AMOS 2:10 - Bawm Common Language Bible Version

¹⁰ Aigupta ram a mi chu kan suakpi na le, ramkaro mun ah kum sâwmli kar vial ka rui na le, Amor ram chu nanmah tâ siding hen kan pêk na.

AMOS 2:10 ပူးပေါင်းရင်းမြစ်များ

NEHEMIAH 9:21

Kum sâwmli kar ramkaro ah an herh mi zawzawng na pêk na le, an nipuan tla khawm a ṭet lo, an kê tla khawm a fâk hen a phing lo

SAM 95:10

Kum sâwmli sung chu, chu minung tla nih ka lung an sitir lo, ‘Thungâi zumh an kâi lo! Ka thupêk tla an zûl duh lo,’ ka ti.

EXODUS 12:51

Chu ni ah chun Israel tla chu Aigupta ram ah mi LALPA nih a suakpi na.

EXODUS 20:2

“Kei, LALPA nan Pathian, Aigupta ram ah mi sal nan sinâk lakah mi an suakpi natu chu kasi.

EXODUS 3:8

churuang chun Aigupta ram ah an um mi chu suakpi na hen ram kâu tak pakhat neihnâk ding hen ram ningno tak, Kanaan mi tla, Hit mi tla, Amor mi tla, Periz mi tla, Hiv mi tla leh Jebus mi tla tuah an umnâk leiah kalpi na ding hen ka hawng ṭum asi.

JEREMIA 2:6

Aigupta ram ah mi ruang ka suah na hen, ramkaro mun zawzawngah, ramkaro leh resep nâwngah, ram châr leh ṭihnungkâi âukhawm umlonâk leh kal dahlonâk ah ka rui na khawm ah an ka sunhsak lo.

EZEKIEL 20:10

“Churawhchun, Aigupta ram ah mi chu ka suakpi na le ramkaro ah ka kalpi na.

AMOS 3:1

Israel mi tla, Aigupta ram thawk hen suak mi phun zawzawng nih LALPA nih nan thâwngthâng a sim mi thuchah hi ngâi u:

AMOS 9:7

LALPA nih, “Israel mi tla, Sudan mi tla chu nanmah hâwi ber hen ka thinlung ah ka ruat na. Aigupta ah mi ka nan kalpi na hâwi hen Philistia tla chu Kret thawk hen ka kalpi na le, Siria mi tla khawm Kir thawk hen ka kalpi na.

MIKAH 6:4

Aigupta mi chu kan suakpi na le; sal nan tâng mi chu kan suah na rawh; Nanmah an ruitu ding hen Mosi, Aron leh Miriam ka hawng fial na.

NUMBER 13:32

Churawhchun, Israel mi tla sinah ram an va zauh mi thâwngthâng chu diklo tak hen an zanh rawh. Mi zapi chu ram ah um mi tla châwm kho ding hen a ram khawm tirâwl a suak tâwk lo, kan muh na mi zawzawng chu mi sâng tatak an si,

NUMBER 21:25

Churawhchun, Israel mi le nih Amor khuapi tla zawzawng an lâk le, Hesbon leh a kiangkam mi khua tla khawm an lâk le, chunah chun an um.

NUMBER 32:13

LALPA chu mi zapi lakah a rothawk le, amah lawmhtir lotu tla thlâk zawzawng an thi hep lânlo chu kum sâwmli kar ramkaro ah a vâitir na.

THILTI 13:18

Chun, kum sâwmli bo ramkaro ah khan a zauhkhenh na.

THILTI 7:42

Chun, Pathian nih a hawitâk na le, vân ah ârfi tla mâi an mûk khonâk ding hen annih tla chu a hawitâk na rawh, khuavâng lasuibu ah: ‘Israel phun le tla, ramkaro ah khan kum sâwmli karah sa thah hen leh ran thah hen kei nan hawng ka sawnh mazei?

DEUTERONOMY 1:39

“Churawhchun, LALPA nih kan ektê sinah, ‘Nan fa tla a siat a ṭhat theihlo rih mi, mêlma nih tleih ver na ding hen nan ruat na mi tla nih ram chu an luah lai. An sinah ram chu ka pêk na lai le, an luah lai rawh.

DEUTERONOMY 2:7

“LALPA nih nan thilti zawzawng mal an sâwm na zia theihkumza u. Hi ramkaro kâu tak ah nan vâi mi tla khawm a nan zauhkhenh na asi. Hi kum sâwmli sung zawng nan sinah a um le, nan thil herh zeizawng nan nei.

JOSUA 13:4

Kanaan ram chu a um vima rih, Mearah (chu chu Sidon mi tla tâ asi), Amor ramri leiah Aphek tiang hen;

JOSUA 24:8

Amor umnâk Jordan Va saklei ah kan kalpi na. A nan do na le, sikhawmsele nehtu ah ka nan siam na. An ram tla chu nan lâk le, nan kalnâk kip ah ka veih na.