AMOS 4:7 - Bawm Common Language Bible Version

⁷ Nan thlâi chîng tla nih ruah tî an herh thlo liauah ruah sûr ding ka khap. Khuapi pakhat ah ka sûrtir khawmsele khuapi dangah chun ka sûrtir lo. Phâisen pakhat ah ruah ka sûrtir le, sikhawmsele phâisen dang tla chu sûrlo hen a hul hiam.

AMOS 4:7 ပူးပေါင်းရင်းမြစ်များ

EXODUS 10:22

Mosi nih a kut chu vân leiah a phar le, Aigupta ram pumpi ah mûinâk fâk tak ni thum kar a hawng um.

EXODUS 10:23

Aigupta mi tla chu anna muh kho lo le, âukhawm nih chu liau zawng chun an in an kaltâk kho lo, sikhawmsele Israel tla umnâk chu a chêu kumza.

EXODUS 8:22

Ka mi le tla umnâk Gosen ram lam chu ka zuah lai, chunah chun thovâi rerêng a um lai loh. Hi ram ah hin chu thilti chu Kei LALPA nih ka ṭuan mi asi ti na theih lai.

EXODUS 9:26

Israel tla umnâk Gosen ram lâwng rial a tlâ lo.

EXODUS 9:4

Israel tla ran leh Aigupta ran tla chu ka thliar na lai. Israel ran vial chu an thi lai loh.

ISAI 5:6

A tlûnah belh bua tul hen ka chawrhtir lai. A ngê tla khawm ka tan lai lo le, tual khawm ka rît awtlo; chu hâwi ding ngâk hen belh leh ling hen ka tuamtir pang awt. Vândâwm khawm a tlûnah ruah sûrtir lo ding hen ka khap awt,” a ti.

JEREMIA 14:22

Phun tla milem pakhat khawm nih ruah a sûrtir kho lo, vân khawm nih a mah thu hen a sûrtir kho lo. LALPA, kan Pathian nangmah lakah lungumnâk kan nei, hi bang thil tla titu chu nangmah lâwng na si ruangah.

JEREMIA 14:3

Minei tla nih an to-aw tla tî than ding hen an fial na le; tipang leiah an va kal le, sikhawmsele tî an tawng lo; an bêl karo hen an kîr nawlh. Lungdawng leh thinlung nawk hen an mêl an thuh.

JEREMIA 14:4

Ruah a um lo ruangah tual a châr hep, phâisen nâwntu tla chu an thinlung a fâk tuktarâi le, an mêl an thuh.

JEREMIA 3:3

Churuangah asi, ruah sûrlo hen fûr a tla lonâk chu. Nang chu nunau â zuar mi na bangh le; ningzaknâk na nei lo.

JOEL 2:23

“Zion mi tla, a lâwm u, LALPA, nan Pathian nih nan rangah thil a ti mi ruangah a lâwrn u. Fângzûn liauah ruah tam tâwk ual hen an pêk na le, busik liau ruah khawm nan rangah a sûrtir hen tifûr tlâk tîr khawm a lân hâwi asi rawh.

ZEKARIA 14:17

Zei phun tal LALPA Zeizawng tikho sawnh ding êltu chu an ram ah ruah a sûr lai lo.

JOHAN 4:35

Nannih nih, ‘Fâng ât ding thla li a um rih,’ nan tilo mazei? Ngâi u, ka nan simh na; chuanh ule, lo tla zauh u, tu thawk hen ât ding hen a vâng asi.

1 KORIN 4:7

Nang âunih me a nan ti bîk? Na ting lo mi chu zei me na nei? Na ting asi chun zei rangah ting lo hâwi hen na sawr phah?

DEUTERONOMY 11:17

Nan pial chun, LALPA nan tlûnah a thinthawk lai. Ruah a khap lai le, nan thlâi chî keuhnâk ding mi tual a char fêk lai. Churawhchun, ram ṭha an pêk na mi sikhawmsele zeikarlo ah nan thi hep lai.

JEM 5:17

Elija chu kanmah hâwi minung asi, anih nih chun ruah sûr lonâk ding hen semsêngâi tak hen thla a cham le, kum thum leh thla ruk kar ruah a sûr lo.

THUPHUANG 11:6

Chubang tla nih chun thu an sim kar vial chu ruah sûr lo ding hen vân pingtir khonâk an nei, an duh tik zawng ah thisen ah changtir ding hen tiva tla tlûnah thuneihnâk an nei le, laikulh hi rêpnâk râi chi kip hen rêp ding hen thu an nei.