AMOS 2:7 - Bawm Common Language Bible Version

⁷ Mi chaklo leh ṭangpi nei lo chu an lamhbêk na le, mipâm tla lampi ah mi chu an tul ving na. Mi nih an pa fa hen an salnu chu an ihpi le, ka min thenhlimh an nawmh.

AMOS 2:7 ပူးပေါင်းရင်းမြစ်များ

2 SAMUEL 12:14

Sikhawmsele, hi bang hâwi na thilti nih LALPA na siarlo zia a langh ruangah na fa lam chu a thi lai,” a ti.

1 Lal 21:4

Ahab chu Naboth thusim ruangah thinthawk leh lungsilo hen in leiah a lâwi. A ihkhun ah vân lei hawi hen a it le, buh khawm a ei lo.

THUFING LASUIBU 28:21

Nabeibâng hen thilti chu a diklo, sikhawmsele lâirêltu nih chun nawhnâk tâwmtê tawng duh ruangah thilsual a ti kho.

ISAI 10:1

Râwk leh siat hen na um rawh! Dân diklo tak hen nan siam le, ka mi tla nan nehsawh.

ISAI 10:2

Chubang hâwi hen mipâm tla chu thu nan neitir lo le, dik tak hen um ding khawm nan siang na lo. Churuang tak chun asi, mi ngâkṭah leh numei tla thil-le-rî nan lâk piak na mi chu.

ISAI 3:14

LALPA nih a mi le tla lakah upa leh ruitu tla chu lâirêl piak na ding hen a put na. Hi phiarnâk hi a siam: “Mi grep dûm tla nan va rawk le, mipâm thil nan lâk mi hen nan in tla nan khattir.

ISAI 3:15

Ka mi tla siat leh rawk ding leh mipam tla nâuneh ding hen thuneihnâk nan nei lo. Kei, LALPA Zahkâi, Zeizawng tikho nih chu chu ka sim asi,” a ti.

EZEKIEL 22:11

A zeimaw mi nih ṭângdang an pawm le, midang nih an monu mawh an nu ei fanu mawh an lêm.

EZEKIEL 36:20

An va kalnâk kip ah mi tla nih, ‘Hi minung tla nih hin an Pathian nih a pêk na mi ram an kaltâk’ an ti na ruangah ka min thenhlimh an mualphoh.

HOSEA 4:14

Sikhawmsele, chu mi ruangah annih tla chu ka rêp na awtlo, nanmah ngelchel khawm â zuar mi biakin ah nan kal hen anmah tla hen bâwlnâk ap mi nan si ruangah. Thufing nih, ‘Theihnâk nei lo mi tla chu anna râwk lai,’ ” a ti mi hâwi hen

LEVITICUS 18:15

Na monu na ihpi ding asi lo,

LEVITICUS 18:21

Na fa tla Molek pathian sawnhnâk ah mang ding hen pêk lah, LALPA Pathian min mualphohnâk asi ruangah.

LEVITICUS 18:8

Na pa nupi tla âu hen khawm ihpi hen na pa rangah mualphoh lah.

LEVITICUS 20:3

Mi âuzawng nih a fa pakhat mawh Molek sinah pêktu chu ka Puanin nâwmtirtu leh ka min mualphohtu asi. Chu minung chu ka do lai le, ka minung asi kho lai lo.

AMOS 4:1

Nannih Samaria ram mi nunau, Basan chawpinu bit tal a châwm mi hâwi tla, mi chaklo leh mipâm tla nehsawhtu, din phung hen nan pasal le nih an châwm na ding hen hauhtu tla, ngâi u!

AMOS 5:11

Mipâm tla nehsawhtu leh an fâng tla lâk piaktu nan si. Churuang chun lungin ṭha tak nan sak mi sungah nan um lai lo le, nan dam sungah mi grep dawh tak nan phun mi hâng khawm nan din lai lo.

AMOS 5:12

Sual ṭihnungkâi tatak nan ti mi leh dân tam tak nan buar mi tla ka theih, mi ṭha tla nan nehsawh na le, nawhnâk nan lâk, mipâm tla khawm lâirêlnâk ah an dik mi khawm diklo hen nan tuah na.

AMOS 8:4

Nannih mipâm lamhbêktu leh ram lakah mipâm veih ding tumtu tla, hi hi ngâi u.

MIKAH 2:2

Phâisen an duh mi tla an lâk piak na le, in an duh mi zawng an lâk piak na.

MIKAH 2:9

Ka mi tla nih an dâwt tak mi nunau tla in ah nuam tak hen an um mi chu nan nar na le, mal ka sâwm mi an fa tla chu nan rawk na.

ZEPHANIAH 3:3

A rianṭuantu tla chu chakeibaknei hûk mi hâwi an si, a lâirêltu tla chu chingngia râwlṭâm tla nih zînglei rang khawm ah an hamkah ruangah ruh an zuah kho lo mi hâwi an si.

ROM 2:24

Pathian thu nih a sim hâwitê khan Pathian min chu nanmah Juda tla ruangah Phundang tla lakah siattir hen a um rawh asi.

1 KORIN 5:1

Nan lakah pung le lêngnâk a um ti thu a thang chiam asi. Chu hâwi pung le lêngnâk chu Phundang tla lak khawm ah a um lo mi, nan lakah mi pakhat nih a nu-ei a umpi kha.