AMOS 5:12 - Bawm Common Language Bible Version

¹² Sual ṭihnungkâi tatak nan ti mi leh dân tam tak nan buar mi tla ka theih, mi ṭha tla nan nehsawh na le, nawhnâk nan lâk, mipâm tla khawm lâirêlnâk ah an dik mi khawm diklo hen nan tuah na.

AMOS 5:12 ပူးပေါင်းရင်းမြစ်များ

AMOS 5:10

Nannih hi thudik dotu leh lâirêlnâk ah thudik simtu tla huatu nan si.

ISAI 1:23

Na ruitu tla chu hel hen mifîr tla hâwikawmh an si rawh; thilpêk leh nawhnâk duhtu an si kumza. Mi ngâkṭah tla khawm lâirêlnâk ah an hum na lo, numei tla thunawk sim mi khawm an ngâi piak duh na lo.

MALAKI 3:5

LALPA, Zeizawng tikho nih, “Lâirêl ding hen nan lakah ka hawng a langh lai le, dâwithiam, ṭângdang pawm mang, thâwngthâng diklo simtu, rianṭuantu tla lawh lakah perpettu leh numei tla, ngâkṭah tla, ramdang minung lakah nâunehtu leh hawng ka zahlotu zawzawng sâwi hen thu ka sim awt.

1 SAMUEL 8:3

Sikhawmsele, an pa umdân hâwi hen an um lo; tangka lei an sunhsak dauh le, nawhnâk an lâk le, zumhkâi tak hen thu an thlûk lo.

JEM 5:6

Mi rep chu nan mawhtir le, nan thah, chun anih nih chun an do na lo.

JEM 5:4

Nan lo ah lawh nan lâk mi a man nan pêk lo mi tla vûirâmnâk leh fang pumhtu tla âu hâu chu Zeizawng tikho, Lalpa Pathian nâ nih a theih.

THILTI 7:52

Nan thlâktu tla nih khuavâng tla lakah âu me an nehsawh lo mi um? Mi Rep tak hawng kal ding mi thu simhkantu kha an thah le, chu Minung tak chu tleihtirtu leh thahtu nanmah hi tuah nan si.

MIKAH 7:3

Sual leikângah ti chu an thiam ver, rianṭuan ding leh lâirêl ding hen nawhnâk an hauh. Mi kuaih khotu nih a duh thu chu a simh na le, churawhchun a ti dân an ruat tawnh.

MIKAH 3:11

Khuapi sungah lâirêltu tla nih nawhnâk ruangah lâi an rêl le, bâwlpu tla nih a man duh hen dân thu tla an sim, chubang zawng tla nih, ‘LALPA kan sinah a um’ an ti ver. “Kan lakah nganfâk zeikhawm a tlung lai lo. Kan sinah LALPA a um,” an ti.

AMOS 2:16

Chu ni ah chun kawrsen râlṭha chem men an râlthuam an mâk thlap lai le, an tek lai,” LALPA nih a sim mi asi.

LUNGFÂKNÂK 3:34

LALPA nih rêngin ah kan thinlung lawksawngnâk chu a theih;

JEREMIA 29:23

LALPA min hen âwkrâwl thu an sim le, LALPA min hen sual ṭihnungkâi ti hen ṭângdang an pawmtâk ruangah, hi hi an thihnâk ding chu asi. Hi hi LALPA duh lo kâng asi; thil an ti mi a theih na hen anmah lakah anih chu theihtu asi. LALPA nih a sim,” a ti.

ISAI 66:18

An thinlung dawn leh an thilti chu ka theih. Phun zawzawng tla lakah mi pumh ding hen ka hawng. An hawng a pûm tikah ka thiltikhonâk nih a ti kho zia an muh lai le,

ISAI 47:9

Sikhawmsele ni khat kar ko ah hi bang thil tla hi a hawng tlung vevê awt. Na dâwithiamnâk zawzawng mang khawm le, na pasal leh na fa tla chu na thlâu ding nget.

ISAI 33:15

Thu dik na sim hen thil dik na ti chun na him lai. Mipâm perpetnâk ah na thiltikhonâk mang lah le, nawhnâk lâk lah. Mi thah tumtu mawh thilsual ding ti tumtu tla sinah a bawp lah.

ISAI 29:21

Midang simsâwitu tla, dân buartu tla rêp ding mi khaptu, mi zumhkâi nih diknâk tawng lo ding hen âwkrâwl thusimtu tla chu Pathian nih a veih na lai.

ISAI 10:2

Chubang hâwi hen mipâm tla chu thu nan neitir lo le, dik tak hen um ding khawm nan siang na lo. Churuang tak chun asi, mi ngâkṭah leh numei tla thil-le-rî nan lâk piak na mi chu.

ISAI 5:23

Sikhawmsele nawhnâk ruangah misual chu dik hen na siam, midik lam chu a dik sual lebang lai ti hen na vêng rêt.

THUFING LASUIBU 22:22

Na ti kho ruang ko ah mipâm chu nangmah ṭhatphahnâk ah mang lah. Lâirêlnâk ah ṭangpi herh tak chu ṭhatphahnâk rangah mang lah.

JOB LASUIBU 31:21

Mi ngâkṭah rangah, lâirêlnâk ah thu hen neh kho asi ti ka theih ruangah ka perpet chun,

RUTH 4:1

Boaz chu kulh kawtkâ topumhnâk ah a va kal le, chunah chun a va to bâk. Churawhchun, Elimelek taksa tlâi naih chemtu Boaz nih a sim mi khawm chu a va kal bâk le, Boaz nih a sinah a kawh, “Kâwipa, hawng le, to bâk,” a ti. Churawhchun, a va kal le, a to bâk.

DEUTERONOMY 31:21

siatnâk ṭihnungkâi tam tak an lakah a hawng tlung lai. Sikhawmsele hi la hi sak kumza ding asi lai, an lakah thil a hawng um ding mi theihfiangnâk ruangrûl ah asi lai. Tu khawm ah thu ka tiamh na mi ram ah ka kalpi na lân khawm ah an thinlung ruat ka theih ko,” a ti.

DEUTERONOMY 16:18

“LALPA nan Pathian nih a nan pêk na mi khua kip ah lâirêltu leh rianṭuantu ruat na u. Chubang tla nih zapi tla chu thliar dangnâk nei lo hen lâi an rêl ding asi.

SAM 127:5

Chu hâwi hen thalzum tam tak a nei mi chu a thaw a suak. Lâirêlnâk mun ah a mêlma tla hen anna tawng khawm ah neh hen a um dah lai lo.

THUFING LASUIBU 17:8

Mi zeimaw mi nih nawhnâk chu mit-leh-dâwi thilti hen an ngaih le, zeizawng a tikho ding hen an ruat.

EZEKIEL 13:22

“Nan âwkrâwl thusim hen mi ṭha nganfâk pêk ding ka duh na lo mi tla, nan zerhtir ver na. Misual tla chu thilsual ti bâng ding mi leh an nungnâk hum hen um ding mi nan kham na.

HOSEA 5:3

Israel nih zei a bangh, ka theih ko. Ka lakah mi â thup kho ding asi lo, zumh a kâi lo, a mi tla chu kei hawng ka sawnh ding hen a tlâklo,” a ti.

AMOS 2:3

Moab ram lâirêltu leh ram lakah ruitu zawzawng tla chu ka thah na lai,” a ti.

AMOS 5:7

Nannih diknâk hen rual rêt mi leh midang perpettu tla nan vânduai rawh!

AMOS 8:4

Nannih mipâm lamhbêktu leh ram lakah mipâm veih ding tumtu tla, hi hi ngâi u.

EXODUS 23:3

Mipâm khawm a thunawk lakah ṭanh khun lah.

EXODUS 23:6

“Mipâm chu lâirêlnâk ah diklo hen lâirêl piak lah.

JOB LASUIBU 20:19

Mipâm tla a thlawrhthlâu leh a nehsawh na ruangah leh mi nih in an sak mi a lâk piak na ruangah.