwl.

EZEKIEL 13:19

Sang tâwmtê leh barley zapai khat tawng ding duh ruangah, ka mi le mâika ah nan ka siarlo. Thi lo ding mi tla nan thah na le, thi ding mi chu nan nunh na. Churuangah ka mi le sinah âwkrâwl thu nan sim le, annih nih chun an lung na,” a ti.

AMOS 2:12

Nazirit mi tla chu uain nan dinh na le, khuavâng tla chu ka thuchah an sim ding mi nan khap.

AMOS 7:11

A thusim chu hi hi asi: Jeroboam chu râltuknâk ah a thi lai le, Israel mi tla chu an ram thawk hen sal ah put hen an um lai,” a ti.

MALAKI 1:10

LALPA Zeizawng tikho nih, “Nan lakah minung pakhat nih ka mâichâm tlûnah manglo ding mi mei tih lo ding hen Biakin khâr pang sele ka duh. Nan tlûnah ka lâwm lo, ka sinah thil ap nan hawng put mi ka pawm awtlo.

MATHAI 8:34

Chun, khuatê hen Jisu dawng ding hen an hawng suak le; chun, Jisu an muh kâ hen an ram thawk hen suak ding hen an ngiar chiam.

LUK 13:31

Chu liau takah chun Farisai âu tla mawh an hawng kal le, a sinah, “Suak le, hinah mi hi kal rawh; Herod nih thah ding an awt asi,” an ti.

THILTI 16:39

Chun, an va kal le, ngaihdam an deih na le, an suah na le, khua thawk hen kal ving ding hen an ngiar na.

ROM 16:18

Chu hâwi mi tla nih chun kan Lalpa Krist rian an ṭuan lo le, anmah paw rian an ṭuan dauh tâwn; an kâ ṭhatnâk leh an hawlh thiamnâk hen mi fing lo tla thinlung an perpet tâwn.

1 KORIN 2:14

Laikulh mi nih chun Thlarau lei thil tla chu a lawmh tâwn lo, anih ngaih chun âtkâi an si; Thlarau ah cho theih kho mi a si ruangah a theih kho lo rerêng asi.

1 PETER 5:2

Nan lakah Pathian murui um mi tla chu, ti ding asi ruangah silo hen, Pathian thu hâwi a thinlung thawk bû hen, lawh duh ruang cho silo hen, thinlung ah duh tak bû hen zauhkhenh u.

1 SAMUEL 2:36

Na thlâk tla an thibang tla nih chu bâwlpu sinah chun; tangka leh buh an deih lai le, bâwlpu ṭangpitu siding hen an deih lai, thil zei zeimawh ei ding an tawng khonâk ding hen,” a ti.

1 SAMUEL 9:9

Saul nih a sâng le, “Krai ṭha tak asi, kan kal ngâk lai,” a ti. Churawhchun, mi thenhlimh pa umnâk khua ah chun an va kal rawh. Chu khua umnâk tlâng leiah an kal liauah chun nungâk tla tî than an hawng mi tla an tawng na. An deih na le, “Hi khua ah hin muh khotu a um ma?” an ti. (Chu liau chun khuavâng hi muhtu an ti ruangah zeiliau zawng ah Pathian deih ding hen an duh chun “Muhtu sinah kan kal lai,” an ti tâwn.)