AMOS 5:4 - Bawm Common Language Bible Version

⁴ LALPA nih Israel mi tla sinah, “Ka sinah hawng ule, nan nung lai.

AMOS 5:4 ပူးပေါင်းရင်းမြစ်များ

2 Lal 20:3

“LALPA, zumhkâi tak hen leh ṭih tak hen na rian ka ṭuan le, ti ding hen na ka duh mi lakah chun ti ngelchel ding hen ka tum kumza mi kha theihkumza rawh,” a ti. Chun ngaihsia tak hen a ṭap rawh.

1 CHRONICLES 28:9

Churawhchun, Solomon sinah, “Ka fapa, na pa Pathian chu thinlung lungkhat leh duhnâk nei hen a rianṭuan ding hen kan simh asi. Anih nih kan thinlung dawn leh kan duh mi zawzawng a theih hep. A sinah na kal chun a nan pawm lai. Sikhawmsele na hertâk chun a nan kaltâk pawt lai.

2 CHRONICLES 15:2

a sinah, “Lalchem Asa, nang leh Juda leh Benjamin mi zawzawng nih ka thu ngâi u, a lakah nan um kar zawng chu nan sinah LALPA a um. Amah nan hâwl chun nan tawng lai le, sikhawmsele nan her tâk chun anih khawm nih an kaltâk na lai.

2 CHRONICLES 20:3

Jehosaphat chu a lâu le, ṭangpi sâwm hen LALPA sinah thla a cham. Ram pumpi ah buh ngei ding hen thu a thanh na.

2 CHRONICLES 20:4

Juda mi khuapi kip thawk hen Jerusalem ah LALPA sinah ṭangpi deih ding hen an hawng.

2 CHRONICLES 34:3

Josiah chu kum riat mi asi liauah lal asi le, thungâi a ngâksia rih, amah thlâktu lalchem David Pathian sawnh a dawmh rawh. Kum li nûn chun lunglotu tla pathian sawnhnâk mun, pathiannu Aserah lem leh milem dang tla râwk a dawmh rawh.

SAM 14:2

LALPA nih chun, vân thawk hen minung tla amah sawnhtu leh mifing an um rêng mawh ti hen a zauh na.

SAM 22:26

Mipâm tla nih an duh tâwk an ei lai le; LALPA sinah hawngtu tla nih chun amah chu an sawr lai. An sul-le-lam tluang kumza seh!

SAM 27:8

“Hawng le, hawng ka sawnh” na ti. Kei nih, “LALPA,

SAM 69:32

Nâuneh an si mi tla nih an muh tikah anna lâwm lai le; Pathian sawnhtu tla khawm fawrh hen an um lai.

SAM 69:33

LALPA nih ṭangpi herh leh rêngin mi tla chu philh lo hen a ngâi na.

ISAI 31:1

Aigupta ah ṭangpi ding sâwm hen va kaltu tla chu an vân a duai! Aigupta râltuk kawrsen tam tak chaknâk rang tla, kari tla leh, kawrsen lakah anna ngauh. LALPA, Israel Pathian thenhlimh lakah a ngauh hen a sinah ṭangpi an deih lo.

ISAI 55:3

“Ka mi tla, tuah ka thu ngâi ule ka sinah hawng u; ka sinah hawng ule, nungnâk nan nei lai! Nanmah hen thudântuk um kumza ding mi ka siam lai le David sinah ka tiamh mi malsâwmnâk chu ka nan pêk na lai.

JEREMIA 38:20

Kei nih, “An lakah pêk na si lai lo. LALPA thuchah hi ngâi ding hen kan ngiar asi; chu tikah na rangah zeizawng a tluang lai le, na nungnâk khawm zuah asi lai.

EZEKIEL 18:9

Chu hâwi minung nih chun ka thupêk tla a zûl hen ka dân tla thiamthih tak hen a kil. Mirep asi ruangah a nung lai,” LALPA Zahkâi nih a ti.

HOSEA 10:12

Nan rangah ‘Tual thar nâwn ule, rêpnâk phun hen malsâwmnâk ât ule, ka sinah nanna pumpêknâk a lang lai. Kei, nan LALPA sinah nan hawng ding hen a tik a tlung rawh le, a hawng lai le, nan tlûnah malsâwmnâk ka nan tawih lai,’ ka ti.

AMOS 5:6

LALPA sinah kal u, chu tikah nan nung lai. A sinah nan kal lo chun, Israel mi tla tlûnah mei kâng hâwi hen an phiat dep na lai. Bethel mi tla chu mei nih a kâng lai le, âukhawm nih an mih kho lai lo.

ZEPHANIAH 2:3

Nannih LALPA thupêk ngâi hen nâu tak hen ram lakah um mi zawzawng tla, LALPA leiah a hawi u. LALPA lakah nâu tak hen um ule, thil dik ti u. LALPA nih a thinrunhnâk a hawng langh ni ah rêp nan âwl kekkawk lai mawh.

MATHAI 7:8

Âuzawng a deihtu nih chun an tawng tâwn le; âuzawng a hâwltu nih chun an tawng tâwn; âuzawng a kiktu chu an awng piak awt asi.

DEUTERONOMY 32:46

“Tusûn ni ah hi thupêk tla zawzawng ka nan pêk na mi hi zûl ding hen theih set u. Nan fa tla simh lemang na ule, Pathian sîntirnâk zawzawng zumhkâi tak hen an zûl kho ding hen.

DEUTERONOMY 32:47

Hi sîntirnâk tla hi thu salam asi lo; nan nungnâk bul tak asi. Zûl ule, Jordan Va kanh hen nan va luah ding mi ram ah nan um kumza lai,” a ti.

DEUTERONOMY 4:29

Chunah chun LALPA nan Pathian nan hâwl lai le, nan thinlung zawzawng hen amah chu nan hâwl tikah nan tawng kho lai.