AMOS 3:9 - Bawm Common Language Bible Version

⁹ Aigupta leh Asdod mun ah um mi tla sinah thu sim u, “Samaria kiangkam tlângah a pûm ule, chunah dân buarnâk leh nawknâk tla chu zauh u,” a ti.

AMOS 3:9 ပူးပေါင်းရင်းမြစ်များ

2 SAMUEL 1:20

Gath leh Askelon khua lei tlângah phuang lah u. Chu lo chun Philistia nunau lunglo mi tla anna lâwm sual lai.

THUFING LASUIBU 1:13

Neih-le-siah zât kip kan tawng lai le, chu kan tawng mi tla hen kan insung kan khah lai le!

THUFING LASUIBU 11:16

Nungâk vêlnei chu zah a kâi le, sikhawmsele nunau fâifîm lo chu zahpi a kâi. Mi zângzê nih zeiliau khawm tangka a nei dah lai loh. Mi ṭuanrât nih neihnâk â ting lai.

THUSIMTU 4:1

Churawhchun, hi laikulh ah diklonâk zawzawng kal vima mi chu ka chuanh nawlh. Nâuneh hen an um mi tla chu an ṭap le, âukhawm nih an ṭangpi na lo. Anmah nehsawhtu leikâng mi tla nih thiltikhonâk an nei ruangah pakhat khawm nih an ṭangpi na lo.

JEREMIA 31:5

Veikhat chu Samaria tlângah grep nan phun nawlh lai le, a phuntu tla nih grep a rah mi chu an ei nawlh lai.

JEREMIA 46:14

“Aigupta khuapi tla, Migdol, Memphis leh Tahpanhes ah thu phuang u: ‘A vêng ding hen a timhtuah u; nan neih zawzawng chu râltuknâk ah a vei hep lai!

JEREMIA 50:2

“Phun tla chu thâwngthâng simh na u! Phuang u! Singsiahnâk pêk ule, thâwngthâng phuang u! A thuptê hen kil ko lah u! Babulon chu a tlû rawh! A pathian Marduk khawm râwk dep asi rawh! Babulon milem chu ningzak saih asi le, a milem fihnungkâi tla khawm â râwk rawh.

EZEKIEL 36:8

Sikhawmsele, Israel tlâng sâng tla tlûnah thing tla chu a nah a chawrh lai le, ka mi Israel rangah rah an suah lai. Tam sâwtlo hen in leiah nan hawng tlung lai rawh.

EZEKIEL 37:22

Israel ram tlâng tla ah phun khat ah tlâi dut hen ka siam na awt. Lal pakhat an lakah lâirêltu ding ah an nei lai le, phun nih ah ṭhen hen lalram panih ah an um lai lo rawh.

HOSEA 7:1

“Ka mi Israel tla damh na ding leh an sul-le-lam tluangtir ka duh zâwn khawm ah an sualnâk leh an ṭhatlonâk zawzawng ka muh tâwn. Pakhat leh pakhat anna perpet; in tla an siat le thil an fîr, zâwllâi ah mi an rawk.

AMOS 1:8

Asdod khuapi ah lâirêltu leh Askelon lâirêltu tla ka ṭhial na awt. Ekron khuapi chu ka rêp lai le, Philistia thibang tla chu an thi lai,” a ti.

AMOS 4:1

Nannih Samaria ram mi nunau, Basan chawpinu bit tal a châwm mi hâwi tla, mi chaklo leh mipâm tla nehsawhtu, din phung hen nan pasal le nih an châwm na ding hen hauhtu tla, ngâi u!

AMOS 5:11

Mipâm tla nehsawhtu leh an fâng tla lâk piaktu nan si. Churuang chun lungin ṭha tak nan sak mi sungah nan um lai lo le, nan dam sungah mi grep dawh tak nan phun mi hâng khawm nan din lai lo.

AMOS 6:1

Nannih Zion ah nuamchenhtu tla leh Samaria ah him tak a um ding hen ruattu Israel phun lakah mi rokual rangah ṭihnung a kâi awt chiam e, nannih chubang tla sinah ṭangpi deih hen kaltu tla!

AMOS 6:3

Chu siatnâk a hawng tlung ding mi lakah chun va a pêk ding nan duh lo. Zeital ti khawm ule, chu ni hawng tlung ding chu a nâi dadauh asi.

AMOS 8:6

A man dêng lo rê kan fâng man tla a leiluat a sâng hen kan zuar kho lai. Mipâm, a leiba sam kholotu kan tawng lai le, a pheikawk bawp khat man men pêk kholotu pa chu sal ah kan châwk lai,” nan ti.

MIKAH 6:10

Misual in tla ah chun diklo tak hen an tawng mi thil-le-rî a um, ka huatkâng tak hen tahnâk diklo an mang.

1 SAMUEL 5:1

Philistia mi tla nih Thudântuk Bâwm an lâk rawh chun Ebenezer sinah mi chu Asdod khua ah an kalpi.