AMOS 3:8 - Bawm Common Language Bible Version

⁸ Chakeibaknei a hûk liauah âu ṭih lotu a um? LALPA Zahkâi nih thu a sim mi chu âunih a thuchah khap khotu um?

AMOS 3:8 ပူးပေါင်းရင်းမြစ်များ

ISAI 21:10

Ka mi Israel tla, fâng hâwi hen khâwng hen nan um le, sikhawmsele tuah thâwng ṭha tak nan sinah ka hawng sim asi, chu chu LALPA Zeizawng tikho Israel Pathian thawk hen mi asi.

ISAI 31:4

LALPA nih ka sinah, Dawrâpu chu zei ti tal âu hen râk khawmsele, chakeibaknei nih ran a seh mi chu a hum kho lo; chu hâwi hen LALPA Zeizawng tikho nih Zion Tlâng ka hum ding mi chu hawng ka khap khotu zeikhawm a um loh.

JEREMIA 20:9

Sikhawmsele, “LALPA hi ka philh lai le, amah min hen thu ka sim lai lo rawh,” ka ti awt chun, na thuchah chu mei hâwi hen ka sung thûk tak ah a kâng. Ka ti kho ri ka sûm le, sikhawmsele ka derh kho lo rawh.

JEREMIA 26:12

Churawhchun, kei nih, “Hi Biakin leh hi khuapi râwk ding hen thu ka sim mi nan theih mi chu LALPA nih sim ding hen hawng ka fial mi asi.

EZEKIEL 29:21

“Chu chu a hawng tlung tikah Israel mi tla chu ka chaktir na lai le, nang Ezekiel nih mikip theih ding hen thu ka nan simtir lai le, kei LALPA kasi ti an theihnâk ding hen,” a ti.

AMOS 1:2

Amos nih, “LALPA nih Zion thawk hen a hâu a suah le, Jerusalem thawk hen a hâu chu khua rît hâwi a suah. Ram ningno chu a châr le, Karmel Tlângah belh tla chu a râu ver,” a ti.

AMOS 2:12

Nazirit mi tla chu uain nan dinh na le, khuavâng tla chu ka thuchah an sim ding mi nan khap.

AMOS 3:4

Sa seh lo hen tumun ah chakeibaknei a hûk tâwn mazei? Chakeibaknei chak liau khawm thil zeimawh tawnglo hen a pûk ah a lût dah tâwn ma?

THILTI 4:20

Kannih lam chu thil kan muh mi leh kan theih mi tla hi simlo hen kan um kho lo,” an ti.

THILTI 5:20

“Pathian Biakin ah va dîr ule, mi le tla sinah hi bang Nungnâk thu zawzawng hi va sim u,” a ti.

THILTI 5:29

Sikhawmsele Peter leh mifial tla nih chun, “Minung thu ngâk hen Pathian thu kan zûl dauh ding asi.

1 KORIN 9:16

Thâwngthâng Ṭha sim khawmsele putso ding rerêng ka nei lo, ti ngelchel ding hen ka tlûnah â thâng asi. Thâwngthâng Ṭha sim lah sele ka tlûn a pit awt asi.

THUPHUANG 5:5

Chun, Upa tla lakah mi pakhat nih chun, “Ṭap lah, ngâinik, chakei baknei Juda phun ah mi, David thlâk nih khan lasuibu chu kêu ding leh a singsiahnâk pasarih tla khawm samh ding hen a neh rawh,” a hawng ka ti.