AMOS 4:3 - Bawm Common Language Bible Version

³ Vâm a pem mi lakah an nûk na lai le, lênglei ah an lawnh ving na lai,” a ti.

AMOS 4:3 ပူးပေါင်းရင်းမြစ်များ

2 Lal 25:4

Sikhawmsele, Babulon mi tla nih khuapi chu an kulh hep le, Juda kawrsen tla chu zân ah an suak hep, lal dûm lampi lei hen vâm a tawnhnâk kawtkâ lei hen an kal le, Jordan Vakuam leiah an tek hep.

2 Lal 7:15

Chu minung tla chu Jordan tiang an va kal le, Siria tla an tek liauah an thlâu mi nipuan leh thilthuam lampi tluan hen an tawng; an kîr le, lal sinah an simh.

ISAI 2:20

Chu ni a hawng tlung tik chun, an siam mi ngûn leh tangka milem tla chu an lawnh ving lai le, zabui leh balâk tla sinah an mâk lai.

ISAI 31:7

Tangka leh ngûn hen milem sual tak nan siam mi lawnh hep ding tik a hawng tlung awt rawh.

JEREMIA 52:7

Babulon mi tla nih khuapi chu hual dak na khawmsele kawrsen tla chu zân ah an suak hep. Lal dûm leikâng a mi lampi hen an kal le, kulh vâm panih â tawnhnâk ram kawtkâ lakah an suak le, Jordan vakuam leiah an tek.

EZEKIEL 12:12

An tlûnah lâirêltu lal chu mûi lakah a thil têl a liangah a thâng lai le, a rangah vâm âwng an siam mi lakah a suak lai. A mit a tuam pang lai le, zei leiah a kal awt ti khawm a muh lai lo.

EZEKIEL 12:5

A nan muh liau chirah na in vâm pemh le, na pemh mi thawk hen na thil têl chu lâk.

AMOS 6:7

Churuang chun sal ah kal mi lakah a masa chem nan si lai. Nan din ei leh puai tuah tla a dawng lai rawh.

ZEPHANIAH 1:18

LALPA nih a thinthawknâk a hawng langhtir ni ah chun, an tangka leh ngûn tla nih a hum kho na ding asi lo. Tual pumpi chu a thinthawknâk mei nih a râwk lai. Tual tlûnah um mi zawzawng lakah dawngh sawmnâk a hawng tlungtir lai.

MATHAI 16:26

Mi nih laikulh hi a pum hen a ting sele, a nungnâk dawk sele, a rangah zei a ṭhatnâk a um lai? Asi lo leh, mi nih a nungnâk rûlah zei me a pêk lai?

LÂIRÊL 5:17

Gad phun tla chu Jordan saklei ah an um le, Dan phun chu timeilawng tla ah an um Aser phun tla chu tipi kap ah an um le; tivakap vima ah an um.