AMOS 5:6 - Bawm Common Language Bible Version

⁶ LALPA sinah kal u, chu tikah nan nung lai. A sinah nan kal lo chun, Israel mi tla tlûnah mei kâng hâwi hen an phiat dep na lai. Bethel mi tla chu mei nih a kâng lai le, âukhawm nih an mih kho lai lo.

AMOS 5:6 ပူးပေါင်းရင်းမြစ်များ

2 SAMUEL 19:20

Pu, ka sual asi ti theih hen, churuangah asi, tusûn ah nangmah Bâwipa tawng ding hen marlei phun a mi lakah hawng masa chem kasi,” a ti.

1 Lal 11:28

Jeroboam chu tlangvâl chak tak, thiltikho tak asi le, Solomon nih ṭha tak hen rian a ṭuan mi a theih le, Manaseh leh Efraim phun umnâk ram ah rianṭuantu tla zawzawng hotu ah a siam.

2 CHRONICLES 34:25

An hawng ka duh lo le, pathian dang tla sinah bâwlnâk ap hen thil an ti mi zawzawng nih ka thin an runhtir. Jerusalem tlûnah ka thinthawknâk chu a reh ding asi lo.

SAM 27:8

“Hawng le, hawng ka sawnh” na ti. Kei nih, “LALPA,

SAM 69:33

LALPA nih ṭangpi herh leh rêngin mi tla chu philh lo hen a ngâi na.

EXODUS 22:6

“Mi nih a phâisen a duah hen bua nâwngah mei a tlân hen midang phâisen ah mi a thil chîng tla, a kho liau mi mawh a ât rawh mi mawh a khangh hen a râwk chun, chu minung mei thlahtu nih a râwk mi vial chu a rulh ding asi.

ISAI 1:31

Meichi nih fapawn a khangh mi hâwi hen mi thiltikho tla chu an thilsual ti nih a veih na lai le, chu siat leh râwknâk chu âukhawm nih an khap kho lai loh.

ISAI 55:3

“Ka mi tla, tuah ka thu ngâi ule ka sinah hawng u; ka sinah hawng ule, nungnâk nan nei lai! Nanmah hen thudântuk um kumza ding mi ka siam lai le David sinah ka tiamh mi malsâwmnâk chu ka nan pêk na lai.

ISAI 55:6

Tuah a nâi tek liauah LALPA leiah a her ule, a sinah thlacham u.

JEREMIA 38:20

Kei nih, “An lakah pêk na si lai lo. LALPA thuchah hi ngâi ding hen kan ngiar asi; chu tikah na rangah zeizawng a tluang lai le, na nungnâk khawm zuah asi lai.

JEREMIA 4:4

Nannih Juda mi leh Jerusalem mi tla, ka sinah thudân nan tuk mi chu kil thlir ule, kei nan LALPA lakah hawng a pêk u. Chu hâwi nan ti lo chun thilsual nan ti mi ruangah ka thinthawknâk nih mei hâwi hen an khangh na lai. A kâng lai le, âukhawm mihtu a um lai loh,” a ti.

JEREMIA 7:20

Churuang tak chun, Kei, LALPA Zahkâi nih, hi Biakin ah hin ka thinthawknâk fâk tak ka tawih awt. Ran tla tlûnah leh minung tla tlûnah khawm, thing leh thlâi tla tlûn khawm ah ka tawih awt. Ka thinthawknâk chu âukhawm nih a mih kho lo mi mei hâwi asi lai.

EZEKIEL 21:3

Israel ram chu kei LALPA nih thu ka sim mi simhkan na: Kei hi nan mêlma kasi, ka nâmsâu ka phâwi lai le, mi ṭha leh misual bang cho hen ka nan thah hep na awt.

EZEKIEL 33:11

Kei, LALPA Zahkâi Pathian nung kasi sung zawng chu ka mitmuh hen misual a thi mi lakah lâwmnâk ka nei kho lo ti simh na. An sual rim hen an nung mi muh ka duh dauh asi. Israel, na thilsual ti bâng rawh. Zei rangah thi ding na duh eu?

EZEKIEL 37:19

kei, LALPA Zahkâi nih, Israel ruangrûl mi ṭhianṭhunh chu Juda ruangrûl mi ṭhianṭhunh hen pakhat ah ka siam na awt tinâk asi ti simh na. Ṭhianṭhunh panih chu pakhat ah ka siam lai le, ka kut hen ka tleih awt.

AMOS 3:14

Israel mi tla an sual ruangah ka rêp na ni ah chun Bethel ah mi mâichâm chu ka râwk lai, mâichâm ki kip tla chu â râwk dip lai le, tual ah a tlû lai.

AMOS 5:14

Na nung khonâk ding hen thilsual ti tumlo hen thil dik ti tum rawh. LALPA Pathian zeizawng tikhotu chu na sim mi hâwi hen amah chu na sinah a um lai.

AMOS 5:4

LALPA nih Israel mi tla sinah, “Ka sinah hawng ule, nan nung lai.

AMOS 6:6

Uain chu hâi khat dil hen nan din le, rimthâw ṭha chem nan mang le, sikhawmsele Israel tla siatnâk thu ah lungfâknâk nan nei lo.

ZEPHANIAH 2:3

Nannih LALPA thupêk ngâi hen nâu tak hen ram lakah um mi zawzawng tla, LALPA leiah a hawi u. LALPA lakah nâu tak hen um ule, thil dik ti u. LALPA nih a thinrunhnâk a hawng langh ni ah rêp nan âwl kekkawk lai mawh.

ZEKARIA 10:6

“Juda mi tla chu chak tak hen ka siam lai le, Israel mi tla chu ruang ka suah na lai. Anmah ka lungkham na lai le, in leiah ka kîrpi ver nawlh na lai. Ka nawng dah na lo mi hâwi hen an um lai. Kei LALPA an Pathian kasi lai le, an thlachamnâk tla ka sâng na lai.

DEUTERONOMY 32:22

Ka thinthawknâk chu mei hâwi hen a alh lai le, tual tlûnah thil zeizawng a kâng lai. Laikulh tanglei tiang a va tleng lai le, tlâng tonâk bul tla a râwk lai.

DEUTERONOMY 4:24

LALPA nan Pathian chu meialh hâwi asi ruangah; hel mi rêng a saithiam lo.

JOSUA 18:5

Ram chu an rangah anrang sarih hen ṭhen ding asi lai. Juda chu simlei kâng ram ah, Josef fa tla chu marlei kâng ram ah.