AMOS 5:3 - Bawm Common Language Bible Version

³ LALPA Zahkâi nih, “Israel khuapi ah mi kawrsen sâng fial asi le, zâ cho an hawng kîr; khuapi dangah mi zâ fial hen an um le, sikhawmsele parâ cho an hawng kîr,” a ti.

AMOS 5:3 ပူးပေါင်းရင်းမြစ်များ

SAM 144:14

Kan ran tla chu a tlâu leh a vei mi um lo hen cherkhet hen pung seh. Kan zâwllâi ah hamh ruangah ṭapnâk rêng um lah seh.

ISAI 1:9

LALPA zeizawng tikho nih a thibang zeimaw mi zuah na lah sele chu Jerusalem chu Sodom leh Gomorah hâwi hen râwk dep hen a um lai.

ISAI 10:22

Israel mi tla chu tuah tipi kapah sep hâwi hen tam khawmsele, tâwmtê cho an hawng kîr lai. Siatnâk chu mi zapi tla rangah khawng asi le, an rangah siah ziar hen a um.

ISAI 6:13

Chu lak chun minung parâ lakah pakhattê men um khawmsele veih asi lai. Oak thing hâu mi kung bul hâwi asi lai,” a ti. (A bul nih chun Pathian mi tla a thartê hen dirh ding mi a zauhtir.)

EZEKIEL 12:16

Tuknâk, pâmnâk leh râi lakah thibang tâwmtê ka zuah na lai le, phun tla nâwngah an thilti fihnung a kâi zia leh kei LALPA kasi zia an theih lai,” a ti.

AMOS 6:9

Dâwngsungkhur ah parâ thibang um khawmsele an thi lai.

ROM 9:27

Isai khawm nih Israel tla thu a phuang le, “Israel tla chu tisumsumriat ah sep zat hen tam khawmsele, a rêp bang cho chu ruangsuah hen an um lai.

DEUTERONOMY 28:62

Vân ah ârfi zat hen tam khawm ule, a leifuan chu tâwmtê cho nan si lai, LALPA nan Pathian thu nan ngâilo ruangah.

DEUTERONOMY 28:63

LALPA nih nan sul-le-lam a tluang tir hen zantir na ding a duh mi hâwitê hen nan lakah an veih na ding leh siatnâk nan tlûnah tlungtir ding a duh rûl rawh. Nan umnâk ram ah mi an ṭhial ving na lai.

DEUTERONOMY 4:27

LALPA nih phundang nâwngah a nan rektir phin na lai le, chunah chun a thibang tâwmtê cho nan um lai.