AMOS 2:2 - Bawm Common Language Bible Version

² Moab ram ah mei ka thlah lai le, Kerioth kulh chu a kâng hep lai. Moab mi tla chu râltuk hâu, kawrsen tla âu hâu leh tâwtawrâwt hâu ah an thi lai.

AMOS 2:2 ပူးပေါင်းရင်းမြစ်များ

ISAI 9:5

Rûntu kawrsen pheikawk tla leh an thisen buaih mi nipuan tla chu mei nih a khangh hep lai.

JEREMIA 48:24

Kerioth leh Bozrah khuapi tla tlûnah. Moab khuapi mun lât ah mi leh mun nâi ah mi zawzawng tlûnah lâirêlnâk a hawng tlung.

JEREMIA 48:34

“Hesbon a mi leh Elealeh a mi tla an ṭap le, an ṭap hâu chu Jahaz tiang hen theih asi; Zoar a mi tla khawm nih an theih, Horonaim leh Eglath Selisiah a mi tiang khawm nih an theih. Nimrim tivatê khawm a kang hep.

JEREMIA 48:41

khuapi tla leh kulh tla chu lâk hen a um lai. Chu ni chun Moab kawrsen tla chu nunau nganfâk mi hâwi hen an lâu lai.

JEREMIA 48:45

An tek mi tla nih Hesbon, Sihon lal nih lâi a rêlnâk khuapi ah humtu ding an hâwl le, sikhawmsele meialh lakah a um. Mei nih ramri ah um mi tla leh Moab râltuk duhtu umnâk tlâng sâng tla chu a kâng.

EZEKIEL 25:8

LALPA Zahkâi nih, “Moab nih Juda chu phun dang tla hâwi ber asi a ti ruangah,

AMOS 1:14

Churuangah Rabah khuapi kulh leh in tla chu mei hen ka duah awt, râltuk ni ah chun râk hâu tla a um lai le, tuknâk chu thlipi hâwi hen a fâk lai.

AMOS 1:4

Churuang chun lal Hazalel nih in a sak mi chu mei hen ka duah lai le, Benhadad in tla chu ka duah phin lai.