AMOS 6:3 - Bawm Common Language Bible Version

³ Chu siatnâk a hawng tlung ding mi lakah chun va a pêk ding nan duh lo. Zeital ti khawm ule, chu ni hawng tlung ding chu a nâi dadauh asi.

AMOS 6:3 ပူးပေါင်းရင်းမြစ်များ

SAM 94:20

Lâirêlnâk diklo lakah na kawpkaih lo, dân diklo siamtu hen khawm.

THUSIMTU 8:11

Zei rangah mi nih thilsual âwlzâng tak hen an ti zia? Thilsual ti chu rêp sâwm an si lo ruangah.

ISAI 47:7

Lalnu si kumza ding na ruat le, chubang thil zawzawng a dawng ding mi chu thinlung ah dawnnâk leh ruatnâk zeikhawm na nei lo.

ISAI 56:12

Chubang zurî tla nih chun, ‘Uain kan hâwl lai le, kan din kho rirî hen kan din lai! Thâituan ding mi chu tusûn ngâk hen a ṭha dauh lai! an ti,’ ” a ti.

LUNGFÂKNÂK 4:5

Buh-an thâw chem eitu tla chu khua lâi ah sungvâng hen an thi le; nuamchenhtu tla chu ei ding hâwl hen nâwmtâm an thâi.

EZEKIEL 12:22

“Thikho mi minung, zei rangah Israel mi tla nih hi thufing hi an ti nawlh lemang: ‘Tik a len vima le, simkannâk thu khawm zeikhawm asi lo,’ ti mi hi.

EZEKIEL 12:27

“Thikho mi minung, Israel mi tla nih na muhtirnâk leh thu simkan tla hi hi nûnthâi ving ding mi si hen an ruat.

EZEKIEL 23:42

Zapi minung nuamsabut chenhtu tla, ramkaro thawk hen an hawngpi na mi hâu chu theih kho asi. Nunau tla chu an bân ah zaksiar an bunh na le, an lû ah lallukhuh dawh tak an khuh na.

AMOS 3:10

LALPA nih, “Hi bang mi tla nih hin dân buar leh siat leh râwk hen thil an lâk mi tla hen an in sung tla an khattir, zumhkâi hen um ding dân khawm an theih loh.

AMOS 3:9

Aigupta leh Asdod mun ah um mi tla sinah thu sim u, “Samaria kiangkam tlângah a pûm ule, chunah dân buarnâk leh nawknâk tla chu zauh u,” a ti.

AMOS 5:12

Sual ṭihnungkâi tatak nan ti mi leh dân tam tak nan buar mi tla ka theih, mi ṭha tla nan nehsawh na le, nawhnâk nan lâk, mipâm tla khawm lâirêlnâk ah an dik mi khawm diklo hen nan tuah na.

AMOS 5:18

LALPA ni mawhlahtu tla rangah ṭihnung a kâi awt chiam e! Chu ni chu nan rangah zei a ṭhatnâk a um awt? Nan rangah chu ni chu chêu ni silo hen mûinâk ni asi lai.

AMOS 6:12

Lung tlûnah rang a tek lai ma? Mi nih chawchal hen tipi an nâwn ma? Sikhawmsele repnâk chu tûr ah nan changtir le, diknâk chu diklonâk ah nan changtir.

AMOS 9:10

Ka mi lakah misual tla, ‘Pathian nih kan lakah nganfâk a tlungtir lai lo’ titu zawzawng chu râltuknâk ah thah hen an um lai,” a ti.

MIKAH 6:12

Nan minei tla nih mipâm tla an mang na le, nan ektê hen mi âwkrâwl ver nan si.

MATHAI 24:48

Sikhawmsele, to-aw sual nih chun a thinlung hen, ‘Ka pu a hawng sawm lai lo,’ ti hen,

1 THESALONIKA 5:3

“Lungngamnâk leh himnâk ti hen an sim liau takah nunau nganfâk hâwi hen lâkkhat ko ah veihnâk an tlûnah a hawng tlung lai le, an âwl rîlmâl lai loh.

2 PETER 3:4

“Ka hawng kal lai, a ti mi chu a hawng lo ne? A zei ah a um? Hawng kan thlâktu tla khawm an thi ver rawh, laikulh tuah tîr thawk hen thil zeizawng a mahmun kumza ko ne?” ti hen an nihsanh na lai.

THUPHUANG 18:17

“Dârkar khat ko ah chu zawng neih leh siah a thlâu rawh,” ti hen amah sûn hen an ṭap rawh. Chun, lawng hotu tla, lawng ah kal tâwntu tla, lawng ah mi tla leh tisumsumriat ah rianṭuantu tla chu lâtpi ah dîr hen,