AMOS 2:11 - Bawm Common Language Bible Version

¹¹ Nan fapa zeimaw mi chu khuavâng rangah ka thîm na le, nan tlangvâl zeimaw mi tla chu Nazirit ah ka siam na. Israel mi tla, Kei, LALPA nih ka sim mi hi a diklo ma?

AMOS 2:11 ပူးပေါင်းရင်းမြစ်များ

1 Lal 17:1

Khuavâng pakhat a min Elija Gilead ram ah Tishbe khua mi nih lalchem Ahab sinah, “LALPA Israel Pathian, a rian ka ṭuan mi min hen ka nan simh asi, kum nih mawh kum thum sung chu sûr ding ka sim lânlo chu ruah leh dâm rerêng a sûr hen a tlâ lai lo,” a ti.

1 Lal 18:4

Jezebel nih LALPA khuavâng tla a thah na liauah Obadiah nih khuavâng zâ a kalpi na le, pûk ah sâwmnga hen murui nih a suah na le, pûk ah a thuh na; an ei ding buh leh tî a ruat piak na.)

1 Lal 19:16

Israel lalchem rang ding ah Nimsi fapa Jehu sariak va thuh. Nangmah ruangrûl ah khuavâng siding hen Abel Meholah khua mi Saphat fapa Elisa sariak va thuh.

1 Lal 20:13

Chu karah chun khuavâng pakhat lalchem Ahab sinah a kal le, a sinah, “Kawrsen rokual tak chu ṭih lah na le, tusûn ni ah nehtu sinâk ka nan pêk awt, churawhchun kei hi LALPA kasi ti na hawng ka theih lai. LALPA nih a ti,” ti hen a simh.

1 Lal 20:35

LALPA thupêk hen khuavâng rual lakah a hâwi khuavâng pakhat sinah, “Hawng ka vuak,” a ti.

1 Lal 20:41

Khuavâng nih a mêl puan khuh chu a awng le, lalchem nih khuavâng asi ti a theih sawm.

1 Lal 22:8

Ahab nih a sâng le, “Pakhat a um rih, Imlah fapa Mikaiah, sikhawmsele anih chu ka hua asi; kei rangah a ṭha kâng hen zeikhawm a sim lo ruangah, a sia lei kumza hen a sim tâwn,” a ti. “Chu minung chu sim khawm sim lah,” ti hen Jehosaphat nih a sâng.

2 Lal 17:13

LALPA nih mifial leh khuavâng tla Israel leh Juda rangah thiamthihtir na ding hen a fial le, “Thilsual ti bâng ule, ka to-aw khuavâng tla mang hen nan thlâktu rangah dân ka nan pêk na mi lakah mi kha zûl u,” a ti.

2 Lal 6:1

Nikhat chu khuavâng murui Elisa nih a ho na mi tla chu an chipchiar le, “Kan umnâk mun a bî tuk.

2 CHRONICLES 36:15

LALPA an thlâktu Pathian nih anmah leh Biakin chu zuah ding a duh ruangah anmah simhkantu khuavâng a fial vima.

JEREMIA 11:21

Anathoth mi tla nih thah an ka duh le, LALPA thuchah ka phuang kumza chun thah ding an ka tum ti an ka simh.

JEREMIA 2:31

Israel mi tla, ka thusim zei asi ngâi u. Nan rangah ramkaro, mûi leh ṭihnungkâi hâwi ma kasi? Chu hâwi asi chun, na duhzia ti hen na sinah ka hawng kîr awtlo rawh na ti bei ne?

JEREMIA 2:5

LALPA nih: “Nan thlâktu tla nih hawng ka phiar ding hen zei an ti? Zei nih ka sinah mi kâng dang leiah a hertir na? Zeikhawm silo mi milem an sawnh le, anmah khawm zeikhawm an si lo rawh.

JEREMIA 26:11

Churawhchun, bâwlpu leh khuavâng tla nih ruitu tla leh zapi tla sinah, “Hi minung nih hin kan khuapi râwk ding hen a sim ruangah thi tlâk asi. Nanmah nâ ngelchel hen nan theih,” an ti.

JEREMIA 7:25

Aigupta ah mi an thlâk natu an hawng suak ni thawk hen tusûn ni tiang hen ka khuavâng tla, ka to-aw tla nan sinah ka hawng fial kumza na.

LUNGFÂKNÂK 4:7

Kan lal fa tla chu vûr hâwi hen nâwm lo leh thenhlimh an si, chak tak leh vak tak hen, dam leh sen ak hen an um.

MIKAH 2:6

Mi nih ka sinah thu an sim le, “Kannih lakah sim lah. Chubang thu tla chu sim lah, Pathian nih ningzak hawng kan saih lai lo.

THILTI 4:18

Chun, annih chu an kawh na le, Jisu min hen thu simlo thlo ding hen leh sîntir lo thlo ding hen an ti thlir na.

THILTI 5:28

“Hi min hen sîntir lo ding hen kan nan ti thlir na rawh khateh, sikhawmsele nan thusim Jerusalem a khat rawh, hi minung thihnâk ruangah mawhtir ding nan hawng kan duh asi hi,” ti hen, a salh na.

THILTI 7:51

“Mi lungkhung, lunglo mi thinlung puttu leh nasêt tla, zeiliau zawng ah Thlarau Thenhlimh nan do kumza; nan thlâktu tla ti hâwi vima khan nan ti tâwn.

DEUTERONOMY 18:18

Anmah lakah mi nangmah hâwi mi khuavâng pakhat an sinah ka fial lai le; thusim ding mi tla chu ka simh lai le, thu ka pêk mi tla zawzawng chu zapi tla a simh na lai.

1 SAMUEL 19:20

Churawhchun, amah tleih ding hen mi a fial na. Chu mi a fial mi tla nih, khuavâng murui an hotu Samuel sinah lâm hen âu mi an va muh na. Churawhchun, Saul minung tla chu Pathian Thlarau nih a hawng luah na le, annih khawm an lâm le, an âu bâk.

1 SAMUEL 3:20

Churawhchun, Israel mi zawzawng khatlei ram dawng thawk hen khatlei kâng dawngh tiang nih Samuel chu LALPA khuavâng asi ti an theih tatak rawh.