AMOS 2:4 - Bawm Common Language Bible Version

⁴ LALPA nih, “Juda mi tla chu an sual nûnah an sual nawlh le, churuang chun ka rêp na nget awt. Ka sîntirnâk an siarlo le, ka thupêk khawm an zûl lo. An thlâktu tla nih an sawnh mi pathian diklo leiah pial hen an um.

AMOS 2:4 ပူးပေါင်းရင်းမြစ်များ

2 Lal 17:19

Sikhawmsele, Juda mi tla khawm nih an LALPA an Pathian dân chu an zûl duh lo le, Israel tla nih an zûl mi dân an châwng bâk.

2 CHRONICLES 25:14

Amaziah nih Edom mi tla neh hen a hawng kîr liauah, an milem tla a put le, a toh na le, a rimthâw tla duah hen a sawnh.

2 CHRONICLES 30:7

A nan thlâk natu leh nan hâwi Israel mi tla LALPA an Pathian sinah zumh an kâi lo mi hâwi hen um lah u, fâk tak hen rêp an si zia khawm nan muh ko kha.

NEHEMIAH 1:7

Sual tak hen na lakah thil kan ti le, na thupêk tla hâwi hen thil kan ti lo. Na to-aw Mosi mang hen Dân na kan pêk mi tla khawm kan zûl lo.

NEHEMIAH 9:26

“Sikhawmsele, na mi tla chu an hel le, na thu an ngâi duh loh, na dân tla chu dunglei an sîttâk. Anmah rim ding hen simhtu khuavâng tla an thah na, zeiliau zawng ah an siarlo.

ISAI 28:15

Thihnâk hen thutiamnâk siam hen nanna zûm le, laikulh thihnâk hen remnâk nan phanh rawh. Siatnâk a hawng tlung tikah zuah na ding hen nanna ruat, perpetnâk leh âwkrâwl thu lakah him ding nanna ngauh ruangah.

ISAI 44:20

Vachâm ei mi hen a finghnâk â bang cho. A thinlung âtnâk nih amah chu ṭangpi kho lo rê hen diklonâk leiah a kalpi. A kut ah a tleih mi milem chu pathian asi lo thlo ti a theih lo.

JEREMIA 16:11

LALPA nih, ‘Nan thlâktu nih an hawng ka hertâk le, pathian dang tla an sawnh hen a rian an ṭuan. An hawng ka kaltâk le, ka sîntir na mi an zûl duh lo.

JEREMIA 16:12

Sikhawmsele an thlâktu tla ngâk hen nan thilti a sual dauh. Nan ektê hen nan lungkhung hen nan sual le, ka thu nan ngâilo.

JEREMIA 17:27

Sikhawmsele, ka thu an zûl hen Dinhni chu thenhlimh tak hen an ulh ding asi. Chu ni ah chun Jerusalem kulh kawtkâ ah zei thilrit khawm an lûtpi ding asi lo, an lûtpi chun Jerusalem kulh kawtkâ chu mei hen ka duah awt. Mei nih chun Jerusalem ah lal in tla a khangh lai le, âukhawm nih mih kho asi lai lo,” a ti.

JEREMIA 6:19

Tual, ngâi rawh! Hi minung tla nih ka sîntirnâk an duh lo hen ka thu an ngâilo ruangah, an ruat mi zawzawng ruangah rêpnâk ding hen siatnâk an tlûnah ka tlungtir awt.

JEREMIA 8:2

Pumh leh vûi ngangâk hen tual churtirnâk hâwi hen tual tlûnah an rîl lai. Nî, thlâ, ârfi, chubang minung tla nih an duh hen an rian an ṭuan hen thu an deih hen an sawnh mi mâika ah pharh zut hen an um lai.

JEREMIA 8:9

Nan mifing tla chu ningzak saih hen an um le, anna nawk le, anna awh pang. Ka thu an duh lo le; tuah zei finghnâk me anna ting?

JEREMIA 9:14

Chu ngâk hen, an lungkhung le, an pa tla nih ti ding hen an simh na mi Baal lem tla an sawnh.

EZEKIEL 13:22

“Nan âwkrâwl thusim hen mi ṭha nganfâk pêk ding ka duh na lo mi tla, nan zerhtir ver na. Misual tla chu thilsual ti bâng ding mi leh an nungnâk hum hen um ding mi nan kham na.

EZEKIEL 20:13

Sikhawmsele ramkaro ah an ka siarlo. A zûltu âuzawng rangah nungnâk ding mi dân leh thupêk tla chu an buar le an duh lo. Dinhni tla an nawmh dep. Ramkaro ah anmah tla chu ka thinthawknâk fâk tak theihtir leh veih dep na ding hen ka tîm rawh.

EZEKIEL 20:16

Thu ka tiamh na mi a san chu ka thupêk tla an duh lo le, ka dân tla an buar hen Dinhni tla an nawmh le, an milem tla sawnh ding an tum ruangah asi.

EZEKIEL 20:18

Chu ngâk hen anmah lakah seino tla rangah nun ka simh dauh na: An thlâk natu tla nih dân an siam mi zûl lah u; an dân zûl hen an milem lakah a nâwmtir lah u.

EZEKIEL 20:24

Hi ka tinâk san chu, ka thupêk tla an duh lo le, ka dân tla an buar, Dinhni tla an nawmh le, an thlâktu tla nih a rian an ṭuan mi milem tla an sawnh ruangah asi.

EZEKIEL 20:30

Tuah Israel mi tla chu, kei LALPA Zahkâi nih ka sim mi hi simh na: Nan pa tla nih thilsual an ti mi hâwi chu ti hen zei rangah an milem tla chu nan zûl awt êu?

EZEKIEL 22:28

Khuavâng tla khawm nih, mi nih hawl hen kulh an nalh mi hâwi hen chubang sualnâk chu lang lo ding hen an pheh. Muhnâk diklo tla an muh le, simkannâk diklo tla an sim. LALPA Zahkâi thu simtu ah anna ruat le, sikhawmsele kei LALPA nih annih tla chu ka sawnh na lo.

EZEKIEL 22:8

Mun thenhlimh khawm zahnâk na nei lo le, Dinhni khawm na ulh lo.

HOSEA 12:2

LALPA nih Juda le tlûnah sâwinâk a nei; Israel khawm thilsual an ti ruangah a rêp na awt. An thilti man a pêk na awt.

HOSEA 12:3

An thlâktu Jakob nih fa phîr a suakpi mi a unaupa Esau rangah an nu paw sungah an um liauah a sualpi le, Jakob chu a lian nûnah Pathian a sualpi,

HOSEA 6:11

“Juda mi tla, nannih rangah lam chun nan thilti mi ruangah an rêp na ding hen tik ka ruat rawh.

AMOS 1:3

LALPA nih, “Damaska mi tla chu an sual nûnah an sual nawlh vima le, chubang tla ruangah ka rêp na nget awt. Gilead mi tla chu fâk tak hen an nehsawh na.

AMOS 3:2

“Hi tual tlûnah phun zawzawng lakah nanmah cho hi kan theih na hen kan zauhkhenh na mi chu nan si, chu hâwi mi nan si ruang chun nan sual tla ṭihnung a kâi hen ka nan rêp na san chu asi,” a ti.

MIKAH 6:12

Nan minei tla nih mipâm tla an mang na le, nan ektê hen mi âwkrâwl ver nan si.

HABAKUK 2:18

Milem hi zei rangah mang asi? Minung nih thil zeimawh an siam mi cho asi le, âwkrâwl cho lo chu zeikhawm an simh loh. Hawlh kho lo mi pathian nih a siamtu rangah zei thil ṭha me zumhkâi ding hen a ti piak?

ROM 1:25

Pathian thutak chu âwkrâwl ah changtir hen a siamtu sawnh ngâk hen a siam mi chu sawnh hen a rian an ṭuan dauh dangâiah. A siamtu chu zungzâl hen sawr tlâk asi. Amen.

1 THESALONIKA 4:8

Churuangah, a siarlotu nih chun minung a siarlo asi lo le, Pathian, a Thlarau Thenhlimh a nan pêk tâwn natu siarlo mi asi dauh.

1 PETER 1:18

An thlâk natu pêk singsuan, nan umdân rawtrâilo lakah mi thil râwkkho mi, tangka leh ngûn hen tlanh nan si lo;

LÂIRÊL 10:6

Israel tla chu LALPA tlûnah thilsual an ti fâwn le, Baal leh Astartes, Siria, Sidon, Moab, Amon leh Philistia pathian tla chu an sawnh. LALPA chu an kaltâk le, amah an sawnh mi chu an bâng rawh.