AMOS 3:6 - Bawm Common Language Bible Version

⁶ Mi tla ningṭihnâk umlo thlo hen khuapi ah râltuk tâwtawrâwt an tum dah tâwn ma? LALPA fial mi silo hen khuapi ah siatnâk a tlung tâwn ma?

AMOS 3:6 ပူးပေါင်းရင်းမြစ်များ

GENESIS 50:20

Ka lakah thil diklo ti nan tum le, sikhawmsele Pathian nih thil ṭha hen an rulh na. Tûliau ah pâm a hawng tlung mi lakah hin a dam mi tla rangah kan nung khonâk ding hen.

2 Lal 6:33

Hi thu a sim thluh kâ hen, lal chu a hawng tleng le, a sinah, “Hi bang nawknâk kan lakah tlungtirtu hi LALPA asi! Amah rangah thil zeimawh ti ding hen zei chan me ka ngâk awt?” a ti.

ISAI 45:7

Chêu leh mûi khawm ka siam vevê; malsâwmnâk leh siatnâk khawm ka tlungtir mi an si vevê. Kei LALPA nih chubang thil zawzawng ka ti mi asi.

JEREMIA 10:7

Phun zawzawng tla lalchem, âunih a nan zah lo lai? Nang chu zah tlâk na si. Phun tla lakah mifing zawzawng leh an lalchem tla lak khawm ah nang hâwi pakhat khawm an um lo.

JEREMIA 4:19

A fâk a! A fâk ka tuar kho lo. Ka lung a fâk a! Ka thinlung a fâk chiam e! Tâwtawrâwt hâu leh râltuk hâu ka theih le, ka dâisip kho lo.

JEREMIA 4:5

Ram pumpi ah tâwtawrâwt tum u! Fiang tak leh hâu fâk tak hen âu u! Juda mi tla leh Jerusalem mi tla chu kulhnei khua tla ah tek ding hen simh na u.

JEREMIA 5:22

Kei, LALPA kasi; zei rangah nan ka ṭih zah lo zia? Zei rangah ka mâika ah nan thir lo zia? Tipi â rînâk rangah sep ka siah le, um kumza mi ramri kanh kho lo mi asi. Tipi chu tlingtlawk khawmsele, a pîn leiah a kal kho lo; tî tlingtlawk chu a hâu a suah kho, sikhawmsele a tâwn kho lo.

JEREMIA 6:1

Benjamin mi tla, him ding hen tek u! Jerusalem lakah mi suak u! Tekoa ah tâwtawrâwt tum ule, Beth Hakerem ah theihtirnâk mei chêu u. Marlei thawk hen siat leh râwknâk a hawng tlung awt.

EZEKIEL 33:3

Mêlma a hawng mi a muh tikah, anih nih rihâu mikip theihtir kan ding hen a suah.

HOSEA 5:8

Gebeah ah râltuknâk tâwtawrâwt tum u! Ramah ah râltuknâk hâu suah u! Bethel ah râltuknâk phuang u! Râltuk u!

AMOS 3:5

An tarh mi chuk lo hen thang ah va a awh dah tâwn ma? A tawnghtu umlo hen thang a pelh dah tâwn ma?

ZEPHANIAH 1:16

râltuknâk tâwtawrâwt tum hâu hen khat mi leh kawrsen tla nih khua kulh leh in sâng tla an do liau a mi âu hâu tla a um lai.

ZEKARIA 8:10

Chubang hun lân chun minung mawh ran mawh âukhawm nih tikho ding hen an nei lo le, âukhawm an mêlma lakah mi him hen an um kho lo. Anmah leh anmah ka dotir na.

THILTI 2:23

Kha minung kha Pathian ruat chia leh theihkan hâwi hen an tleihtir le, nannih nih misual kut ah kraws ah nan khenh le, nan thah rawh.

THILTI 4:28

na kut hen leh na thinlung hen hawng tlung ding a ruatkan mi vial kha ti ding hen.

2 KORIN 5:11

Chun Lalpa ṭihnâk dân theih hen minung tla chu kan lêm tâwn le, Pathian sinah lam chun langhtir hen kan um tâwn; nanmah sia leh ṭha theihnâk ah khawm langhtir hen kan um ka lungum.