AMOS 6:2 - Bawm Common Language Bible Version

² Kalneh khuapi ah kal le va zauh. Churawhchun, Hamat khuapi rokual ah va kal le, Philistia khuapi Gath ah va kal, Israel leh Juda ram ngâk hen ṭhat dauhnâk an nei ma? Nan ram ngâk hen an ram chu a kâu dauh ma?

AMOS 6:2 ပူးပေါင်းရင်းမြစ်များ

GENESIS 10:10

A tîr chun a ram chu Babulon, Erek leh Akad, an pathum hen Babulon ram an si.

2 SAMUEL 8:9

Hamat lalchem Toi nih David nih Hadadezer kawrsen tla a neh hep ti a theih rawh.

1 Lal 8:65

Chu Biakin ah chun Solomon leh Israel mi zapi tla nih chun Basâ Kût puai chu ni sarih an mang. Chunah chun minung thungâi an tam le, marlei kângah chun Hamat Liamnâk ram thawk hen a hawng mi leh simlei kângah chun Aigupta ramri thawk hen hawng mi an si.

2 Lal 17:24

Asiria lal lianchem nih Babulon ram ah khuapi tla, Kuth, Ivah, Hamat leh Sepharvaim ah mi mipi tla chu Samaria khuapi ah Israel sal ah an put na mi mun ah a umtir na. Chu khuapi ah mun an khuar le, an um.

2 Lal 17:30

Babulon mi tla nih Sukot Benot pathian lem an siam, Kuth mi tla nih Nergal lem an siam, Hamat ah mi tla nih Asima lem an siam;

2 Lal 18:34

Arpad leh Hamat pathian tla tuah zeiah an um? Sepharvaim, Hena leh Ivah pathian tla zeiah? Pakhat tal nih Samaria a hum kho ma?

2 Lal 19:13

Hamat, Arpad, Sepharvaim, Hena, Ivah lal tla kha zei ram ah an um?” a ti.

2 CHRONICLES 26:6

Uziah chu Philistia do ding hen a kal le, Gath, Jamnia, Asdod khuapi kulh tla a râwk hep le, Philistia ram kiangah mi Asdod kiangah khuapi kulhnei tla a siam.

JEREMIA 49:23

Hi hi LALPA nih Damaska thu a sim mi chu asi: “Thâwng ṭhalo tak an theih ruangah, Hamath leh Arpad khuapi ah um mi tla chu an lawksawng le an uai thlo. Lawksawngnâk nih tipi hâwi hen a luang nawh na le, anna dîn kho lo.

NAHUM 3:8

Ninevi, Aigupta ram a mi Thebes khuapi ngâk hen zei me na ṭhat dauhnâk a um? Anih khawm nih amah vêngtu chu Nile tiva vâm hâwi a nei bâk.

1 SAMUEL 17:23

Chu hâwi a sawnh na liau tak chun Goliath chu an mâilei ah a hawng le, a lân hâwitê hen Israel tla a hauh na. Chu chu David nih a theih rawh.

1 SAMUEL 17:4

Gath khuapi ah mi a min Goliath chu Philistia lakah mi a hawng suak le, Israel tla a hauh na. Amah chu feet kua ngâk a sâng,

1 SAMUEL 5:10

Churawhchun, Thudântuk Bâwm chu Ekron leiah an kalpi rawh, chu chu Philistia khuapi dang pakhat asi. Sikhawmsele chunah an va tlungpi rawh chun chunah mi tla chu an âu le, “Israel Pathian Thudântuk Bâwm kanmah hawng kan thah ding hen an hawng put rawh!” an ti.

1 SAMUEL 5:8

Churawhchun, mi an fial le, Philistia lal panga a pum ding hen an kawhtir na le, “Israel Pathian Thudântuk Bâwm hi zeitin kan ti lai rawh?” ti hen thu anna deih. “Gath leiah kalpi u,” ti hen an sâng. Churawhchun, Gath ah Philistia khuapi dang an ti mi ah chun an kalpi.